[بن مغرم]

السلام عليكم انا توي مطلع فورتشنر 2008 vx1 والحين مشيت به 2000 كلم تقريبا بس من أيام عندما يكون الجو فيه رياح شديده يطلع عندي صوت داخل السيارة من ناحية مثلث باب السائق والراكب اللي يوجد فيه سماعة باللون الأسود وما ادري ويش قصة هذا الصوت خصوصا لما تتعدى السرعة 100 كلم والله حيرني وعلى فكرة سجلت الصوت وهو موجود في الملف المرفق أفيدونا جزاكم الله خيرا
على فكرة السيارة من أفضل السيارات وخصوصا في البر بس فيها عيب واحد
وهو العزل الصوتي والهوائي لا بأس به فهل هناك حلول مجربة لحل هذا العيب
جزاكم الله خيرا.

[الجفني]

الصوت هذا احتمال كبير يكون الشطرطون الي على السياره الي يكون لونه ابيض عرفته يكون على الكبوت ومن فوق التنده شيله وانشاء الله يروح الصوت واذا صار منه لا تنسى تدعيلي

[قشمير]

اشتري ريد أو بف باف:d


هذا صوت ناموسة:d


تراني امزح


دمت بود

[أبـــو عـــزام]

يا أخوي صوت عادي لا تصير موسوس مثلي

أهم شيء مافيه هواء يدخل للسيارة وهذا المهم أما العزل فالموتر عزله كذا وأغلب السيارات مؤخراً عزلها كذا إذا ماكانت فاخره.

شف عندك حواجب تركب فوق زجاج الأبواب الأمامية والأبواب الثانية يسهم بشكل كبير في العزل لكن أنا أشوف أنه يشوه من شكل السيارة

لو تركز أكثر حتى صوت الكفرات تسمعه

بس تراه ما يوصل لدرجة أنه يزعجك

سلام

[الخاطوف]

هلا اخوي بن مغرم كيف الحال
والله انه نفس الصوت الي يطلع في سيارتي والله اذا مشيت 180او190يطلع نفسه ما ادري وش المشكله انا سيارتي مشت 16 الى شي بسيط وبا اروح للوكاله اغير زيت 15 الف كيلو
واخليهم يزبطولي هاذي لمشكله انت اذا مشاء سيارتك 5 الاف كيلو رح للوكاله وخلهم يزبطونه لك



تقبل تحياتي ::::اخوك الخاطوف


الرجاء لاتنسوني با الدعاء ما ابيهم يشيلون المكافئه

[بن مغرم]

الله يعطيكم العافية شكرا لكم على تفاعلكم
بس المشكلة اتوقع هو دخول الهواء عن طريق مثلث الباب اللي حاطين فيه سماعة صوت وبما أن المثلث مجوف شوي يطلع هذا الصوت عامل زي البوق هذا بس المشكلة ليش يدخل الهواء .

[أبـــو عـــزام]

أخوي بن مغرم سمعت الصوت من المقطع اللي أنت حاط وبصراحه يختلف عن الصوت اللي توقعته

صوت الصفير هذا ما يجي إلا إذا كان فيه تنسيم هواء ويختلف عن العزل تماماً رح للوكالة أكيد المرايه ما ركبوها زين أو فيه جلده ناقصه.

الله يوفقك

[بن مغرم]

شكرا لك يابو عزام بس انا رحت الوكالة وحاصرنا المشكلة.
المشكلة بسيطة جدا هي في وزنية الأبواب وخصوصا باب السائق والراكب فالمهندس وزنها وراح الصوت نهائيا ولكم مني خالص الشكر والتقدير وهذي المواضيع تسهم في تبادل الخبرات والمشاكل البسيطة التي تحتاج إلى حل وسيارة الفورتشنر مهضوم حقها بصراحة في المجتمع لجهلهم بهذه السيارة الحديثة على الساحة

[العُلا]

الحمد لله . ومبارك عليك حل هالمشكلة ..

لا تنس تحمد الله على هالنعمة ..


تحياتي
بو فهد

[قويدارد]

جزاك الله الف خير يابن مغرم
انا عندي نفس المشكله وانشاء الله في الصيانه الدوريه تنحل انشاء الله

[أبـــو عـــزام]

ألف مبروك على حل المشكله والله فرحنا لك

وفعلاً مواضيع مثل هاذي تكون مرجع مستقبلاً لأي شخص عنده نفس المشكله أو مشكله مقاربه لها

أخوي قويدارد عقبالك إن شاء الله ولا تنسى تبشرنا وش يصير معك بالتفصيل

سلام

[أبوحمد]

ما شاء الله

تابعت الموضوع من بدايته مع أني توني أطلع عليه ,, والحمد لله أنه تم تفادي المشكلة ومعرفة سببها ..

والسياره ممتازه بس ناقصها بعض الاوبشن على الفل كامل !!

[جيب فورتشنر]

سبحان الله
نفس الصوت عندي بعد140 كيلو اذا كان في رياح شديدة

جزاك الله خير خلني اراجع الوكالة يوزنون الأبواب

مع اني يوم سمعته توقعت ان الصوت يطلع من حاملة العفش اللي على السقف
لأني اسمع الصوت من فوق باب الراكب

[فورتشنيراسود]

انا بعد عندي نفس المشكلة اذا وصلت 140 يطلع الصوت المزعج من جه المرايا يعطيكم العافية دليتونا على الحل

[دفع رباعي]

نفس المشكلة كانت عندي ركبت هوايات ع النوافذ الأربعة وأختفى الصوت ، قيمتها 120 ريال عند محلات الزينة ، تحياتي .

[سيارة عز]

مرحبا
وانا عندي نفس المشكله و ان شاء الله باروح لوكاله و اشوف وش راح يسوون وشاكر للجميع
ودمتم

[تيوتااا]

الصوت يطلع في سيارتي فور شنر2007 بس في السرعة العالية واذا كان الهوا جانبي على الموتر قوي ولاحظت ان القزاز يتحرك فيطلع الصوت (القزاز الامامي ) وعلى حسب اتجاه الهوا تهب الرياح من الجهه اليمين (الراكب ) يطلع الصوت من جهة السواق والعكس تاكد وعلمنا اما وزن الباب او المثلث فلا اظن انه المشكلة