[فيصل_دبي]

السلام عليكم.........ابتعدت عن المنتدى شوي لاني بصراحه زعلت من ناس في ها المنتدى...بصراحه حسيت انه محكمة مب منتدى....المهم كلهم اخواني و ما ازعل عليهم...بس العتب موجود دايما بين الاخوان...انا طبعا مدحت الدينالي في موضوع سابق و ها الشي زعل بعض الاخوة..سبب المدح طبعا كان قوة المكينه..يعني بصراحه قوة مكينة الدينالي اقوى ب 100 حصان عن Lx570...بس طبعا يتم اللكزس غييير...و بصراحه عصبت يوم عرفت انه مكينة اللكزس الخليجي اضعف عن الأمريكي...لكن عقب غيرت رايي طبعا...اللكزس 570 شيخ الفور وييل...الصراحه مسح الكل....المهم بغيت احجز من وكالة بهوان...قاللي مندوب المبيعات تدفع 20 الف...و تقولنا الموديل و اللون اللي تباه...بس توقع على ورقة انا ما نعرف متى نسلمك اياه.....يعني قتله عقب 6 شهور مثلا...قاللي جايز ليش لا يمكن كثر.....شو رايكم؟؟؟؟؟؟؟؟

[ارسنال]

السلام عليكم..
الصراحة مثل ما قلت ان اللكزس شيخ الفور ويل و مالة منازع .. الدينالي سيارة سريعة وقوية لاكن اين التقنية والثبات والجودة ؟ مافي سيارة امريكية تعمر اكثر من سنتبن بنفس الحالة لضعف الجودة للأسف .. اما اللكزس 10 سنوات بدون مشاكل ماشاءالله ناهيك عن السعر ان اللكزس ماسك قيمتة والدينالي ماراح يسوى خبز فيما بعد هو وجميع السيارات الامريكية مع احترامي لها ..
نجي للوكالة و الحجز .. انا اقول توكل على الله و احجز وتسليمك بالكثير على شهر 5 بأذن الله لان جاية للخليج دفعة كبيرة جدا وكل واحد يكون عليه الدور حسب لونه وليسه حسب رقم تسلسله في الطلبيات فا انت حظك .. انا الصراحة حاجز من اول شهر يناير ولا ادري متى استلم سيارتي يعني الحال من بعضه . والله يقسملك بالسيارة الطيبة انشاءالله.

[أسير الهمسات]

الكزس Lx570 وصل وكالة البهوان من يومين شايفه هناك
وهذي هي الصوره

[ملك الأميرة]

نصيحه لا تستعجل يمكن تطلبه ويطولون عليك فتره طويله
ويمكن تحصله في المعارض بعد فتره

[الكااااس]

مرحبا اخوي ...

والله انا حجزته في الفطيم قبل اسبوع وقالو لي اني بستلمه على شهر 5 ...

والسموووحه ...

[المنسق]

الله لا يجيب الزعل


والله انا احس ان لكزس زودها

الناس (الوكالات) تنزل الموديل قبل بدايه السنه

والان راح الربع الاول ولا في سياره شدعوووووووووه

والله احس ان مالها داعي

وبالنسبه لل يوكون والله شئ ان اعرف واحد عنده 2008 دينالي بس صراحه رووعه

ويبقى الحكم على الافضل من التجريه والذوق