[بإختصار لكزس]

لاحول ولا قوة الا بالله .. لاحول ولا قوة الا بالله

[أسير الليل]

ياريت أعرف ايش القطع اللي تحتاج تغيير حسب تقرير الوكالة وياريت لو اشوف التقرير لأنه كل وكالة ما تعطي سعر الا اذا كتبوا تقرير وعرفوا ايش القطع اللي تحتاج تبديل وتكلفة التصليح بدون القطع، وعلى ضوء ذلك أقدر أعرف كم تكلف بالضبط لأني صاحب كراج واذا لكم نية للبيع ياريت أعرف

[كلتش ريس]

لا تشترون لكزس اجل دام ان اسعارها تبهدل الي ما يتبهدل

اجل 122 الف تصليح ؟

والله لو انها سياره المانيه ما راح تكلف هالمبلغ الي يجيب 12 سياره

[عزووبي]

وديها انتي وابوك واخوك لاقرب صناعيه

[حــــمــــوودي]

المشاركة الأصلية كتبت بواسطة نـ الأمورةـونو

أولا هل التأمين حلال ولا حرام؟؟ هذى نقطة مهمة
ثانيا لحد اللحين ماصلحنا السيارة ولا أدري وين بيصلحها ابوي بالضبط
ثالثا يعنى الخطأ على اخوي 100 في 100 اكيييييييييييد
رابعا هل اسعار الوكالة تختلف عن من بلد لآخر ولا نفس السعر؟؟

اذا عن حلال وحرام الله أعلم ... وبالنسبه اسعار الوكالات مو بلد عن بلد ... لا وكاله عن وكاله يعني كم وكاله

بالرياض اللي على خريص غير عن العليا واللي بالسويدي غير خلي عاد بلد عن بلد ... وتبون نصيحه .. هاذي لكزس

يعني ما اظن احد يصلحها غير الوكاله وتأكدي انها ما راح تصير مثل أول يعني كل يوم مشكله ... النصيحه بيعوها افضل ... على فكره انا شفتها قبل ثلاث اسابيع تقريبا وهي موقفه برا وبجمها واحده بعد مسويه حادث با النسبه لسيارتكم يوم شفتها قلت الله يعين راعيها .. اشوفك تقولين مو عدمانه بس صراحه عدمانه هذا رااي وتقبلي مرووري

[صالح الرسام]

اللهم أجرني في مصيبتي ، واخلف لي خيرا منها،
إلا أجره الله تعالى في مصيبته وأخلف له خيرا منها

[همهمهمهم]

الوكالة يبالغون في السعر هذا شيء والشيء الثاني في أماكن أحسن من الوكالة وليه اصلح بسيارة ب مائة الف ريال

وعلى فكرة ترى القطع من برى اريخص اخذها كاملة وادويها محل احسن من الوكالة وعندكم في الرياض ماشاء الله


وماتشوفون شر

[ملك الأميرة]

والله قهر من جد

الله يعينكم


ومبلغ مهب طبيعي

[المسـافر]

روحوا ودوها لورشة الوفاء

بياخذ أقل من هالمبلغ بكثييييير

122 الف اشتريلي سيارة جديدة

وبعد ماتصلحونها من ورشة الوفاء على طووووووووول أمنووو عليها

[حمدي بيه]

انا اقول اختي خلوه بالبيت تابعو به افلام وخلوه منظر يعني احسن من انكم تصلحونه 122 الف قسم بالله حراام ......

[صاحب الكزس ودط]

تبون نصيحتي مع اني الحمدالله ولا حادث الحمد لله بسيارتي الجديده واحمد الله اكثر من مره لكن بسيارتي الي قبل


ياكثر وياكثرررر


لكن اذا تبون تشوفن سيارتكم هالي مستانسين فيها والموضوع انكم انبسطتو فيها


دخلوها الوفااااء وانا اضمن لكم 100 بالميه السياره تطلع وكاله

لان معروف بورشه الوقاااء خاااص بالسيارات الفخمه يتعبون فيها لكن السيارات العادي مو مره يتعبون فيها

وللمعلوميه الخط على راعي اللومينه ولا على خووك اهم شي الروووووووووووووووووح


والحمد الله اخوك مثل الحصااان<*****<--جالس مع شياااب


الله يهنيكم وانا مني اعطيكم سيارتي وتعطوني سيارتكم وهي مصدومه اذا تبون انا مستعد


<*****<---قلب شريطي


الله يهني ابووووك بسيارته الامورره

[مملوح الكون]

حمد الله على السلامه وسياره تتعوض

[حــــمــــوودي]

