[كتاتيب]

سويت صيانة لموتري قالو لي ان سبب الصوت اللي فيها بسبب الكفرات


اللي عنده خلفية عن سعرها يمحطه لنا هنا

بصراحة الوكالة اسعاااااااارهم ناااااااااااااااااااااااااااااااار

[(غير مسجل)]

التاير الاصلي (نفس التاير من المصنع) سعره عند الوكيل (وكيل اطارات تويو... و ليس وكيل السياره) بـ 34 دينار كويتي... يعني حوالي 470 او 480 ريال...

[كتاتيب]

ياخي بعض الاعضاء ودك تحطهم فوق راسك


جزاك الله الف خير

[لكازس]

انصحك بكفرات ميشلان الصراحه ما عليها كلام هاديه وقويه ومطبها مريح بس غالية لكن تستاهل
اذكر اني سعرتها وكان سعرها 680 ريال بالغرابي ميشلان Pilot مثل اللي تجي على الهوندا الموديلات قبل 2008
وكذلك عندك كفرات دنلوب Dunlope ممتازه ويمدحونها لكن اقل جوده من ميشلان

[كتاتيب]

والله الظاهر اني اباخذ ميشلان على شورك اخوي لكاسز

جزاك الله خير ودفع عنك البلا

[سعودي كوول]

اخووي لكازس
انت جربت ميشلان والا احد قالك .... لاني اثق بالنوع هذا من الكفرات

تويو ناعمة وهادية بس مرررررررررره حساسة

تعرفون وين وكيل تويو بالرياض

[لكازس]

اخوي سعودي كوول
ايه جربتها لكن مو على اللكزس على سيارتي اللي قبل وما جربت غير ميشلان pilot وركبت طقمين على مدى اربع سنوات كل طقم سنتين والصراحه ممتازه ما عليها كلام وجربت كفرات بيرييلي غاليه وقاسيه وتزلق بعد
وانشاء الله ناوي اذا مشت سيارتي 40 الف اغير الكفرات واركب ميشلان لان كفرات toyo نوعا ما سيئه يميزها الهدوء لكن في الثبات صفر لذلك ما انصحك بها والله يكافينا الشر

[هاوي الليــــل]

اسمحولي يا شباب .. ومع احترامي لاطارات ميشلان واللي يحبونها ..

ركبت اطارات ميشلان على اللكزس قبل 4 ايام تقريبا (بتاريخ 9/2/2008) ووضعت له نيتروجين

بصراحه السياره اثبت مليون بالمية ولكن بالنسبة للصوت والضوضاء اعتقد انها نفس الشي مقارنة بالتويو الاصلية اذا ما كانت اعلى شوي بعض الاحيان

يعني بسرعات من 0 - 80 اهدأ من التويو نوعا ما (لا يلاحظ الا اذا دققت)
80-120 ازعاااااااااااااااج اسوأ من التويو
اعلى من 120 اهدأ بمراحل من التويو

مع انه مكتوب عن الاطار ما يلي :

The new Michelin Pilot Preceda tyres deliver the smoothest, quietest sports performance in all weather conditions

مواصفات الاطار كالتالي :

pilot preceda 235/45ZR17 94W MADE IN JAPAN DATE 0607

TEMP A TRACK AA TREADWEAR 240

هذا رابط الاطار اللي ركبته

http://www.michelin.com.au/tyres/pas...lotPreceda.asp

واليكم المفاجأة .......... السعر .. نعم ... السعر


الاربع اطارت ب 1300 ريال سعودي .. وهذا اللي خلاني ابدل اطاراتي مع انه التويو كان ممكن تخدم معاي 6 شهور اضافية.. والضمان مفتوح ومرهون بنقشة الاطار .. متى ما خلصت النقشة خلص الضمان


تعليقي: هاللكزس اعتقد بلاها منها وفيها .. ازعاجها ما يترقع باطارات اي كان نوعها .. اعتقد والله اعلم انه فيها عيب في العزل .. او ان العزل ليس بمستوى يرتقي لاسمها


هذي تجربتي..


تحياتي

[لكازس]

اخوي هاوي الليل طبيعي تكون مزعجه لانها اعرض بكثير من مقاس البلد "التويو" وبعد طبيعي تكون اكثر ثبات لانها اعرض من اللي قبل بس عموما ميشلان لا تاخذه الا اذا كان صناعته فرنسي او الماني

[سعودي كوول]

اخوووي لكازس ...هاوي الليــــل
اشكركم من اعمااااق قلبي على هذه النصائح الجميلة

بس ها اخذ الكفرات من محلات البناشر والا من الوكيل ( الرياض )

اتمنى لكم دوماً التوفيق والسداد

[هاوي الليــــل]

المشاركة الأصلية كتبت بواسطة سعودي كوول

اخوووي لكازس ...هاوي الليــــل
اشكركم من اعمااااق قلبي على هذه النصائح الجميلة

بس ها اخذ الكفرات من محلات البناشر والا من الوكيل ( الرياض )

اتمنى لكم دوماً التوفيق والسداد

اخوي سعودي كوول ... اذا البناشر بيعطونك ضمان الوكيل على الاطارات .. فانصحك تاخذ الاطارات منهم لان اكيد بيكون ارخص .. اما اذا نفس السعر او قريب او بدون ضمان فانصحك تاخذه من عند الوكيل ..

