[بو نايف م]

مساكم الله بالخير جميعاً
شباب انا اليوم بدلت آيل الآلف كيلو متر وجربت ادوس بالموتر عشان اشوف قوة وعزم السيارة
انطباعي عن الاند كروزر الستاندر2008 - v6
بكل صراحة الموتر موب وايد سريع حده لسرعة 120 وبعدها الموتر تسارعه بطيء
والماكينة مستواها اقل من المتوقع
حطو ماكينة برادو وغيروا لنا البدي وسموه لاند كروزر والسعر طار عشان خاطر اسم السيارة
هذا بالنسبة للستاندر فما بالكم لو gx-r v6 اكيد بكون اثقل بالمشي
ونصيحتي للجميع انهم يشتروا v8 اكيد بتكون افضل بكثير واسرع من v6

ملاحظة : انا امتلكت اكروزر gx-rموديلات 2002 و 2005 و2006 ولاحظت ان موديل 2008 اسرع
مادري اذا عندكم اي تعليق من اللى سبق لهم انهم جربوا الكروزر الجديد والقديم ولاحظوا الفرق بالسرعة والعزم

وتقبلوا مني فائق الاحترام والتقدير .

[دربك خضر]

نعم أوافقك الرأي 100% محرك البرادو المطور كما تزعم الشركة ضعيف جدا بالنسبة لوزن السيارة الثقيل..!!
انصح فقط بمحرك ثمانية سلندر فقط v8 ربما يشفع مع الوزن الزائد للاند كروزر 2008

[حسونه]

تسلم يا بو نايف
وأنا معاك v8
هو الأختيار الصحيح

[جرح زمن]

وانا معك بس اللي مو راعي تطعيس ال 6سلنلدر افضل

[بنت الخران]

مساك بالنور والسرور اخوي

اليوم الله يسلمك سرت بيت عمي وولد عمي عنده استيشن ثمان سلندر + فلتر ريس

ما دري شو امسوي فيه بعد

المهم قلت له ودي السياره المغسله وانت سوق سيارتي

جربت معاه وانا الى اسوق الاستيشن ثمان سلندر ونحن ماشين فى الطريق


قلت اجرب شو قوه سيارتي

بس قومه مش خط

الاستيشن الجديد مسك معاه واستغرب !!!!


وقفنى وقال سوقي سيارتك وانا بسوق سيارتي ممكن ما تعرفين لها

وجربنا مره ثانيه

نفس الكلام واشوي اكثر

ليش الاستغراب

الست سلندر قوي جدا ووقف معا الثمان سلندر قير عادي !!!

سبحان الله

وعلى شل من مخه الشكل القديم وصنف على الشكل الجديد ثمان سلندر وارد قطر

الانطباع مع تجربه مع سياره ثانيه مثل نسيان فتك او لند كروزر

تجربه رائعه


لان الكروزر V8

قوي جدا

بس الجديد اقوى

ودمتم سالمين




شو رايكم

[دحمي راعي الهدد]

والله انا معي جي 2008 واشوووف انه ما عليه بالقومة والطعوووس ما شاء الله
بس اكيد ال V8 افضل منه

[نــايف]

v8
هو الأختيار الصحيح

[كلتش ريس]

فعلا الكروزر الجديد ثقيل في القومه وخصوصا القير الاوتوماتيك جدا ثقيل

لكن حق الناس الي ما يبون قوه او حق عائله ينفع ال6سلندر2008

اما حق استعمال شبابي ال8 سلندر افضل بس يفضل يكون قير عادي لان الاوتو بعد ماش