[ولد الاكرام ...]

السلام عليكم ...
اخواني الكرام قبل شهرونص كنت في معرض باريس للسيارات(قطر) ولفت نظري وجود كميات كبيرة من VXR+GXR وارد السعودية طبعا انا استغربت لأن هذا المعرض كان يجيب كروزر ات من عمان ...سألت المصري عن السبب قال ان راع المعرض صار يتعامل مع شركة عبدالطيف جميل+قال ان صار عندهم مشاكل في التصدير من عمان...
بعد ما خلص الحديث بينا قلت للمصري يفتح لي الGXR دخلت وشفت الموتر ..المهم شفت راعي المعرض حامل كيس فيه علامات gxr-vxr وقام يلزق على الموتر الي موقف قدامي طبعا الشي الغريب هو ان الموتر ماكان عليه علامة من البداية...
هذي الصورة قبل التليق

بعد التلزيق...

===
انا سألت المصري قلتله وش الي قاعد يصير قال ان راعي المعرض ماخذ اذن من شركة عبدالطيف جميل وانهم خلوه يسوي هذا الشي===الرجال كان متنرفز وخايف لأي شفت الي صار..المهم سألته ليش الموتر بدون لزقة قال ان في البطاقة الجمركية حقت وارد السعودية بس يكتبون LANDCRUISER SW طبعا SW يعني STATION WAGON!!... انا قلت ممكن يكون ها الكلام صحيح يمكن المواتر تجي من اليابان بدون كتابة لأنكم لو تذكرون قبل قبل ثلاث-اربع شهور عضو اسمه فهد او الفهدعرض صور لكروزر سعوي في الميناء كان ماعليه اي علامات واذكر ماكان G لكنه كان كأنه G حتى بدون مكيف.,....لكن طبعا انتوا الأدرى لأنها وكالة بلدكم,...
.......
الصراحة ياشباب صعب الواحد يقول من السبب لكن معرض باريس نصابين100%+في اكثر من معرض شفت نفس الشي مواتر GXR+VXR وارد السعودية...الشيء الي انا 100% متأكد منه هو انه لو المواتر كانت صدق VXR+GXR كان فيهم تذهبية+المرايات مب كروم+الGXR بدون تخشيبة!!!تصدقون في موتر الكتابة GXR بس عليها تذهيبة والV8 وباقي الأشياء بدون تذهيبة صدق نصب...
شوفوا الصور واحكموا..
شدعوة GXR بس الكتابة مذهبة الباقي لا...نصب عيني عينك

الحين انا بسكت وبخلي الصور تتكلم..










====
مع تحيات
x_استرجاعها_x=

[ولد الاكرام ...]

[ولد_قطر]

الموتر شكله زباله وارد السعوديه تجميع تجاري الله يعز الوارد القطري والعماني

[ولد الاكرام ...]

المشكلةفي ناس مساكين يدفعون و مب عارفين شي
وبيني وبينكم مااظن ان تويوتا السعودية تعرف باالي قاعد يصير

[ولد الاكرام ...]

المشاركة الأصلية كتبت بواسطة ولد_قطر

الموتر شكله زباله وارد السعوديه تجميع تجاري الله يعز الوارد القطري والعماني

تسلم عاالمرور ياالغالي
+
لاتنسى وارد بازرعه اليمن

[شقـــران]

وارد
بهوان + بازرعه + عبدالغني

فقــــــــط

والباقي مع احترامي لزبائنهم
والسموحه منكم

[عاشـــق اللاند]

ياخوي هذا يسما نصب عيني عينك انا اتمنى منك ذكر اسم المعرض حتى لاينغش به الاخوان وياليت تدلون الناس على افضل الوكلات سواء بقطر او الامارات لاني ناوي على gxr سته سلندر فل اوبشن سبير تحت

[الحجيلان]

يا أهل الخليج وش اللي جابركم على أبو جميل مع العلم إن شفت أسعارها عندكم أغلى من البريمي .. والله أهبل وأعتذر عن الكلمة اللي يأخذه ,,

[حمد الغنيم]

اخوي ولد الأكرا م كلامك صحيح 100% شريطية قطر يشترونه من عندنا وارد أبوجميل VX&GX سواءاً من الوكاله أو الموزعين والمعارض ويقومون بإضافة الحروف ال VX-R&GX-R عليها وللتأكيد شكل حروف الترهيم اللي عليها مثل الموديل السابق 2007 وماقبله ومختلف تماماً عن شكل حروف الجيب الجديد
أما وارد قـــطر( سبحان الله الحب وهبه ) فأرى أنه عادي جداً بدون دعامية ولاجناح ولادوسات وسعره أكثر من وارد بهوان وبازرعة .

[الداعي]

تسلم اخوي\
معرض باريس حرامي يبيع Gx 8 سلندر وارد السعودية 190000 وفي السعودية 165000 تقريبا

[ولد الاكرام ...]

اخوي شقران ..
اخوي الحجيلان ..
اخوي عاشق الاند ..
اخوي حمدالغنيم ..
اخوي الداعي ..

.. يا مرحبا والله فيكم وجزاكم الله الف خير ..

(( ت ح ي ا ت ي )) .. ولد الاكرام ..

[مدور الحب]

[الجــــــدعلاوي]

فعـلاً نصب واحتيال

[اف جي دبي]

نصب عيني عينك

[فقط دبي]

خخخخخخخخخخخخخخخ

والله حاااااااااااله ..

يعطيك العافيه ياولد الاكرام على الموضع ..