[الفـــــارس]

السلام عليكم

كيفكم يالغاليين ان شاءالله بخير

حبيت اشارككم تجربتي التعيسه مع وكاله لكزس الخبر ( قرب مجمع الظهران )

اشتريت لكزس 2007 ،، وانا شخص استخدمها استخدام بسيط جدا

من البيت للدوام ومن الدوام لمحل الشورما ورجعه للبيت

كنت ماشي في الخط وماني مسرع ،، يمكن ماشي 60 او 70 <***** الوقت كان 3 الفجر وكنت مسوي رومانسي وافكر

المهم الا شوي ينط قدام السياره قطوو

عاد توكلنا على الله وصدمناه ،، مو بيدي بس وش نسوي

المهم في خاطري خفت قلت لا يكون السياره جاها خدش او شئ <*****< الولد حساس مع سيارته خدش يغير بادي كامل

نزلت شيكت على السياره الا مافيها اي شئ ابد والحمدالله

لكن الكشاف الايسر تحرك من مكانه شوي ( يعني الضربه جات فيه ) ،، هو شغال تمام بس خش داخل شوي

قلت يالله مالنا الا نروح الوكاله ونعدلها ووقتها قربت السياره من تشييك 15 الف

رحت عندهم ووريتهم المشكله وقعدوا يتفلسفون على راسي

اللي يقول لازم نفك الصدام والثاني يقوول لازم نغير الصدام كامل ،، عاد تخيلوا معي عشان كشاف شغال تمام يبون يغيرون الصدام كامل

قلت لهم عادي سووا اللي تبونه وانا جايكم بكرى

جيتهم بكرى وليتني ما جيتهم

قالي الحمدالله ما نحتاج نغير الصدام بس يبيلنا نغير قاعده الكشاف ،، قلت اوكي

شوي الا يجيني حق الصيانه اللي يشتغل على السياره ولد سعودي

قالي اسمع

السياره لما فكيت الصدام لقيت على نفس الكشاف ( تيب ) ( tape )

قلت كيف يعني

قالي يا طويل العمر السياره قد انفك صدامها من اول والقاعده مكسوره مو منك شكلها من ضربه سابقه لها وملزقين الكشاف بتيب فقط

لا وازيدك من الشعر بيت ،، شوف حولين الكشاف من الصدام مرشوش

قلت وشوووووووووووو

السياره توها جديده حتى خدش ما جاها وما ركبها غيري ابد ،، اصلا من زود ما احبها شوي وانام فيها

كلمت مسؤول الصيانه

قالي انت وسيارتك مالنا دخل فيك

اقوله كيف مالك دخل فيني ،، انا مستلم السياره منكم ولا عمري حكيت فيها بشئ

ولو فرضا يوم من الايام حكيت تتوقع باروح الزقها بـ ( tape)

انا جايكم عشان كشاف شغال وغيرته ب 1700

تجي تقولي انا يمكن صادم فيها

الا انتم ضاربين فيها قبل يمكن وانتم تنقلونها ولفقتوا اي شئ وسلمتوني السياره

المهم

هم الخصم والقاضي

فما كان عندي شئ يثبت انهم هم

وطلعوا منها

لكن القهر تعرفون ايش

اني اعرف سيارتي واعرف انه ما جاها شئ

واللي صار فيها قبل ما استلمها منهم وهي على الزيرو

فانصح اي واحد بيشتري سياره جديده

يدقق فيها ويفحصها تفحص كامل

لانه الوكالات والله تلفيق في تلفيق

ومشكورين

[(غير مسجل)]

لا حول ولا قوة الا بالله

يا اخي انا استغرب... ما في ضمير ولا ذمه؟؟؟ و حتى لو ما في ضمير، وينهم و وين الدين منهم.... ما يدرون ان الله لا تخفى عليه خافيه؟؟؟

[المستقبل الماضي]

شيء غريب والله بس مستحيل ان يقوم كل شخص بفحص سيارة جديدة قبل شراءها \

بصراحة الشركة فيها مشكلة كبيرة

[عزوز عزيز]

المشاركة الأصلية كتبت بواسطة المستقبل الماضي

شيء غريب والله بس مستحيل ان يقوم كل شخص بفحص سيارة جديدة قبل شراءها \

بصراحة الشركة فيها مشكلة كبيرة

انـآ مع كلام اخوي المستقبل الماضي

[ريموت لكزس]

