[كودو]

السلام عليكم ورحمة الله وبركاته
اللحين اللي توه فاك موتر وكاله بقراطيسه يمديه يشغل مكيف ولا لمن يتعدى 1000 كيلو
انا انلحس مخي ناس يقولون عادي وناس لا
فما ادري يا ليت احد يفيدني
ارجوو الردود ولا للجحود

[هـ د ب]

انا شغلت المكيف من بعد 200 كيلو ..



بس كنت اقدر اني اشغله من قبل لاني اخذت السيارة من الشركة وكان المكيف شغال بالمستودع

[سعود البسام]

والله يا كودو

انا اتوقع و اظن ,, وليس كل الظن اثم ... ان الموضوع عادي
واهم شي في موضوع الـ 1000 انك ماتزر على الموتر ولا تعدى الـ 120

ولكن الافضل عزيزي انك تستفسر من الوكالة اضمن لك

[كودو]

مشكووورين حبايبي على الردود يعطيكم العافيه

[الــوســيــم]

يا الغالي كودو اول شئ المكيف عادي تشغله ,,

لكن قال لي اللي مسلمني السيارة يوم سألته عن هالشغله ,,

قال تشغل المكيف عادي بس اهم شئ ما تتعدى 100 ,, اذا ما كنت مشغله عادي تمشي 120 ,,

طبعا هذا كلام اللي مسلمني السيارة ,, بس سمعت من واحد من الاخوان انه عادي حتى لو تمشي 140 و انت مشغل المكيف ,, لان كل المكاين الجديده اللحين تجي مجربه و مشغله قبل ,,

لكن الاسلم انك ما تتعدى الـ 100 ,,

اتمنى اكون افدتك يا الغالي ,,

الــوســـيـــم

[هادي جدا]

الأفضل أنه يكون بعد الألف لكن ممكن تشغله بعد 700 كيلو

[نصورافالون]

اناغ مع الاخوان اللي قالولك عادي تشغله لان المكائن الجديده او الحديثه تجيك مجربه جاهزه بس تحسبا ماتتعدى ال100 والمكيف عادي جدا لان لو فيه مشكله ماتشغك اوكاله المكيف والضمان عليهم
ولو تلاحظ انه حكاية تسخين السياره برضه مهي ضروريه اظن بس تنتظر دقيقه على ما اذكر وتمشي

[البروفسيور]

عادي شغل المكيف بس لاتضغط على السيارة بتسارع قوي ولاتتعدى سرعة 90 كلم في الساعة.

[احمد باطيب]

اتكل على الله وشغل المكيف واسرع وامشي بها 200 وجرب السيارة واذا فيها مشاكل رجعها (هذا كلام اللي سلمني السيارة) مدير المبيعات ومسؤول المستودع وواحد في الصيانه .....لان السيارة تجي من امريكا مجربه وجاهزه

[هاوي أفالون]

أنا مع الأخ أحمد

وكل كلامه صحيح


هذا أيام السيارات القديمة لاتعد 100 ولا تشغل المكيف الابعد الألف

[المسـافر]

السرعه لاتتعدي الـ 80 وبالكثير 100
اما في ما يخص موضوع المكيف تقدر تشغله بعد ماتمشي الــ 500 كم

[كودو]

الله يعطيكم العافيه مشكورين على الردود كفيتوا ووفيتوا وبالنسبه للسرعه والمكيف كلمت الوكاله قالي عادي فجر المكينه واسرع لانه تجيك مدربه

[البروفسيور]

المشاركة الأصلية كتبت بواسطة كودو

الله يعطيكم العافيه مشكورين على الردود كفيتوا ووفيتوا وبالنسبه للسرعه والمكيف كلمت الوكاله قالي عادي فجر المكينه واسرع لانه تجيك مدربه

غريبة الوكالة كل واحد يعطيك كلام انا قالوا لي لاتتعدي 90 كلم في الساعة اول 1000 كلم ولاتتسارع تسارع قوي وشغل المكيف زي ماتبي وانا مشيت على هالكلام لانه مكتوب في دليل مالك السيارة من ضمن التعليمات تحت فصل تلين السيارة.

[المسـافر]

(حسب نوع وشركه السياره)

[دمع العينين]

عادي شغل المكيف بس لا تتعدى الدرجه الاولى او الثانيه 00000
ولا تمشي فوق 80كلم00000

[المسـافر]

الافضل لاتشغله.....