[هاو تشي كيو]

ياشباب طلعت فوق حجر ما انتبهت له

نزلت اشوفه لقيته

ضرب في وصله من الشكمان وضغطها على الداخل

وبعد ما مشيت طلع لي صوت

رحت لتلحيم الشكامين قال ما فيه اي شق ولا فيه صوت

وبالفعل ما سمعت صوت طلعت من عنده وانا مستغرب

وبعد ما مشيت طلع الصوت ولا حظت ضعف عزم السيارة

الغريب اذا وقفت ودعست بقوة ما يطلع الصوت

لكن اذا مشيت طلع الصوت واذا هديت طلع الصوت واضح مرة

اخاف اغير الوصلة ويطلع من شئ ثاني لا نه ما يطلع وانا واقف مهما دعست على البنزين

ارجو منكم اخواني الافادة

[أبوسعــد]

إذا عزم السياره ضعيف ..

المشكله في الكنداسه او في وصله من الشكمان ..تلقاها مظغوطه..وكاتمه الهواء..


أفحصها بنفسك .. وشوف ..

[كامري أبيض]

بصراحه الله يكون في عــونك ...

وأنا أقول نفس الكلام اللي قاله أبو سعـد .......

[مبتكر]

يااخي اووووه ذكرتني ايام زمان ..
كان معي كامري فاكها وكالة عام 99 وصار لي نفس سالفتك رجعت على ورا والا الشكمان يصدم حجر كبير مانتبهت له .

رحت اشوف السيارة لقيت الشكمان وجهه معفوس كأنه واحد معطيه بقس والحمدلله صلحته بدون تغيير لكن للأسف الشكل العام للشكمان مو ذاك الزود من التلحيم ..

على فكره سبب لي نفس مشكلتك .. العزم صار ضعيف وصار فيه رجه وصوت صفير وانا ادعس ..

اخوي سيارتك جديدة ومالك الا تفحصة عند الوكالة بدون تغيير علشان يعطونك وين الخلل فيه وتحاول تغير أي خلل فيه برا الوكالة ..

سيارتك جديدة ولاتعب نفسيتك من اول مره وحاول ترجعها زي اول ..

[هاو تشي كيو]

ابوسعد

صحيح وصلة من الشكمان مضغوطة

بس ليش ما يطلع الصوت الا اذا مشيت

شكرا لك

************

كامري ابيض

جزاك الله خير

*************

مبتكر

شورك وهداية الله نروح ونشوف

هل كان الصوت يطلع وانت واقف ؟

[الوافي؟]

اخوي يمكنه من الحصى حق الدبه اللي كنه اسمنت يابس فكه عند الملحم وخلاص لانها صارت معي بهايلكس اذا دست مايطلع واذا مشيت ورفعت رجلي عن البنزين يطلع اكيد انه من حصى الدبه عندك وشكرا تقبل تحياتي اخووك الوافي والله يكوون بعونك اخووي .

[كنج الغرام]

قبل ماتلعب فيها ودها الوكاله احسن وقولهم مشكلتك بالتفصيل

[عاشـــق اللاند]

روح للوكاله السياره 2008

[ناصرعسيري]

.



هذي القرابع اليابانية الجديده ....

اي حكه او مطب صغير تطلع لك اصوات من كل مكان ...


ما فيه زي الأوربي ... صدقوني



.

[جيزاني قحطاني]

يا اخوي اقراء عليها .. العين حق

واحد من الشباب على وقت الكامري 2003 أول ما طلعها من الوكالة (( فل أوبشن )) ما أمداها يتهنى فيها صار لها حادث شنيع كلفة التصليح بالوكاااااالة36.000
بعد ما صلحها جاب له مويه مقري عليها ورش بها السيارة , ورش بداخلها ملح [ أتحفظ على هذا التصرف] والحمد لله إلين باعها قبل فترة والسيارة كانت معه زي الحلاوة

[جيزاني قحطاني]

بس طبعا إقراء عليها بعد ما تصلحها < < يا ولد وش ذا الذكاء الخارق

[كامريفور]

اولا ماتشوف باس إن شاء الله
ثانيا اعلم ان هذا ابتلاء من الله فقل الحمد لله على كل حال وقل أنا لله وإنا لله وغنا اليه راجعون اللهم اجرني في مصيبتي واخلف لي خيرا منها
ثانيا انصحك توديها لميكانيكي او محل تلحيم شكمانات فاهم واشرح له الوضع كامل وإذا مانفع فرح للوكالة والله يعينك

[ابـو سـعـود]

لاحول ولا قوة إلأ بالله .. ربعنا والله من لزخ العيوووووون .. ابد ديرتنا صايره مستشفى العيون .. لو يشوفون سيكل جديد صكوه بعين .. الله يدفع ما كان اعظم .. مالك إلا الوكالة اخوي .. والله يعينك وياجرك

[النوفا تتكلم]

السلام عليكم ورحمة الله و بركاته
بصراحه لو انا بدالك راح انتحر من القهر لكن الله يعينك
بس انا حاب اقول لك ان السيارة توها جديده لا تلعب فيها عند الصناعيه روح للوكالة ترا الموتر 2008 يعني توها عروسه حرام يلعب فيها واحد من ذا العمال و يتفسف فيها و الله يكتب اللي فيه الخير
تقبل مروري
اخوك/ النوفا تتكلم