والله شوف الاحتمال وارد في الموضوع انهم يبيعون سياره مرشوشه او حتى مصدومه
لانه تفكيرهم الاول والاخير كيف يصرف السيارات باكبر فائد
يعني اكيد لمن تجي من اليابان تنحك كم سياره لانها تنقلها بواخر وتعرف العواصف وما ادراك ما العواصف
غير ان العماله الى تنزل السيارات من البواخر غير مؤهله للقياده غير لمن تطلع على السطحات كل كم دقشه
توصل للوكيل كم سياره فيها حكه على بالك بيرجعها اليابان وقولهم ما ابغاها عشنها فيها شي
معصي والله يصلحا ويبيعها على انها جديده ولا احد ركبها بعد
لاكن شوف تبي تعرف ان السياره ما جاها شي اطلب انك تستلمها بحالتها من المصنع يعني بغبرتها على قولتهم زي انا
قلتلهم ابي السياره بغبرتها لا تغسلونها كذا انا اضمن ان السياه جديده 100% حتى ما قد انعرضت لا في صاله ولا ركبها احد واستلمها كما سلمها المصنع وكذا تعرف ان السياره سليمه ما جاها شي

ياخي اتذكر قبل ما اشتري السياره مريت على فرع القدس وكان ذاك الوقت السياره عليها طلب وكانت في وحده عندهم لونها فضي اركبها واشوفها يراجل اتوقع كل من جا المعرض ركبها السياره من جوه محل الرجول وسخه من كثر الى ركبوها المهم جلست مع مدير الفرع اسئله عن الالوان قالي فيه وحده فضي قلتله هذه قال ايه قلتله هذه عرض قال نبيعها لك قلت معصي والله تبيعني سياره بهذا الشكل قال انته عطنا عربونك وتعال بكره شوفها بنسحبها ونظفها لك وترجع زي لجديده المهم ويدق التلفون من فرع ثاني ويرد الرجال ويقوله موجود باقي حبه نحقزها لك قله وش لونها قله اللون بعدها قله شوي يمكن الزبون الى عندي عيزها والرجال يشاورني قلتله لا ما ابيها الله يباركله وفعلا شراها الرجال حتى مدير الفرع قال للهندي شيل السياره ونزلها تحت عشان يجهزوها لصاحبها تخيل
فلا تستغرب من الوكاله تسوي كذا واكثر اهم شي عندهم الفلوس والزبون اخر شي يفكرون فيه
لاكن ما نقول غير الله يفك الاحتكار عنا ونسير زي بقيه الدول يشتري الواحد سيارته زي ما يبغاها وبالشكل الى هو يبغاها وبالمواصفات الى هو يبغاها
وتقبل تحياتي

[مملوح الكون]

والله حقين لكزس الخبر الواحد لازم ينتبه لهم لانه اكثر من مره اشوفهم يضربون بسياره وانا شخصيا اشوفهم يحكون بسيارات ونصيحه الورقه صفره الي يعطيك يه احتفظ به لاشياء هذه

[نسكافيه]

حسبي الله ونعم الوكيل

حسبي الله ونعم الوكيل


ومثل ما قلت

هم الخصم والقاظي

ومالك غير الدعاء عليهم

[مازن محمد]

انا طلعت أوريون العام الماضي واسلمتها السيارة نظيفة وكل شئ تمام..
لكن أاكتشفت وجود ميل في التارة(الدركسيون) إلى الناحية اليسرى فرجعت ثاني يوم وقالوا
بسيطة يمكن مع التحميل صار هذا العيب بنصلحه لك وفعلاً استلمتها بعد ثلاثة
ساعات ووجدت ان الميل تعدل إلى حد كبير لكن هناك ميل خفيف جداً غير ملحوظ
إلا لدقيق الملاحظة مثلي فقلت معليش نمشيها
لكن بعد التمرين وجدت مشكلة اخرى ان هناك رجفة في التاره عند سرعة (110ك)
فراجعتهم وشرحت لهم المشكلة فقال لي الفني هل استلمت السيارة وبها ميل في التاره فقلت له نعم فأبتسم وقال لي بسيطة احضرها مع صيانة الخمسة آلاف وان شاء الله بيصير خير..
الخلاصة ان هناك عيوب بالسيارات نتيجة لسوء التحميل والنقل وخلافه والشركة تعرف هذا الشئ
لكن تبيعها على الناس بلا ضمير وبنفس السعر بل يمكن ازود من السيارات السليمة ...
مااقول الا حسبي الله ونعم الوكيل ...