هذا رأيي والله الموفق

تحياتي

[هاوي الليــــل]

المشاركة الأصلية كتبت بواسطة لكازس

اخوي هاوي الليل طبيعي تكون مزعجه لانها اعرض بكثير من مقاس البلد "التويو" وبعد طبيعي تكون اكثر ثبات لانها اعرض من اللي قبل بس عموما ميشلان لا تاخذه الا اذا كان صناعته فرنسي او الماني

اخوي لكازس .. كلامك فيه من المنطق كثير بخصوص الضوضاء والثبات ..

اما من ناحية الصناعة .. فما ادري صراحه لاني اول مرة اجرب ميشلان .. والوكيل في قطر (شركة ناصر بن خالد ) والوكيل في السعودية (الجفالي ) يقولون انه على اختلاف بلد الصناعه في ميشلان (80 مصنع في العالم) فانها نفس الجوده ونفس المعايير وقد تختلف قليلا في السعر لاختلاف تكلفة الايدي العامله ..

على اي حال .. لا اعتقد ان الصناعة اليابانية تختلف كثيرا عن الفرنسي والالماني .. واعتقد انها تأتي بعدهم مباشره .. ولا ننسى ان السوق الياباني سوق قوي جدا ويقارن بالسوق الامريكي كقوة شرائية..

ولكن الحكم لمن جرب الاطار صناعة المانية مثلا ونفسه من اطارات ميشلان صناعة يابانية مثلا فيستطيع الحكم على الفرق..

تحياتي

[صالح الرسام]

طيب ليش ماحد قبل مني النصيحة ياخواني ؟؟؟

ليش انا مجرب كفرات على ES300 اشتريت السيارة من السوق وكان الكفر تعبان والصوت الله تطربك

الممهم طرت على الغرابي وركبت كفرات بلدها اللي هو كاتم الصوت والاروع وهو ليس مجاملة

يوكوهاما وكيله " الجميح" والله ياخواني ان الصوت اللي كان يطلع معي على سرعات 40 و60 و100 و120
اختفى نهائياً
كأن السيارة تمشي في الهواء
ماشاء الله
وجربت قبلها نوع اسمه شاهين نوع ياباني تراه تعبان اخذت لفه وشرطي لراعي المحل الصوت وقال اذا فيه صوت رجعه

وكان الكلام هذا في الغرابي قلت ابأخذ لفه اذا مافيه صوت والا رجعت قال اوكي طلعت بالسيارة واسمع الاصوات

من جميع الاتجاهات وبكل السرعات المهم رجعتها بنفس الوقت واخذت الفلوس وزودت 300 ريال واخذت يوكوهاما

الصوت اختفى نهائياً والسيارة اختفت الان نهائياً لأني بعتها من زمان والله يبارك لصاحبها الجديد

بس امانه يوكوهاما بطل واكثر الناس ماتدري انه كاتم صوت مثل كاتم الرصاص اللي في المسدس

وللامانه ماعرف سعره حق ES350 ولا اعرف موجود نفس المقاس او لا
وكذلك لا اضمنه عليها انا اتكلم عن ES300 الشكل السابق

وسلام وبالتوفيق للجميع

[لكازس]

اخوي صالح الرسام كلامك صحيح اليوكوهاما فعلا هادىء جدا لكن على حساب الثبات والفرامل
ولا يهون التويو لكن ميشلان تقريبا جامع الكل هادىء نوعا ما وينفعك وقت الحاجه بإذن الله في الفرامل القويه والثبات عند اللفات علشان كذا ما انصح الشباب باليوكوهاما صحيح هادىء جدا لكن قد يكون سبب في حادث اليم
وهذا اللي اعيبه على تويوتا واللكزس اكثر مايهمهم بالكفر انه يكون هادىء بغض النظر عن الثبات فتحصل مقاس الكفر نحيف ونوعية الكفر مش ولا بد ولو تلاحظون دايم كفرات اللكزس نحيفه تقول كأنها هنوداي ومقلل من هيبتها لكن بالمقابل شوف ال BMW وكيف الكفرات صايره وايش نوعية الكفر ولا يهون المرسيدس
طيب ليش كل هذا العرض في كفرات ال BMW لان مبدأ الثبات يأتي من الكفرات اولا
وعلى فكره المرسيدس الجديد "البانوراما" جربته وكان صوت الكفرات واضح بسبب عرضها الكبير لان مرسيدس مايهمها الهدوء كثر مايهمها الثبات....
وآسف على الاطاله

[مـوال]

انا انصح بمشلان الفرنسي فقط ، جرب وتدعي لي

[مبتكر]

اللكزس Es350 سيارة مواصفات مو سيارة جودة بالعوازل !!

اللي يبي الهدوء يشتري Ls 460 ..

كفرات يوكوهاما مو كأنها ناعمه وماتخدمك بالفرامل ؟؟

وكم سعر كفرات دنلوب ؟؟