عيوب الافالون خلتني ابيعها

[ماجد السالم]

لكل واحد معاه افالون يعطيني رايه بصراحه يمكن انا غلطان او واهم ؟ ضيقن صدري عيوب الافالون لدرجة اني بعتها خلاص! العيوب هي:
1-الفرامل زفت اكثر من مره كادت تجيب بي العيد؟ جرب امسك الفرامل بقوه
مع الطرق الغير مستويه ماتمسك تضطر انك ترفع رجلك و تضغط مره ثانية؟
2-الرساوه مع الخط .. ولا بريال خاصه اذا كان الجو فيه هواء قوي
لدرجة انك تهدي من السرعه 200 او180الى 120 او 140 لان السياره
مع السرعات العاليه تموح بك يمين و يسار بسبب خف هيكل السياره.
3- الضجيج والتنسيم حدّث ولاحرج فيه صوت قوي يطلع من قزاز الراكب
لدرجة اني اذا نزلت من السيارة كاني نازل من طيارة اذاني لها صفير.
4-هيكل السيارة ضعيف جدا جدا يقولون ان هيكل السيارة مصمم ليمتص
قوة الحوادث وحاطين سبع وسائد هوائيه لكن الحقيقة الله يستر منها اذا صار
حادث لا سمح الله ..جرب سكر باب الراكب سوف تسمع صدى الباب
بسبب الفضاوه بين الحديد والديكور.
يازينها داخل المدينه ويازين نضام الستريو اللي فيها ويا حسافه الزين ما يكمل ؟

[م.أنس]

وجهة نظر ... !!

[نصورافالون]

انا معك برقم 1 جدا جدا جدا وحصلي هالشي مرات
والتنسيم وكل اللي تفضلت فيه وسبق قلت انه يازينها وقافه
وانا كنت ناوي ابيعها اول ما دخلت المنتدى بس قلت لا خلاص يعني كل استخدامي داخل المدينه وهي داخل المدينه حلوووه بعيوبها

[البروفسيور]

الله يخلف عليك خير وتذكر اخي الكريم انه الاختلاف في الراي لايفسد للود قضية :
بس انا ماني شايف اي عيب من الي تقول سواء تنسيم الهواء وهو خفيف وعلى سرعة 120 ويكون ملحوظ اذا الهواء قوي وعاصف وهو موجود في نسبة كبيرة من السيارات اليابانية والامريكية مثل الهوندا اكورد (ركبت مع واحد معه الفل ابوشين جلد وسعرها 101 الف ريال وحقيقي مافيها لا راحة ولا فخامة الافالون) وصوت الهواء مثل الافالون والوكالة قالت له انه طبيعي مافي سيارة من فئتها بدون صوت على السرعات العالية وخاصة بعد 120 والفورد والكابريس ترى هذه فئتها مو علشانها فخمة وفيها حركات فخامة لاتتوفر في اي سيارة من فئتها نقوم نقارنها بال بي ام دبليو او المرسيدس انا كنت اتوقع انه ممكن مقارنتها بهم قبل ان اشتريها ولكن اكتشفت ان هذا غير صحيح ابدا (الاعتراف بالحق فضيلة ) تلراها تويوتا والسيارة في فئتها اعتبرها ممتازة جدا ولا عندي اي نية ابيعها ولكن لو الشركة ضبطت موضوع تنسيم الهواء هذا شوي مع انه خفيف مثل زيادة حجم الجلد العازلة كان اعتبرها تحفة من تحف صناعة السيارات الحديثة وروعة ولكن الحلو مايكملش.
تحياتي لكم

[حبي الأفالون]

أمَّ عااااااااااااااااااد

مافي أمل أبيعها

مع اني شاريها عقب فوورد ملك الراحة

لكن فرق السماء والارض

طعني رح امسك سرا من جديد وخذ2007

[الفيتو]

السلام عليكم
انا معك بمسالة تنسيم الهواء فقط مع ملاحظة ان تنسيم الهواء يكون مزعج بالنسبة لي اذا كان الجو عاصف فقط

[ماجد السالم]

بعتها وانا متحسف ومعي الان هونداي اكسنت شوفوا النكسة كيف؟ السيارة الي كنت اتمناها خانتني بعيوبها يمكن كنت حساس اكثر من الازم بس مراح اركب سيارة فخمة غيرها؟ اكتشفت ان كل سيارة لازم فيها عيوب !
انا ماامدح نفسي واقول اني فاهم بالسيارت بس حالياّ :الامريكي فاشل بكل ماتعنيه الكلمه من معنى تشريها وبعد ست شهور تبدا القرشة(الطقطقة) والمشاكل , الالماني مصيبة قطع الغيار والصيانه غاليه مرّه وانظمتها معقده! والكزس نفس الكلام!
باقي الياباني الي عليه الكلام حالياّ الافالون ونيسان مورانو والكامري 2007 السيارات الفخمة من وجهة نظري؟ ابي انتظر الافالون او الكامري 2007 واشري اى وحده فيهن وانا مغمض بسبب :
الاستخدام,الفخامة,الاقتصاد,الصيانة- قطع الغيار رخيصة,الترفيه, متعة القيادة,جميلة,تمسك سعره عند البيع!
بس اتمنى يضبطون العيوب هذه شوي بس؟
مشكورين على تفاعلكم معاي ويعطيكم الف عافيه.

