[مسافِر]

ماهي اسباب الغاء الضمان ؟

كم مدته ؟ وكم بالكيلو ؟

لاني بصراحة تعبت من الوكالة وودي اكون انا المشرف على صيانة سيارتي .. في ورشة خارجية .. (اسرع ..أأمن .. اوفر )

توي مطلعها من صيانة 20 الف .. وكانت عندي ملاحظات كثير ولا تعدل شي الا بالعكس السيارة الحين فيها حذفة واضحة وقوية ومخوفتني ... وخايف ارجعها لهم يدعفسون فيها اكثر..


احد الاخوان نصحني بميزان العضيب بالنسبة لموضوع الحذفة .. وش رايكم ؟


كنت ساكن في جدة والتعامل من احسن مايكون ..بس هنا الرياض الزحمة عالوكالة الظاهر مأثرة كثير .والمعاملة سيئة ..

وياليت يا اخوان تدلوني على مركز متخصص في صيانة لكزس بالرياض

لكم كل الود

[المسـافر]

عندك ( الشعيل ) و ( العضيب )

الشعيل ... طريق العروبة مع تقاطع طريق التخصصي .. عند محطة بنزين .. مقابل للعثيم .

العضيب .. الصناعية القديمة


إن شاء الله يكونون أحسن من الوكالة

[مسافِر]

المشاركة الأصلية كتبت بواسطة المسـافر

عندك ( الشعيل ) و ( العضيب )

الشعيل ... طريق العروبة مع تقاطع طريق التخصصي .. عند محطة بنزين .. مقابل للعثيم .

العضيب .. الصناعية القديمة


إن شاء الله يكونون أحسن من الوكالة

اخوي المسافر المراكز الي ذكرت .. هل هي مراكز صيانة متكاملة .. ام انها في الوزن فقط ؟

بالنسبة للعضيب الي وصفه لي يقول :طريق الملك عبدالعزيز اتجاه الشمال قبل طريق الملك عبدالله في خط الخدمة عاليمين.. وقريب مني جدا

هل تنصح بالصناعية ولا كل مراكز العضيب في نفس الجودة ؟

كل الشكر والتقدير لك اخوي المسافر

[مـوال]

العضيب في الصناعيه متخصصين لكزيس واحد من العيال معه لكزس من اكثر من 4 سنين وهو معاملهم ويمدح فيهم

[مسافِر]

المشاركة الأصلية كتبت بواسطة مـوال

العضيب في الصناعيه متخصصين لكزيس واحد من العيال معه لكزس من اكثر من 4 سنين وهو معاملهم ويمدح فيهم

يسلمو عالتوضيح موال

ومن اليوم ورااايح للوكالة ... مانيب راااايح

[سعودي كوول]

الوكالة تعبانيين
مستحيل تطلع السيارة من الصيانة وماترجعها
مدير الصيانة ( في الرياض ) ماله سلطة ضعييييف جداا

[المسـافر]

المشاركة الأصلية كتبت بواسطة مسافِر

بالنسبة للعضيب الي وصفه لي يقول :طريق الملك عبدالعزيز اتجاه الشمال قبل طريق الملك عبدالله في خط الخدمة عاليمين.. وقريب مني جدا

هذا اسمه ميزان العضيب ... لا انا اتكلم عن ورشة متخصصة بصيانة لكزس اسمها العضيب بالصناعية القديمة ... وانتبه عاد ترا فيه لهم محلات وش كثرها لوزن أذرعة بالصناعية .. بس أنت رح لورشتهم الخاصة بلكزس ...تلقاها عموماً عند مباني الشينكو مو عند محلات العماير

[مسافِر]

المشاركة الأصلية كتبت بواسطة المسـافر

هذا اسمه ميزان العضيب ... لا انا اتكلم عن ورشة متخصصة بصيانة لكزس اسمها العضيب بالصناعية القديمة ... وانتبه عاد ترا فيه لهم محلات وش كثرها لوزن أذرعة بالصناعية .. بس أنت رح لورشتهم الخاصة بلكزس ...تلقاها عموماً عند مباني الشينكو مو عند محلات العماير

يعطيك العافية اخوي المسافر عالتوضيح ...

بالنسبة لميزان العضيب هل تنصحني اروح له بشكل مبدئي بخصوص الحذفة ؟ بحكم انه قريب

او اني اروح للورشة دايركت ؟

...

بالنسبة لبقية الاخوان هل انتم مقتنعين بالوكالة والي يسونه فينا ؟؟ ولا بس انا الي صار معي هالشي

لاني بصراحة متردد للحين اني اغامر واترك الوكالة وابي ارائكم وشوركم لي

[(غير مسجل)]

بالنسبة للميزان، ما راح يلغي الكفاله لانهم اصلا ما راح يعرفون...

حاول تعمل الصيانة الدورية بالوكاله... و اذا في مشاكل بسيطة، الورش اضمن لانهم على الاقل فاهمين اكثر من الوكاله... لاكن، اذا كانت الشغله صعبة شوي او مكلفة، رح للوكاله...

[حمدي بيه]

الوكاله والله يا انا من زمان ما رحت لمهم ياخي اذا رحت تدخل كانك مدخل السياره ببلاش ماكنك تبي تعطيهم فلوس شين معامله وشين شغل يارجال خلك عند ابو هنود بس يصير مظبوط والله انه احسن من الوكاله بالف مره وربي ولا اشرط عليه قله اذا ما زانت مانب معطيك القروش وشف وش يسوي

تقبل مروري,,,,