[حلو الليالي]

السلام عليكم

ياجماعة الخير الكتاب واضح من عنوانه

بصراحه هالموضوع استشاره وطلب بنفس الوقت

اول شي بستشيركم في ال GS430 بما انكم ركاب هالموتر ودي تنصحوني

انا رغبت في430 LS لكنها شكل قديم ومواصفاتها قديمه بغض النظر عن مساحتها الداخليه

والشي الثاني وين احصل مستعمل GS430 2007 أو GS430 2008


تكفون الفزعه اللي يعرف يدلني

وشكرا

[ليكزي]

والله شقولك ياخوي .. انا شهادتي في سيارتي مجروحة ، منبسط عليها ولله الحمد ..
لان شريتها عن قناعة تامة ..
و راح اختصر لك تجربتي في النقاط التالية (بأمانة) :-
- المحرك هادي طبعا في حالة ضغط دواسة البنزين للآخر (راح تسمع صوت المحرك) ..
- القيادة ممتعة للغاية مع هذه السيارة، ودائما تحمسك على السرعة !
- ثبات رائع و ممتاز بمعنى الكلمة (ما شاء الله ، لا الاه الا الله) ..
لكن حذاري من الأراضي المبللة او التي بها قليل من الرمل !! لكن مع ذلك ممتاز ..
- مواصفات السيارة رائعة وفيها كل ما تريده ولا تريده .. + نظام صوتي ممتاز

بعض الملاحظات:-
- عزل الهواء جيد جدا، لكن على السرعات العالية (من 100 وطالع)،
ستسمع صوت احتكاك الهواء بزجاج السيارة (يبدو وكانه تنسيم) وهو ليس بتنسيم في الحقيقة ..
- لو تلاحظ وتدقق في السيارة وتصير (وسواسي) ، راح تسمع صوت احتكاك اطارات السيارة بالارض ..
- (بعض الأحيان)، راح تسمع صوت من البريك اثناء الدعس على دواسة الفرامل وانت داخل السيارة (ماافي اي اصوات خارج السيارة) .. ويقال انها بسبب سرعة تآكل (الفحمات) ..
- دواسة البنزين (دعستها ناعمة)، فاحذر واخذ الحيطة عندما تضغط على البنزين ..
- قوة الفرامل !! كان بالإمكان أفضل مما كان .. تحتاج ميزانية معينة حتى تتعود عليه ..
- السيارة قاسية (بعض الشيء) على المطبات وفي الحفر لان نظام التعليق فيها رياضي (رياضي = ثبات) ..

عالعموم، لا تشيل هم .. كل هذا طبيعي وراح تعتاد عليه بعد اسبوعين او شهر بالكثير من امتلالك للسيارة (فلا تتسرع للحكم عليها) .. ولا تقعد (توسوس) وتدقق كثير والا سوف تكره السيارة من اليوم الأول ..

انصحك بالتجربة الذاتية قبل الشراء !!

وصلة مفيدة :-
يااصحاب الجي اس ابي منكم مشووره

تحياتي
ليكزي

[مركاز]

مرحبا اخوي حلو الليالي

بما اني ابحث عن لكزس gs 2007 لكن الفرق انا ابحث عن 300

عموماً ياطويل العمر تلقى في معارض النسيم بالرياض في معرض العمر بالتحديد لكزس 2008 فئة gs 430 لونها أبيض ولكن للمعلومية فيها ضربة بسيطة في الصدام الخلفي وإذا ماني بناسي سعرها 200 الف

يعني نصيحة اشتر جديد ولاتشتريها .. وإذا انك بحثت ولقيت على طريقك 2007 ابيض فئة 300

لاتبخل علينا

[كـاجو]

بصراحة شفت لكزس Gs430 موديل 2006 في وكالة تويوتا بينبع بودي نظيف لونها اظن بنى محروق مطلوب فيها 140000 الف ريال ماشية 72000

[م ع ي جي إس]

السلام عليكم ورحمة الله وبركاته
أول شي يا أخوي تبي تحصل 2008 أنا شايفها في معرض وكالة تويوتا الرياض في عندهم وحده مستعمله لكن ما أعرف كم سعرها لكن من ناحية البدي و الإستخدام ماشاءالله نظيفه طبعا Gs430 لونها أزرق لؤلؤي زي لون سيارةا ليكزي ماشيه إن كنت ما نسيت 6700 كم و حواليها . ما فيها أي صدمه . و الله يوفقك و تحصل اللي تبيه . و بالنسبه للي يسأل عن Gs300 روح دور في معرض الوكاله يمكن تحصل .

[فهد الشربتلي]

المشاركة الأصلية كتبت بواسطة كـاجو

بصراحة شفت لكزس Gs430 موديل 2006 في وكالة تويوتا بينبع بودي نظيف لونها اظن بنى محروق مطلوب فيها 140000 الف ريال ماشية 72000

130 الف بشتري فورا

شوفلي واعطني خبر عالخاص

[مملوح الكون]

Gs430 سياره عمليه وقويه

[مخـ الليل ـاوي]

انا بعد ادور اللي يعرف ياليت يفيدني
حصلت 2005 ماشيه 70000 حادها ب148000

[حاكم القصر]

المشاركة الأصلية كتبت بواسطة كـاجو

بصراحة شفت لكزس Gs430 موديل 2006 في وكالة تويوتا بينبع بودي نظيف لونها اظن بنى محروق مطلوب فيها 140000 الف ريال ماشية 72000

سعرها ممتاز جدا جدا

في الرياض لن تقل عن 150 الف ,, بس تاكد من نظافتها