[النعيري]

مساكم الله بالخير والعافية يا الربع..

ما تتصورون إيش كانت فرحتي لما عرفت ان في 2008 راح ينزل في السوق الـ Gxr V8 ...

كنت من أوائل الناس اللي حجزوا هذا النوع... ولكن ..

انصدمت من قبل أحد ممثلي المبيعات عند عبداللطيف جميل بأن السيارة راح يكون تسليمها مـتأخر مرة..!!!
وانصدمت بعدين ان أغلب الإكسسوارات صينية و مسجل السيارة تقليد وبدون نظام ملاحة.!!!
وانصدمت بعدين لما رفعوا علي سعر السيارة..!!!
وكانت الضربة القاضية واللي ترفع الضغط وقهرتني انه بعد قرار مجلس الوزارء بتحمل الدولة جزء من رسوم الجمارك في الموانئ اليي بسببة المفروض ان سعر السيارة ينزل شوي .. انصدمت من موظف المبيعات عن عدم تخفيض سعر السيارة..
يعني طمع X طمع
بعد هذا كله ألغيت الطلب حق سيارتي من عبداللطيف جميل...
خلال هذا الوقت كلة... كنت ( للإحتياط فقط ) حاجز نفس السيارة من اليحيى بسعر 195000 ريال .. وكل يوم يماطلوني مع العلم اني كنت طالب Gxr و Vxr 2008 ومع هذا لا يزالون يماطلوني.. ( هذا وانا دافع فلوس,, يعني ما تصدقوا علي ) لذلك ألغيت الطلب من اليحيى..
رحت أبحث عن البدائل .. فتوجهت الى البازعي .. وكان ردة ان السيارة غير متوفرة ولا عندهم موعد محدد يتوقعون وصول السيارات فية. وغير كذا.. سعر الجيب عندهم 202000 ريال... أفضلي أشتري لكزس Ls 430l ( معليش مو متأكد من رقم الطراز) وطبعاً أكشخ... لذلك صرفت النظر عن البازعي..
قلت يا ولد ليش ما تشوف المعارض في الرياض... لقيت ان سعر السيارة هنا 215000 ريال تقريباً..!!!!
بعدها نزلت موضوع في هذا المنتدى أطلب فيه من أهل قطر أرقام المعارض لعلي ألقى مرادي.. وما قصروا اهل قطر اعطوني الأرقام .. ولكن النتيجة كانت صفر.... اكتشفت بعدها ان اهل قطر عندهم نفس المشكلة!!

الحل... رحت امس عند المنافس الأول للتايوتا لاند كروزر اللي هو نيسان-باترول..
حجزت نيسان - باترول سوبر سفاري والتسليم انشاللة يوم الأحد الجاي..

هل تلوموني على اختياري للباترول؟؟

أترك لكم الجواب....


تحياتي لكم

[جوجوماجوجو]

والله الومك على اختيارك نيسان في حالة انه كان متوفر لاندكروزر فقط
اما في الحاله الي انت ذكرتها فا ما الومك وانا معك 100%
واما بانسبه للي بينتظر اظاهر والله العالم انه مب جاي الى في شهر 4 ميلادي والله يعين

[النعيري]

عين الصواب يا (جوجوماجوجو)

تحياتي لك

[البساااااام]

اذا اعسرك امر ابحث عن البديل فوراً

الله يبارك لك

[الافق]

أتوقع أنه في قطر السيارات أغلى من السعوديه ..



تحياتي

[سفينة الصحراء]

لا والله ما لومك / والف مبروك
والله يعطيك خيره ويكفيك شره

[مملوح الكون]

شغلك مضبوط

[حسونه]

الله يكون في عونك

[الكميم]

معك ألف حق
==
ومبروووووووووووك مقدما علــ النيسااااااان
==
تحياتي

[الغــــانم]

مرحبا اخوي النعيري ..

انا حاجز سيارة من GXR V8 من قطر و التسليم راح يكون يوم 15/2/2008

يعني بعد 8 أيام فقط ..

و على فكرة .. البليتة 2008 و ليست 2007

و احتمال كبير ابيعه لأني حولت على البريمي مرة أخرى ..

و مسافر يوم 14 للدوحة لأتمم اجراءات الشراء و الشحن ..

اذا كنت راغب فيها .. اتصل بي سريعاً ( ارسلت لك الرقم عالخاص )

الغــــانم

[الصحراوي]

توكل على ألله وانشأ ألله ماراح تندم على التغير وألله يباركلك فيها

[عسكـــــريم]

مبروك عليك الموتر

لكن لو انا مكانك مااسويها

[الكتلوج]

الله يلوم الي يلومك تراني ماني بعيد عنك بس مازلت متمسك بالحكمه الي تقول الصبر مفتاح الفرج
حسبي الله على كل من هم على شاكلة عبداللطيف جميل

[الجرفلي]

انا نفس الشي صرفت النظر وقررت اخذ يوكون
لنفس الاسباب

[النعيري]

البسام ... الأفق... سفينة الصحراء..مملوح الكون..حسونة..الكميم..الصحراوي...الجرفلي..الكتلوج. .عسكريم...

أشكركم جزيل الشكر على كلامكم اللطيف.. وانا حاط ببالي اذا هدأت عاصفة الأسعار وطمع وجشع الوكالات و المعارض.. ما راح أتخلا عن اللاندكروزر..

تحياتي لكم..

[النعيري]

المشاركة الأصلية كتبت بواسطة الغــــانم

مرحبا اخوي النعيري ..

انا حاجز سيارة من GXR V8 من قطر و التسليم راح يكون يوم 15/2/2008

يعني بعد 8 أيام فقط ..

و على فكرة .. البليتة 2008 و ليست 2007

و احتمال كبير ابيعه لأني حولت على البريمي مرة أخرى ..

و مسافر يوم 14 للدوحة لأتمم اجراءات الشراء و الشحن ..

اذا كنت راغب فيها .. اتصل بي سريعاً ( ارسلت لك الرقم عالخاص )

الغــــانم

اخوي الغانم... بصراحة انت أحرجتني بمبادرتك.. وهذا دليل طيبتك يا ذيب..

ولكن انا أشتريت الباترول ودفعت فلوسة... والله يعوضنا جميعاً خير

تيحاتي لك يا ذيب