[كامـري]

السلام عليكم


كيف الشباب ان شاء الله تمام

شباب انا ابي اطلب جنوط من الانترنت وتجيني بالشحن ان شاء الله لكن عندي كم سؤال بخصوصهم

انا ابي اشتري جنط مقاس 18 هل يركب على الاريون تمام ؟

وايضا فيه شيء مكتوب بالموقع يطلب الـ Widths هذا ايش حقه جايبله خيارات كثيره ومنها "5 و " 6,5الييييين "12 هذا حق ايش والاريون يركب عليه اي مقاس بالضبط ؟

وطلب الموقع مني ايضا اختيار من ضمن الخيارات هذا الخيار Bolt Pattern ماادري وش يبغى فيه بالضبط ياليت تشرحولي عنه

وايضا طلب مني شيء مكتوب فيه lbs ايش حقه هذا


اسف على الاسئله الكثيره لكن تعرفون الي يطلب من النت فرق عن الي يشوفه في الحقيقه

سلام

[فـاقـد الامـل]

يارجال خل عنك النت وادري أنك تحب الجنوط اللي عند الغرب وصحيح نادر تحصلها في اسواقنا

ولكن في محل dub في الخبر متخصص جنوط وربي أشكال ماعمرك شفت مثلها وجميع المقاسات رح

وأنا متاكد أنك بتشوف اللي يعجبك

وبعدين تعال لو أنك طلبتها من الخارج اعرف أنهم راح يىخذون عليك بدل شحن وشغلات وراح تطلع عليك غالي غالي

[كامـري]

اخي الجنوط الي اطلبها من النت راح تكون اصليه ومقارنه من الاسعار الي هنا التجاريه اسعارها ب 1700 ريال و من النت نفس السعر للطقم واصليه من شركة o.z او شركة momo وغيرها .

طيب كم اسعارهن الي في الخبر ؟ مايتعدى 2000؟

وفين مكانه في الخبر بالضبط ؟

وياليت تجاوب على الي كتبته في الموضوع

واسف على الازعاج

[اوريون الشرقية]

مجل دب اصغر مقاس 19" لاكن اذا تبي يجيبلك 18" والاسعار مع الكفرات تبدا من 10500 ريال

طبعا الي يركب على الاوريون من مقاس 16" الى 20".

Widths: هذا عرض الكفر ويختلف من على حسب حجم الجنط وهذا تبع الاوريون 16x6.0 to .20x8.5
الي هو بمقاييسنا :
16" * 215 - 60 الى 20" *235 - 35

Bolt Pattern: الي هو مقاس الصواميل ومقاس صواميل الاوريون هو 5x114.3 يعني خمس صواميل بقياس 114.3.

lbs: هو الوزن بالباوند ولازم تحوله الى الكيلو يمكن وزن الجنوط عشان يحسب كلفة الشحن.

واي سؤال انا حاضر وهذي بعض الروابط الي ممكن تفيدك...
http://www.bigwheels.net/?location=wheels&view_mode=car
http://motors.shop.ebay.com/_Car-Tru...d47QQ_catZ6000

[كامـري]

^
^
^

وشو ال 10 الالاف ريال ! خخخخخخخخخخخ

والمواقع هذي الي عطيتني اياه موثوقه اخوي ؟ وهل جنوطه اصليه ولا مثل حقات الغرابي وطقتها

وعندي سؤال انا اخترت نوع سيارتي في الموقع كامري v6 هل الموديلات تركب صح على موتري ؟ وايش رايك جنط 18 ولا 19 افضل ؟ خصوصا اني راعي مقاومات خخخخخخخخ شوي

وبالنسبه للشحن كم تقريبا وياصل وكم سعر الشحن ؟

[اوريون الشرقية]

بالنسبة لebay موقع موثوق عالميا اما الثاني ماادري والجنوط اصلية 100% وشركة oz منهم...

نعم الكامري بكل انواعها نفس مقاس الاوريون بالضبط وافضل جنط عالميا لسيارات السيدان هو مقاس 18"

والشحن الله اعلم وانا هالسؤال محيرني وودي اعرف كم لاني احتمال اطلب جنوط من امريكا..

[فـاقـد الامـل]

تعال الشرقية وأبشر بالخير انا أوصلك للمكان اللي تبيه براس الخدمة وبعدين تعال خلك من اصلي تجاري

والله عمي عنده لند كلوزر موديل 2000 ومركب له جنوط من اللي 1700 على كلامك وهذا هو يطامر فيه وماشاء الله

عليه ماشي تمااااااااام لارجه في الموتر ولا شئ وشف اللي يريحك

[جاسم اوريون]

لاصلي احسن مافي رجفه وله اهتزاز مضبوط مال الوكاله

[كامـري]

المشاركة الأصلية كتبت بواسطة فـاقـد الامـل

تعال الشرقية وأبشر بالخير انا أوصلك للمكان اللي تبيه براس الخدمة وبعدين تعال خلك من اصلي تجاري

والله عمي عنده لند كلوزر موديل 2000 ومركب له جنوط من اللي 1700 على كلامك وهذا هو يطامر فيه وماشاء الله

عليه ماشي تمااااااااام لارجه في الموتر ولا شئ وشف اللي يريحك

ماتقصر اخوي , بس ممكن تدلني على المحلات الي تقصدها , وينها بالشرقيه بالضبط

طبعا انا ابي نفس الجنوط الرياضيه الموجوده في الموقع " لونها مائل للرمادي المحروق او الاسود الفاتح على الرمادي يعني رياضي "

ولكم تحياتي واسف على الازعاج

[عاشـــق اللاند]

اشتر من موقع ebay تراه مضمون 100 وفيه موقع ثاني اسمه امزون افضل بالاسعار

http://www.amazon.com/

هذا افضل موقع انا اعرف شباب بالكويت يشترون منه جنوط