[خليفه راشد]

السلام عليكم أنا ساير أمس العين بالفجي مشاء الله عليه مظبوط
لكن يوم رديت من العين وتعرفون خط العين لين دبي صعدات ونزلات فانا ثبت السرعه على 160 (تراه مسموح 160) عاده من ثبت السرعه قلت شحقه اطالع عداد السرعه خلني مركز على الطريق عاده انا الحين مركز على الطريق ولشارع كله ردارات إلا وشوف الحبيب منزل 180 ورادار جدامي وساعات يخفف السرعه على كيفه مادري ليش مسمينه مثبت سرعه كان عند قبل مورسيدس ML320 من الثبت السرعه لايتحرك لا فوق ولا تحت

[سلفر قراندي]

خخخخخخخخخخخخخخخخخخخخخخخخ

يمكن غلط بالبرمجة<*****<*****< يمكن تراي ماعرف واجد

[بيفون]

الله يعينك الي عندي مظبووووووووط وما فيه مشاكل

[ابوساهــر]

اعتقد في الطلعات والنزلات يطلع خفيف وينزل للموازنه

[اف جي دبي]

ولا مره حصلتلي هاي

غريبه يبغيلي اجرب

[حسونه]

هههههههههه
هذا زاحف

[لسانك حصانك]

الله يعينك
انا بالنسبة لي الكامري ماتعاني هالمشكلة

[خليفه راشد]

مشكورين على المرور

[كنج الغرام]

والله هاذي المشكلة لازم تخبر الوكاله عندها وهما يشوفها يمكن عيب ببرمجة الكومبيوتر زي ماقال اخونا سلفر قراندي لانه لو زاد درجتين او 3 والمثبت متثبت على سرعه معينه فمو مشكلة السيارة بتوازنها مرة ثانية وترجع اما من 160 الى 180 فمصيبه لانه هاذي ممكن تضيع حياتك في لحظة

[عاشق كروزرات]

اخوي انا الي احيده انه لو الطريج كان وايد منحدر للأسفل السرعة تزيد حتى لو كنت مثبت العداد

الى طبعاً في بعض المواتر اتضل ثابتة مع تغير بسيط

[بعدين]

المشاركة الأصلية كتبت بواسطة عاشق كروزرات

اخوي انا الي احيده انه لو الطريج كان وايد منحدر للأسفل السرعة تزيد حتى لو كنت مثبت العداد

الى طبعاً في بعض المواتر اتضل ثابتة مع تغير بسيط

go go go go fj gogogo fjjjjjjjjj

[كامري مجنونة]

أنا عندي ينزل بس تكة بسييييييطة مرة يعني ماتحسبها

[رود فان جول]

هههههههههههه شي يضحك والله بس المرسيدس غير التويوتا مافي داعي نعمل مقارنات مع العملاق الالماني

[بنت الخران]

الله يعيينك

لو تراجع الوكاله احسن لك

ممكن امعلق او فييه شي

[شقـــران]

اخوي خليفة راشد هالشي طبيعي ومافيه أي مشكله لأنك تقول الدرب كله صعود ونزول

وطبعا ً خط العين - دبي صعود ونزول خفيف

ومثبت السرعه متبرمج على سرعة دوران المحرك R P M مب سرعة السياره نفسها

ولو تلاحظ في الصعود يزيد عندك عداد سرعة المحرك لأنك ثبـّـت السرعه على رقم معين وعوامل

الطريق أدت إلى خفض آداء المحرك مقارنة بالسرعه المثبت عليها

وبإمكان الاخوه اللي متوفر في سياراتهم نظام مثبت السرعه تجربة الوضع على صعود الجسور او

نزولها وبتحسون بالفرق

ويختلف الوضع من صالون إلى فورويل ومن 8 سلندر إلى 6 سلندر إلى 4 سلندر

ولأن الإف جيه طبلونها معطاي 180 وانته تمشي 160

شي طبيعي بتتغير السرعه

لأنك تقريبا ً إستخدمت 90% من قوة المحرك

وفي بعض المرات وعلى حسب الجو السياره ماتوصل لآخر رقم ف العداد

بس لو المرسيدس وطبلونه 260 ثبـّـت فيه السرعه على 180 ما بيتأثر المشي نهائياً

لأنه فيه جزء كبير من طاقة المحرك ما استخدمت وفيه مجال ان المثبت يحافظ على السرعه المطلوبه

وتقبلوا مني مداخلتي ومروري


أخوكم

شقــــران

[أبوحمد]

سلمت يمينك أخوي شقران

وماشاء الله تبارك الله ردودك كلها تفصيليه ,, والمعلومه عندك إذا نويت توصلها إلا توصلها ,, ما شاء الله

[شقـــران]

المشاركة الأصلية كتبت بواسطة أبوحمد

سلمت يمينك أخوي شقران

وماشاء الله تبارك الله ردودك كلها تفصيليه ,, والمعلومه عندك إذا نويت توصلها إلا توصلها ,, ما شاء الله

ويسلم غاليك وكل من يعز عليك

أخوي أبوحمد

ماعليك طال عمرك حاضر باللي موجود عندي

والصراحه فيه ردود عالمواضيع تحفز الواحد وتخليه يتفاعل ووده يعطي كل ما عنده

ومن بين هالردود ردودك أخوي أبو أحمد

وانته هامه من هامات المنتدى

بجانب الكثير من الأعضاء ربي لا هانكم

والسموحه منكم عالقصور

تحيـــاتي

شقــــران