[استاذ مشاغب]

السلام عليكم .
اخواني هذه اول مشاركة لي بمنتدى الكامري وابي احد يفيدني هل يوجد سير تايمر بالكامري 2007
وسيارتي ماشية 55000 كم وماوديتها للصيانة الا عند 5000 كم و15000 كم .
وهل تنصحوني اوديها للصيانة قريب .
بس انا نيتي اوديها لصيانة 100.000 كم .

اخوكم استاذ مشاغب

[مملوح الكون]

والله اهم شي بالنسبه للصيانه اذا انت ماتب راعي تشيكات وماتبي سياره تعطلك وده كل 40000
لانه يغيرون السيور والفلاتر وتربيط وتغير مسحات وزيوت كله من القير والمكينه وتشيك بريكات وتنظيفه
انا اشوف كل 40000 مره وحده ممتاز ويكلفك حول 1200 او اكثر بشوي
بالنسبه للوضعك الحين دخله على 60000 وخلهم يسون لك تشيك 40000
وعقبه وده 100000

[غريب والود طبعي]

استاذ مشاغب
انا خابر انا اخر صيانه عند التويوتا عند 60000 كلم وبعدها تطلع من الضمان ... لذلك انصحك توديها قبل الستين الف ..
هذا حد علمي وشكرا

[أسير الليل]

أطمئن ما فيها سير تايمن فيها جنزير بس الأفضل توديها اذا تقدر على انك تدفع لهم

[تـو كورولا يوتا]

المشاركة الأصلية كتبت بواسطة أسير الليل

أطمئن ما فيها سير تايمن فيها جنزير بس الأفضل توديها اذا تقدر على انك تدفع لهم

تصحيح لمعلوميتك يااخوي اسير الليل ترى مو جنزير سير مطاطي ويتغير على 120 الف
وبالنسبه لك يااخوي استاذ مشاغب انصح انك توديها للصيانه لتشيك على السياره بالكامل وعلى صيانه الـ40 الف
وتقبل مروري...

[أسير الليل]

المشاركة الأصلية كتبت بواسطة تـو كورولا يوتا

تصحيح لمعلوميتك يااخوي اسير الليل ترى مو جنزير سير مطاطي ويتغير على 120 الف
وبالنسبه لك يااخوي استاذ مشاغب انصح انك توديها للصيانه لتشيك على السياره بالكامل وعلى صيانه الـ40 الف
وتقبل مروري...

اخي الكريم صحح معلوماتك تراها جنزير وانا مستعد اتحداك انها جنزير

[الـــديـــم]

انا مع اخوي مملوح الكون
الافضل تسوي صيانة كل 40 الف تغير فيها الزيوت والفلاتر والبواجي والسيور

وبالنسبة لسير التايمن الكامري الافضل تغييره كل 120 الى 150 الف كم
واعتقد انه مطاطي لكن اخوي اسير الليل لخبطني شوي
واذا كان جنزير فهذا افضل بالتأكيد
وبالتوفيق ان شاء الله

[غامد العز]

المشاركة الأصلية كتبت بواسطة أسير الليل

أطمئن ما فيها سير تايمن فيها جنزير بس الأفضل توديها اذا تقدر على انك تدفع لهم

اسير الليل يعطيك العافيه على ردك بس ودي اصحح لك شي فيه, سير التيمن او الجنزير مسميات عربيه كلها تحمل نفس المعنى الخاطئ. اسمه بالانجليزي ( Timing Belt ) والتعريب الصحيح هو ( حزام التوقيت ) وينطق بالعربيه ( تايمنج بلت ) ووظيفته انه يتحكم بتوقيت فتح واغلاق الصمامات (البلوف ) وغيرها من الوظائف.

بالنسبة لصاحب الموضوع , اقول مافيه سيارة بالدنيا مافيها هالسير سواءً كان معدني زي السيارات القديمه او من المطاط. اما بخصوص تغييره فهو من الاحوط انك تغيره كل مابين 80 الى 100 الف كم.

اتمنى اني افدتكم وتقبلوا مروري