[الأمازون]

ذكرت الكامري .............

هل تعتقد ان الكامري ستكون أفضل من الأفالون ؟!

لا أعتقد

[المسـافر]

عادي اي سياره في السنه الاولى او الثانيه لازم تصير عليها مشاكل ... بس بعد سنتين او اكثر ( يعني بعد الشكاوي) راح تختفي المشاكل او على الاقل تخف... فيه سيارات كثيره صارت عليها مشاكل اخطر من المشاكل اللي ذكرتها في سنواتها الاولى .. مثل (فياغرا 99) ( بي ام 2002) (كابريس 2000)
اعرف واحد معه فياغرا 99 وهو في الخط طاح معه فجاءه على الزفلت يقول ماشوف الا الشراره على الجوانب...
وواحد ثاني معه لومينا اس اس 2000 ماشي في امان الله وفجاءه يبي يوقف ماقدر (مافيه فرامل)...
السيارات اليابانيه مشاكلها خفيفه مقارنه بالالمانيه والامريكيه ..يعني مشاكل الافالون عاديه وطبيعيه ولا تأثر ذاك التأثير

[الــوســيــم]

اخوي الكريم اختلاف الآراء لا يفس للود قضية ,,

بصراحه بالنسبة للفرامل ما صارت معي ,,

بس لو صارت معك روح للوكالة فيه طريقة الظاهر انهم يشدون لك الفحمات او القماشات شئ من هالقبيل ,,

و للعلم سيارات كثيرة جديده تجي فيها الفرامل ما تمسك زين ,,

الوالد عنده جمس 2005 سوبربان نفس الشئ وداه للوكاله و ضبطوه يقول انهم شدوه او شئ زي كذا ما فهمت منه بالضبط لكن اللحين زي الحلاوة ,,

بالنسبة للسرعات العاليه بصرااحه اخااااااالفك كليا ,,

بصراحه انا راعي سرعه و ما اشوف اللي انت تقوله على العكس من سيارات ثانيه ,,

و الله تحس انك بتنقلب اما الافالون و الحمدلله ما اشوف فيها هالشئ مو ان السيارة كامله بس على كلامك انها تشطح ب يمين و يسار !! و انا بصراحه ما يصير معي هالشئ ,,


اما بالنسبة للهيكل لا تعليق !!

و في الاخير يا الغالي اعرف ان لكل سيارة عيوب و مزايا تتميز بها ,,

الــوســـيـــم

[هادي جدا]

معك الا بالفرامل أنا جربتها مظبوطه معي 2006

[وايت ليون]

كلامك كله سليم 100% لاني مجرب هالشي في سيارة(صديقي) ولد عمي

وانا الحمدلله اني ماشريتها

[احمد باطيب]

الفرامل صح ما هي كويسه لكن رحت الوكالة وزبطوووووووووووها وصوت الهواء بصراحة مو عالي لدرجة انك تبيع السيارة لكن المشاكل الثانية انا اختلف معاك فيهاااااااااااااااااااااااااااااااااااا

[المحايد خالد]

لكن اذا جرب احدكم الافلون المواصفات الامريكيه سيقتنع بالفرق الشاسع.....

[الافندي]

الافالون حلوة لكن فيها عيوب واهمها مزعجه بعد 120كم

بس خلاص

[دمع العينين]

انا معك الا في الفرامل000000000000
مع الطرق الغير مستويه ماتمسك تضطر انك ترفع رجلك و تضغط مره ثانية؟
ما فهمت الجمله هذي 0000000
الطريق الا فيه مطبات000
او الطريق الاتربي لانه ان كان طريق اتربي شئ طبيعي ما تمسك الفرامل
واعتقد الطريق غير السوي00000

[البروفسيور]

واحب اضيف اخوي طلع ارامادافل كامل بحساسات وجلد وصوت التنسيم فيه موجود مثل الافالون يبدوا اننا ندقق في الافالون اكثر من اللازم يعني يبدو ان مشكلة التنسيم موجودة في اغلب السيارات بس بسبب فخامة الافالون ركزنا على هذا الموضوع والله اعلم.

[أحمد جدة]

معقول الافالون !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!! كذا

[بو سعود]

الله يعين
اما ياديمون سالفة الفرامل هذي مشكلة تمسك بريك ما توقف انتحار والله يخوف