حبيت اتدخل بالنسبه لموضوع ورشة الوفاء ... ورشة الوفاء مدري ليه عطوها دعايه كبيره .. يمكن عشان شغلها أول .. بصراحه من كلام الناس روح للوفاء ولا تتردد لكن بعد اللي شفته بعيوني قلت في نفسي شلون هالناس تمدحها وهاذي شغلها .. القصه اللي صارت لي اني دخلت سيارة الوالد اللي هو جيب لاند كروزر وكان فيه صدمه قدام يعني الوجهيه كامله تقريبا .. على العموم اشتغلوا وكلفني يا طويل العمر 9 الاف <***** مو مشكله المشكله ************ اني تفاجأت ان شبك السياره مركبينه كبس وله مسامير ثلاثه فوق ما ركبوها .. قلنا يالله مو مشكله مادريت الا يوم سمعت صوت بالمكينه وقفت وطالعت السياره واشوف المروحه حقت المكينه مو عليها غطا دار مادار عليها .. ما ركبوا مساميرها
يعني شي مو معقول انهم ينسونه وهذا شي صاير لي قبل اسبوعين بالظبط ... نصيحه ابعدوا عنها فما بالك في اللكزس وش بيسوون فيها ... هذا رأي في الموضوع وان شاء الله تتقبلونه ... حـــمـــوودي

[أبو ريان]

انا اقول مستعينا بلله:

1- أخذ تقرير كامل بالقطع اللي راح تغير

2- فيه أشياء كثير يمكن ما تحتاج تغيير .... مثلا: الكبوت اكيد حاسبينه تغير .... ارفضوا قولوا نبي سمكرة

وهكذا ... بيطح السعر

3- وكالة أبو جميل دائما تعطيك السعر بأسواء الأحوال... يعني تحصلين السعر هذا فيه قطع ممكن ما يحتاجون انهم يغيرونها، وبكذا يطيح عليكم السعر ،، طبعا لازم الواحد يصير فاهم وش اللي محسوب بالسعر الأساسي وليه حسبوه وهل فعلا يحتاج تغيير ؟؟

ونصيحتي لكم ،، بحكم ان فيه ذراع امامي مكسور، فاعرضوها للبيع، شوفوا كم تجيب ؟؟!!

إذا السعر اللي بتجيبه + 40 الف تجيب سيارة جديدة ... فلا تترددون

[سعد ابو حمود]

مرحبا اخواني جميعاا
اولا خطأ سياره بالقيمه هذي ماعليهاا تأمين وثانيا التأمين لصالح من بالنهايه لو الله لايقوله الاخ كان صادم له انسان ومات هل راح يدفع قيمه الانسان هذا وكم مليون بيدفع تعويض وكم بيبقى بالسجن
يااجماعه قولوا الحمد لله على كل حال

اما عن الاخ الي قال 30 او 40 الف غلطان يااخي
انا اخوي معه افالون وصدم مثل الصدمه بالامام وتعورت امور بسيطه جدا حتى ان السياره سقتهاا يعني مجرد الصدام والشبك يعني امر بسيط مقارنه بحادث اللكزس هذاا وفي وكاله البحرين كلفت عليه فوق ال 20 الف ريال طبعا كان ع التأمين وبعد الخصم ماانزل قيمه التصليح كثير

واما جذي بمجرد نظر مااحد يقدر يقيم سعر تكلفه وتصليح استلم كوتيشن بكل ماراح يتبدل لان مثل ماتكرم احد الاخوان الوكاله تبدل القطع مباشر ماتصلح
استلم كوتيشن الوكاله وشوف شنو الي قاعد يجري شنو من اغراض تحتاج وشنو بسسوون بالسياره وبعدها تحدد

هم اكو صديق لي وافالون صدمه تقريبا اكثر من هذي وكلف على التأمين 60 الف ريال واكو قانون عندنا بشركات التأمين اذا تبلغ سعر التصليح نص سعر السياره السياره ماتتصلح تاخذهاا التأمين ويدفعون لك قيمتهاا كااشش وطبعا اذا بطاقه ذهبيه التأمين والرجال ماخذ الموتر اقساط وطالع له فوق 130 الف ريال باقي له مبلغ بسيط وتوصل نص سعرهاا

انا اشوف المبلغ موغريب اطلعوا اكثر
اولا لكزس
وثانيا الوكيل
وثالثا اغراض اللكزس مو رخيصه

الله المسهل دفعه بلاء عن اصحابهاا زين بالحديده وعمرهم طويل
معذره على الاطالع
اراكم بخير

[أبوحمزه]

اولا حمد لله على السلامه والحديد يعوض انشاء الله