مرحبا بك اخوي خالد
ومرحبا بكل الأخوه
1_بالنسبه لضغط الهواء على 40 Bar مناسب جدا ً
طبعا ً في حالة إستخدام السياره على (الطرق المعبده والإسفلتيه مثل ما تفضل علينا الأخ حسونه)
بس الشغله الأهم إنك إذا كنت من الأشخاص لي يتركون السياره واقفه لفترات طويله وما تتحرك من مكانها أبد
مثلا ً لمدة إسبوع او 10 أيام وأكثر
زيد ضغط الهواء إلى 45 Bar قبل لا توقف السياره
لإن التاير مصنوع من ماده مطاطيه ومن الداخل أسيام معدنيه وكل ما طال وقوف السياره مكانها
يصير ضغط على التاير من جهة وحده فقط بسبب وزن السياره
وطبعا ً لأنه التاير مصنوع من ماده مطاطيه وبداخله أسيام معدنية وتبتدي تصير على شكل شبه مستقيم
بدال ما كانت على شكل مقوس او دائري ماخذ على قطر التاير
ووقت ما تبداء بتحريك السياره بعد هالفتره تحس ان السياره فيها نفضه لان التاير صارت فيه تدرجات
(جزء مقوس وجزء بخط شبه مستقيم)
طبعاً التقوس ما بتلاحظه لانه ما يبين وايد
وهيه عباره عن تدرجات بسيطه ومع سرعة السياره تبتدي السياره بالنفضه
ويمكن ينتفخ التاير وخصه اذا كانت درجة الحراره عاليه جدا ً
وهذا خطر لأنه ف أي لحظه يمكن ينفجر التاير
(الله يبعد عنكم المصايب ويحفظكم)
2_درجة حرارة الجو وحركة السياره وخاصة بسرعات عالية لها تأثير كبير على التاير
ف الصيف او على السرعات العاليه ونتجية ً لإحتكاك التاير بالأرض .. الهواء الموجود فيه
يتأثر بالحراره ويبداء بالزياده وانت ما تحس فيه
لذلك تتسمع وتشوف البرامج الثقافيه عن السلامه المروريه بأنه يجب فحص ضغط الإطارات بصورة مستمرة
3_غاز النيتروجين المعروف عنه إنه ما يتأثر بالحراره وسواء ٍ كان الجو حار أو بارد
أو استخدمت السياره على سرعات عاليه ويتم التاير بارد فبالتالي ما يزيد ضغط التاير
وتظل درة قياس ضغط الهواء مثل ماهلي عليه وما تتغير
وغاز النيروجين بالنسبه للدول أخرى غير دولة الإمارات ما عندي أي فكره عنه وين يتوفر
والأخ حسونه ذكر إنه متوفر في كذا محل ف الرياض
ولي اعرفه انه عندنا ف الإمارات يتوفر في علب بخاخ وتقدر تحطه دايركت من العلبه للتاير
4_عكس الإطارات بشكل دوري :
هذي الطريقه هي من أفضل الطرق للمحافظه على الإطارات وتعطيها عمر أطول وسلامه أكثر بإذن الله
وتستخدم لتعديل التاير وانهاء التدرجات وتسوية الأجزاء المتآكله من أطراف التاير
الطريقه هي عبارة عن عكس الإطارات
يعني الإطارات لي ف الأمام يرجعونها مكان الإطارات لي ف الخلف
ولي ف الخلف يحطونها ف الأمام
وبشكل عكسي
يعني التاير الأمامي اليمين يرجع مكان التاير الخلفي عاليسار
والتاير الأمامي اليسار يرجع مكان التاير الخلفي عاليمين
وهذي الطريقه تستخدم كل 10 آلاف او 15 ألف كيلومتر لجل تعمر الإطارات اكثر
وطبعا ً المقصود شرات ما ذكرت لكم لإنها التدرجات وتسوية الأجزاء المتآكله من أطراف التاير
وسبب تآكل أطراف التاير (واقصد الإطارات الأمامية) لأنها كثير الدوران وبصورة مستمرة سواء ً على دوار او منعطف يمنين او شمال ويبداء الأكلان من الداخل او الخارج .
5_ميزانية الإطارات والرودات بشكل دوري ضروريه جدا ً للحفاظ على الإطارات وأجزاء السياره المتحركه
شرات الجير والدفريشن والقطع الدائمة الدوران ف السياره
لأن النفظه تسبب تخلل ف هذي الأجزاء ويصير عندك فراغ بسيط فيها بس
كل مازادت سرعة السياره كل ما بداء الفراغ يأثر على هذي القطع الدائمة لدوران
6_انا أنصحك بإستخدام إطارات ميشلان لأنها افضل وأأمن إطارات على مستوى العالم
وخذها مني وانا جربتها ..
وأدري إني طولت عليكم وااااااايد بس قلت بالمره
أكتب كل اللي عندي من معلومات لعيون أعضاء وزوار هالمنتدى الطيب
وسامحوني عالإطاله أخوي خالد والأخوه الأعضاء والزوار
أخوكـــــم : شقــــــران
ملاحظة : أمانه يا أخوان لي وده ينقل هالمعلومات لأي جهة أخرى .. يذكر المصدر
وهو منتديات تويوتا العربية
الهواء كم الافضل 
مشاركة: الهواء كم الافضل 
