[المتحد الاول]

ياجماعة الخير ناوي اشتري جيب gxr 2007
واللي ابي اعرفه وش الفرق بين رقم 1 ورقم 2
لاني بصراحة ماعرف فيها شي وكم توقعون سعر النظيف فيها

[ملك اللاند]

هلا بالحبيب
غالباَ يكون رقم 1 أقل من رقم 2 بالمواصفات
يجب عليك تحديد احتياجك من المواصفات الكمالية مثل الفتحة دف لك مخمل جلد وعلى ذلك تستطيع تحديد اختيارك
تقبل مروري

[بدوي وافتخر]

فرق هائل في الموصفات
ال vxr 4 انواع اواكثر وال gxr نفس الشي
احسن رح للمعارض وشف بعينك

تحياتي لك

[خير ياطير]

حبيبي تبي نصيحتي انا زيك كنت ناوي اشتري 2007 ولكن بعد ماجربت 2008 والله أفضل بكثير من 2007 وانصحك بالجديد وخل 2007

[المتحد الاول]

ملك اللاند
انا ودي بالمواصفات التالية
جير اوتماتيك - فتحة - مخمل - ونش - دف لك - خلفية لكزس - جناح
وشاكر مرورك

بدوي وافتخر
رايك في محله بس لامانع من السؤال في هذا المنتدى لان فيه ناس ماشاء الله عليهم خبرة في مجال السيارات
شاكر مرورك وتقبل تحياتي


خير ياطير
انا بصراحة ما اعجبني شكل 2008 خاصة الخلفية
والجديد غالي شوي ومشكور على المرور
تحياتي لك

[راع الحيزى]

حسب المواصفات هذي :
السعودي مابين الـ 145 الى 150 الف
الخليجي مابين 150 الى 155 الف ريال سعودي
طبعا السعر في كلا الخيارين مرتبط بنظافه السيارة والممشى !!

لكن ياخوي ابي انصحك نصيحه مجرب..... اذا انت راعي طلعات بر وخصوصا في النفود حتى لو كانت ماهي مستمره
فالقير التماتيك ما ينفع ابد ضعيفففففففففففف جدا وخصوصا في الطعوس ولا يتحمل الجر لو بغيت تسحب احد مثلا.
انصحك بالعادي على الجي اكس ار ..... ما اذا انت راغب التماتيك فالاحسن لك تاخذ 8 سلندر
هذا الكلام مبني على تجارب طويله مع الجيوب .... وانت بالخيار
والله يوفقك ان شاء الله

[المتحد الاول]

اخوي راع الحيزى
اشكرك عظيم الشكر على النصائح ومعلومات رائعة خاصة من واحد مجرب
تقبل تحياتي

[خالد الموسى]

المتحد الاول
الله يبارك لك بالسياره اللي ناوي تشتريها ويعطيك خيرها ويبعد عنك شرها
بالنسبه ل 2007 موجود جديد واحد من الشباب آخذ قير تماتيك خلفيه جناح ابيض ب 160 الف من الوكاله بجده طبعا السعر يختلف باختلاف المواصفات
بالنسبه ل 2008 أكثر الناس ماينصحون به حتى بالوكاله تجيهم مايعطونك علم أكيد وفيه مشاكل خاصة المكيف مشبوك مع الثلاجه
والمظهر الخارجي انت شفته وكل واحد ورغبته
بالنسبه لأخوي راعي الحيزى يقول التماتيك ماينفع مع النفود أنا أقول ينفع ونص أنا مجربه ولاخليت به محل ولا أذكر يوم من الايام انه وقف معي وموتري 2007 لكن لابد من تنزيل الهواء الى اقل من 20
وبالنسبه للسحب والله ماجربت وممكن القير مايتحمل أتفق مع راعي الحيزاء
والقير التماتيك مرغوب وكلا يدوره حتى في البيع يفرق أقل شي 5000
وكل الشكر لك

[راع الحيزى]

اخوي خالد الموسى .... احترم وجهة نظرك
لكن ياخوي ماهي منطقيه ابدا انك تنزل هواء الكفرات اقل من عشرين لسيارة دفع رباعي وخصوصا الجيب لأسباب:
اولاغالبا ماراح تركب فيه لوحدك في النفود لربمايكون معك ركاب واكيد راح تكون محمل العزبه بعد (اغراض الكشته) وهذي حموله تزيد الضغط على الكفرات !!
ثانيا مع المناورات الصعبه (التطعيس) التي يمكن ان تجبر عليها ... اذا كان الهواء قليل ينقرص الكفر ... بمعنى انه يفلت من الجنط اذا زاد عليه الضغط في المنعطفات فتخيل انك لوحدك و المسافة بعيدة والضرلا في اكثر من كفر ولا معك الا سبير واحد.

اما بالنسبه للقير التماتيك في السحب ضعيف وحساس ومن الممكن ان يفرط عليك اذا كان الشد مرة قوي ... او على الأقل راح يطلع التأثير مع الوقت في القير
اظف الى هذا ان القير التماتيك يسخن في القيادة الطويله مع النفود لأنه مايريّح .... وهذ الشي مجرب !!

تحياتي لك