[المهندس الشاطر]

بسم الله الرحمن الرحيم
من المعروف انك لو دخلت على موقع شركة لكزس راح تشوف موديلات الشركة ؟
لو دخلت على موديل IS راح تلقى نوعين وهي IS 250 و IS 350
السؤال هنا من وين جاب ابو جميل IS300 هل معقولة مركب مكينة كامري؟
ارجو التوضيح

[رااايـــق]

هل معقولة مركب مكينة كامري؟

لا تصدق كل ما يقال

اخوي انت دخلت على موقع لكزس الرسمي
بينما لودخلت على موقع لكزس السعودي او الخليجي بصفه عامه راح تحصل IS300

لحد يضحك عليك ويقول عبد اللطيف لاعب في السيارات من راسه ومخترع شي اسمه IS300
واللي يقول غير كذا هذا متخلف
طيب سؤال IS300 اللي موجوده في الخليج (الكويت والأمارات وقطر وعمان والبحرين) من وين جايه ..؟
من اختراع عبد اللطيف جميل برضو .....؟ مو معقول
طيب وكلائها كثير في الخليج مو بس عبداللطيف

بس ملاحظه بسيطه عبداللطيف عنده صلاحيه يتلاعب بسيارات تويوتا فقط وبـأذن من الشركه الام وتلاعبه ما يتجاوز الديكورات والاكسسوارات....
اما لكزس ماتسمح له بانه يسوي اي شي بسياراتها ....يبيعها على حالها


اللي اذكره ان الكامري سته سلندر من موديل 99 -2002 والكزس es300من موديل 98-2001
كان مركب عليها نفس الماكينه بقرار من الشركه الام وعبداللطيف ماله يد بالموضوع

نظام تصنيع السيارات هم يصممون البدي والكماليات بينما المكائن هي مصنعه من قبل وموجوده بانواع كثيره والشركه تختار الماكينه اللي تناسب السياره وتركبها عليها

انا ما ادافع عن عبداللطيف بس حبيت اوضح الصوره ولا نصير متذمرين اكثر من الازم

[ليكزي]

من المعروف انك لو دخلت على موقع شركة لكزس راح تشوف موديلات الشركة ؟

أولا .. ذلك هو موقع لكزس التابع للسوق الأمريكية .. لان موقع لكزس - اليابان، هو موقع آخر مختلف .. وهناك ايضا موقع لكزس - الشرق الاوسط ..

موقع لكزس - امريكا
www.lexus.com

موقع لكزس - اليابان
www.lexus.jp

موقع لكزس - الشرق الاوسط
http://www.lexus-mideast.com/ar/index.html

طبعا انت ياللي عايش بالشرق الأوسط، عليك بموقع منطقتك ، لانك لو دخلت الموقع العالمي لاي شركة سيارات، راح يعورك قلبك من هول المواصفات وفارق السعر ..

السؤال هنا من وين جاب ابو جميل IS300 هل معقولة مركب مكينة كامري؟

ابو جميل ما جاب شيء من عنده .. حتى احنا عبدالغني يجيب نفس الشيء .. وهذه المواصفات هي (رغما عن) كل وكيل ، ليس في الخليج فحسب بل في الشرق الأوسط بأكمله ..
المكينة تركبها مصانع اليابان للسيارات المرسلة الى الشرق الأوسط ، وهذا المحرك كان يستخدم سابقا في السوق الأمريكية واليابانية، لكن توقف انتاجه عندهم .. ويرجع الامر في ذلك الى سياسة الشركة الأم في كل منطقة او دولة ..

اسم المحرك المتواجد في الـ IS يدعى
3GR-FE

بينما محرك الأوريون يدعى
2GR-FE

هل تعلم، ان IS220 تنتج في بريطانيا ..! يعني حتى اقل من IS250 ..!!

و حتى ان كانت الـ IS اقل سرعة من الأوريون، فلا تنزعج ولا تحزن من ذلك .. يكفيك (الدفع الخلفي) والانظمة الكثيرة في لـ IS ، ناهيك عن فارق متعة القيادة .. وهذه بحد ذاته تكفي لصنع الفارق ..!!

تحياتي
ليكزي

[المهندس الشاطر]

مشكورين على التوضح و بارك الله فيكم

[جدة هوست]

طيب اخوي ليكزي لوجبت السيارة من أمريكيا فيها شي ؟

لأنو سمعت أنو نوع البنزين يختلف
ياريت لو تفيدني

حتى لو نوع البنزين يختلف يسير شي لو عبيت ببنزين 95 ؟

[ليكزي]

المشاركة الأصلية كتبت بواسطة جدة هوست

طيب اخوي ليكزي لوجبت السيارة من أمريكيا فيها شي ؟

لأنو سمعت أنو نوع البنزين يختلف
ياريت لو تفيدني

حتى لو نوع البنزين يختلف يسير شي لو عبيت ببنزين 95 ؟

الصراحة، علمي علمك .. ما اقدر افيدك بهالسؤال ..
كل الكلام اللي ذكرته، انا فرأته نفسك من المنتديات ..

الله واعلم ..
اسأل قسم الصيانة، ان شاء الله يفيدونك ..

تحياتي
ليكزي

[بلو جراندي]

المشاركة الأصلية كتبت بواسطة جدة هوست

طيب اخوي ليكزي لوجبت السيارة من أمريكيا فيها شي ؟

لأنو سمعت أنو نوع البنزين يختلف
ياريت لو تفيدني

حتى لو نوع البنزين يختلف يسير شي لو عبيت ببنزين 95 ؟

أنا اعتقد أن في اختلاف في نوع البنزين بس ما متأكد... بس حتى لو كان نوع البنزين نفسه، ما انصحك تجيبها لأنها ما مصممة لظروف الخليج... أنا أخوي عندو لكزس LS400 وارد أمريكي و المكيف في الصيف ما يبرد وايد لأنه ما مصمم للاستعمال في درجات الحرارة العالية اللي عندنا في الخليج...

[جدة هوست]

انا سألت عشان كنت ابغى اشتري Is-f
وراسلت لكزس حق امريكيا ما رضيوا

قفلت اسئل قبل ما اشتري لأنو عندي قرائب في امريكيا ممكن اخليهم يشترولي السيارة

أتمنى إلى يعرف يفيدني