نصيحتكم وضروري الليلة فقط . تكفون لااحد يبخل علي

عش البلبل · 02-01-2008, 11:28 PM

السلام عليكم ورحمة الله وبركاته

اخواني عندي كامري 2007 glx قير تماتيك فتحه وجناح فل كامل اللون فضي
السيارة بحاله ممتازه وماشيه 16700 كلم انا ابي ابيعها لظروف خاصه واليوم لقيت واحد عطاني فيها 64500 ريال
والمشكله اني باقي ماوديتها المعارض يعني ما اعرف كم السعر المناسب .
وقال موعدنا بكره الصباح بيتصل علي نتقابل ويعطيني الفلوس وننقلها بسمه وشرايكم هل السعر تمام يعني هل سعر الكامري glx المستعمله الآن يقارب للسعر الي اعطاني الرجال ولا راح تجيبلي اكثر تكفون ابي ردود الليله

سالم القناص · 02-02-2008, 02:35 AM

والله أنا أقول ان السعر مناسب جدا ومقارب لسعر الوكالة

ولكن المفروض انك لازم تسعرها في المعارض أولا ( الدنيا حظوظ ) يمكن تطيح لك بشريطي يعطيك أكثر من 64 ألف

وجهة نظر

حموووده · 02-02-2008, 03:03 AM

لا لا لا لا تبيع لأنها بتجيب اكثر من 65 الف ان شاء الله
فلا لا لا لا تستعجل إلا اذا عندك ظروف هذا شئ ثاني ....
لكن مر على المعارض وشوف .

فارس الرياض · 02-02-2008, 03:04 AM

الله يبارك لك في فلوسها _ سعرها مناسب وأن كان الفرق 300إلى 500 ريال فهو لا شي بما انك مستعجل

عش البلبل · 02-02-2008, 03:28 AM

بيض الله وجيهكم ماقصرتوا ومشكووووورين على الرد

الذيب الأبيض · 02-02-2008, 05:19 AM

اممممممممممممممممممم ....

أول شي بما أنك ما رحت المعارض هذا قد أنك تفكر فيها بعدين ... يعني أنا أقولك روح شوف هالمعارض وش يقولون لك على سعرها يمكن تجيب أكثر

وعلى العموم هذا رايك يالغالي ...

تقبل مروري

كامري للأبد · 02-02-2008, 05:41 AM

المفروض انك تسعرها بكل مكان وخصوصاً إنه مبلغ مو هين ..

و خويك الشراي ينتظر يوم يومين .. ماوراه شيء

والله يوفقك بالبيعة

--

صرموح · 02-02-2008, 08:49 AM

اجل gl ماشي 30 كم تسوى ؟؟؟؟؟؟؟؟؟

انا ماخذها 73000 يعني تنباع بحول55

الــســامــي · 02-02-2008, 11:47 AM

سعرها العادل 65000 أو 64000 ريال .. تقريبا ..

يعني بإذن الله تكون كسبان ..

عش البلبل · 02-02-2008, 10:25 PM

السلام عليكم اخواني الأعزاء نظرا لأن المشتري كان بيسافر اليوم ..فليس هناك وقت لكي اسعر في المعارض وانا خفت ما القالها زبون او ماتجيب القيمه هذي عموما انا توكلت على الله وقابلت الرجال اليوم واشتراها ب 64500 ريال عطينا الوكاله 60000 الفلوس الباقيه لهم لأن السيارة نظام تاجير والباقي حطيته في جيبي وبزود عليه واشتريلي كورولا وافتك من اقصادها المره 1600 ريال شهريا لمدة 5 سنوات والرجال يقول يبي يسافر عليها لمدة اربعة ايام وبيرجع يبيعها ويحلفلي بالله يقول اذا جيت ابيعها احتمال ماتجيب راس مالها عموما انا مجمعلي كم قرش وبدور لي على سياره تقريبا كورولا 2003 وافتك من الأقصاد الله لايردها غلطت حياتي ..... وانتو والله ماقصرتو بآرائكم الله يحفظكم جميع ولي طلب بسيط لو تكرمتوا ............................. ادعوا لي بالتوفيق في اختيار سيارة مناسبه .
في امان الكريم والله يحفظكم ويرعاكم .