[دايم^مفهي]

بسم الله الرحمن الرحيم ..

السلام عليكم ..

انا حبيت استفسر يا شباب عن فتحة السيارة ، Es350 2008 طبعا ، الحين لا جيت اقفل الفتحه تتقفل تقريبا 75% و توقف ، ولازم ترفع يدك و ترجع تكمل مرة ثانيه تقفيلها ، هل هذا شي طبيعي او لأ !!

مع العلم ان واحد من الشباب يقول لي عادي شافها على كذا سيارة ومن بينها الافالون ، و جربت الافالون حقت واحد من الشباب الفتحه تفتح و تقفل توماتيك و ما توقف (( مو زي اللكزس تفتح توماتيك و تقفل بتعليق الزر )) ..

الحمد لله السيارة الحين معاي لها تقريبا 15 يوم و ماشي فيها 3600 (( طبعا الدمام الرياض مرتين لاحد يقول لي انت كارف الموتر بالدوران )) و مافيها ذيك المشاكل اللي يتكلم عنها الكثير ..

الا مشكلة صارت لي .. وهي : نقطتين سودا على الكبوت شفتها اول ما وصلت الرياض الاسبوع اللي راح .. (( نقطتين صغار )) ..

و مشكلة ثانيه واحد من الشباب الله يهديه (( الشخص مرتكب الجريمة غير معروف حتى كتابه هذه الاسطر )) كان يدخن و حرق لي سقف السيارة من جهت السواق ، يعني ما يبان الا لما تكون جالس مكان الراكب الامامي او لما تفتح باب الراكب .. و برضه رافعه ضغطي حييييل و افكر اني امنع التدخين بتاتا في السيارة (( الا انا طبعا و الله يهديني يا رب )) ..

تحياتي و اسف على الاطالة ...

[(غير مسجل)]

وعليكم السلام و رحمة الله

نعم... هذا شيء طبيعي لأن البانوراما لا يوجد فيه خاصية عدم الاحتباس... السيارات الثانيه (الفتحه العاديه) في خاصية منع الاحتباس... هذه الخاصيه تمنع اغلاق الفتحه في حال وجود اي جسم يعيق اغلاق الفتحه بسهوله...

بالنسبة للنقطتين... اذا قصدك الصبغ، فان يوجد مع السيارة صبغ (بويه) بنفس اللون... انصحك انك ما تجرب بنفسك وتعفس الدنيا... لازم فرشاة خاصه (زي حقت الرسامين) و اذا منت واثق من قدراتك الشخصيه، رح لاي رسام و يقدر يساعدك ان شاء الله...


نصيحه اخويه، امنع التدخين عليك و على غيرك... داخل وخارج السياره.. ترى محد مستفيد من التدخين الى شكرات السجاير نفسهم و احنا المتضررين...

[دايم^مفهي]

المشاركة الأصلية كتبت بواسطة (غير مسجل)

بالنسبة للنقطتين... اذا قصدك الصبغ، فان يوجد مع السيارة صبغ (بويه) بنفس اللون... انصحك انك ما تجرب بنفسك وتعفس الدنيا... لازم فرشاة خاصه (زي حقت الرسامين) و اذا منت واثق من قدراتك الشخصيه، رح لاي رسام و يقدر يساعدك ان شاء الله...

يعطيك العافيه اخوي على المعلومات و النصيحه ..

بس بالنسبة للصبغ يجي مع نفس السيارة ؟ اذا ايه وين بحصله ؟؟ < يفكر يدور في العده اللي بالشنطه

تحياتي لك

[جوال نت]

أخي غير مسجل

أنا ما حصلت البويه مع السياره

هل كل السياره يجي في عينه من البويه لي الحكات الخفيفه

وهل من حقي أرجع لي الشركه يعطوني العينه علما إن شاريها من رمضان وإلا خلاص مالي حق أطالبهم

[بوندقا]

الله يعطيك من خيره ويكفيك شره

تقبل مروري

[لكــــزس]

بالنسبه للبويه .. الي بالسعوديه ما تجي مع السياره علبه بويه !!!!! (( يمكن مزروفه ))

[(غير مسجل)]

هذه هي البويه.. موجوده مع كل سيارة جديده و كانت موجوده بالدرج الامامي.

[مسافِر]

بالنسبة للبوية ياشباب

شي راجع للوكيل ..

توني مشيك على موقع لكزس الرسمي ولقيتها مسعرة من ضمن الاكسسوارات

والوكيل مايحطها بالسيارة الا اذا كان مطلع حقها من قيمة السيارة الاصلية بالطبع

[شيخ البانوراما]

المشاركة الأصلية كتبت بواسطة مسافِر

بالنسبة للبوية ياشباب

شي راجع للوكيل ..

توني مشيك على موقع لكزس الرسمي ولقيتها مسعرة من ضمن الاكسسوارات

والوكيل مايحطها بالسيارة الا اذا كان مطلع حقها من قيمة السيارة الاصلية بالطبع

.

الله يهديك اخوي مسافر

واللي دافعينه من دم قلوبنا مايطلع منه قيمة علبة بويه صغيره ما تجي قيمتها ( مع الربح ) 10 ريال

طول عمرها سيارات تويوتا يجي معها علبة توتش اب صغيره مثل اللي عرضها اخونا غير مسجل

بس الظاهر ابوجميل خربها كود راعين اللكزس يرجعون له ويلقطون الموتر عنده ب 500 ريال او يبيعك العلبه بخمسين ريال كإكسسوار..

حسبنا الله ونعم الوكيل

.

[دايم^مفهي]

المشاركة الأصلية كتبت بواسطة (غير مسجل)

هذه هي البويه.. موجوده مع كل سيارة جديده و كانت موجوده بالدرج الامامي.

للاسف .. ماهي موجوده عندي ..

شكلي بمر عليك و باخذ منك شوي بكيس (( ذكريات ببسي ابو نص ريال ))

[الدعشوشة]

شكرا لكم ويعطيكم العافيه