[أسير الهمسات]

اليوم جبت لكم تسارع الوحش الصغير من تويوتا
اليارس إلي كنت استهين بقوتها وكنت احسبها
انها سياره اقتصاديه فقط وغير قويه بالنسبة
لسياره من حجمها وقوتها
لكن شريت سياره يارس قير عادي 1,5
وقوتها ما تتجاوز 100 حصان
لأن البترول عندنا غالي والأفلون في المدينه صرفيته أكثر من على الخط
فرتحت كثير لها السياره لأنها ريحتني وريحت جيبي
أدري طولت عليكم
واترككم مع التسارع لهذه السياره التي لم تتجاوز 700 كيلو
يعني بعدها في التمرين
هذا التسارع من 0 إلى 100 خلال 8,8 ثواني تقريباً
قولوا ما شاء الله..
http://file5.9q9q.net/Download/39382...----0.3gp.html
وهذي صورة طبلونها تحت الـ 200

[اوريــون]

ما شاء الله عليك اسير الهمسات
وشلون صوت المكينة مزعج او لا

والله يعطيك خيرها

[أسير الهمسات]

لا مب مزعج
يعني عادي مثل مكاين الأربعه سلندر
وتعجبك خاصه في القومه
مع العلم أن كان في السياره وزن فوق الـ 110 كيلو
أثناء التصوير

[أسير الهمسات]

50 مشاهد
وواحد هو بس إلي رد
وينكم يا جماعه عطوني رايكم ؟

[كنج الغرام]

اول شي اخوي اسير الهمسات لاتزعل من هل الكلام اللي بقولك اياه وادري اني فقعت مرارتك في منتدى الكورولا على ذي الحكاية وبالذات ذي النملة الياااااااارس (تراها عجبتني) بس ماشاء الله جايبا طبلونها
اليارس قوية وتجيب طبلونها ليش ؟لانه وزنها موب ثقيل زي الكوكو يعني لوفيها تجيب 240 تجيب عادي ماعليها شي وخصوصا انه موترها 1.5 و100 حصان يعني الموتر يقدر يحرك هالسيارة بكل سهوله اما الكوكو فالموتر قوي ولكن السيارة ثقيلة شوي يعني لك عليها ثقل بس بالقومة وووووحش ووووووووحش يعني وانا جربتها وعارف
واعتقد قومتها اقوى من اليارس
يعني لو الكوكو واليارس تسابقو اول شي بيروح الكوكو شوي وبعدين اليارس على طول لانها خف الريشة وبعد 120 او 160 بتنتفها الكوكو نتف ولاتعليق على ذلك
ااااااااه نسيت اقولك مبروووووك عليك السيارة والله يعطيك خيرها ويكفيك شرها وتراها اقتصادية اكثر من الكوكو بس موب كثير يعني شوي بس لانهم الاثنين اصلا سيارات اقتصادية بس انتى ما نك ملاحظ انو سعرها غالي شوي وانا احب اذكرك انه الكوكو السنة الياية بتفجرها طبعا بالxrs وانتى تعرف كيف Xrs تطير طيرااااان عن الكامري لانها اخف منها بكثير
وبتشوف انتى السنة الياية كيف بتكلمون عن الكامري والكورولا Xrs زينا احنا بالظبط
بس انصحك نصيحة انتى الحين تمشي بيها على 210 كيف بعد التمرين يعني بعد ال50000 الف كيلو بتصير ماتجيب الا160 بالعافية لانه المكينة موب مرتاحا بالتمرين
فترة التمرين هاذي يخلونها عشان السيارة تاخذ بيها راحتها وانتى خانق ابوها
يعني كل مامرنتها بسرعة هادئة يعني 100 او80 وما تركب فيها حد كثير يعني ماتيبلي العيلة وتركبها بفترة التليين لانه كذا حمل على الميكنة والمكينة موب ناقصه تبي ترتاح راح تلاحظ انو الاداء افضل بعد كذا وهتشوف بعينك
ويش راح تستفيد من السرعة يعني انتى ولا الحديد اعتقد انو حياتك موب هينة مقابل شوية حديد لايسوى ظفر منك صح ولا لا
وتقبل مروري اخوي اسير الهمسات واسف جدااااااا جداااااا على كلامي المزعج اتجاهك
اخوك كنج الغرام

[الهايم وهو نايم]

ماشاء الله عليك أسير الهمسات

الله يعطيك خيرها ويكفيك شرها ..

----------------------


الأخ كنج الغرام

يالغآلي حتى انا معي يارس
وأكثر من مره أقاوم راعين كوريلا

وكلها رحت عنهم ..
سواء بالقومه اول شي .. ولا مع الخط .....

لكن تبقى الكورولا وحش
وماعليها قصوور اليارس ....

تحيـاتي واشواقي لكم جميعاً

[علي سعد العيد]

ما شاء الله 8.8
نفس تسارع الكورولا مكينة 1.8

[اوريون الشرقية]

ماشتغل معاي الرابط

[أسير الهمسات]

تسلمون على المرور الرائع
وأشكر تفاعلكم معا موضوعي
أنا بس كنت اجرب تسارعها وقوتها
وما كنت اعرف انه قوتها كذا
ومسموح اخوي على كل ما قلته

[الحـ(درب)ـب]

ماشاء الله عليك يالغالي

وبعدين ياخوي
كنغ الغرام

ترى السيارة تجي ممرنة من الشركة
والكلام اللي يقولون مرنها تحت الـ 1000 كيلو
هذا كلام يضحكون فيه على عقولنا

ولو كان فيه مضرة كانت الشركة خلتها ماتزيد عن 80 وبعد تشيك 1000 يفتحون العداد
وتقبل مروري

[كنج الغرام]

المشاركة الأصلية كتبت بواسطة الحـ(درب)ـب

ماشاء الله عليك يالغالي

وبعدين ياخوي
كنغ الغرام

ترى السيارة تجي ممرنة من الشركة
والكلام اللي يقولون مرنها تحت الـ 1000 كيلو
هذا كلام يضحكون فيه على عقولنا

ولو كان فيه مضرة كانت الشركة خلتها ماتزيد عن 80 وبعد تشيك 1000 يفتحون العداد
وتقبل مروري

كيف ياخوي ذا الكلام
طيب تقدر تقولي سبب مقنع ليش السيارة لما تكون طالعه من الوكاله تكون ميته يعني ماتسحب كثير الا بعد 1000 وبالذات بالقومة ليش تتحسن شوي بشوي ليش قولي ليش؟؟؟؟؟؟؟؟؟
لانه انا ملاحظ كذا على سيارتي كل ما امشي فيها يتحسن عزمها اكثر واكثر
وبعدين كيف تيجي ممرنه من الشركة وانا شريتها وكان عدادها 0 كيلو متر كيف ياخوي

[سيارة و خلاص]

غريبة الي اعرفة ان اليارس 1.3 ؟؟

بس ما قلت لنا سيارتك ما شاء الله جير عادي ولا اتوماتيك..

[أسير الهمسات]

السياره قير عادي
واحين بعد التشيكه الألف
صارت أقوى
السياره خمسه غيار
قير أربعه تجيب 195 ما شاء الله
جربت مع صاحبي عنده كامري 2,4 موديل 2003
قير أوتو , وما توقعت ان سيارتي تروح عليه
ولا بعد راحت عليه مسافه

[متعب العتبي]

ما شاء الله عليك اسير الهمسات
وشلون صوت المكينة مزعج او لا

والله يعطيك خيرها

[الحجيلان]

ماشاء الله تبارك الله وتستاهل والله يباركلك فيها ...