[عبدالله آل طالب]

السلام عليكم

كيف حالكم إخواني؟ اتمنى انكو بخير

انا صراحة ودي براف 4 2008 لكن الى الآن لم اقرر , و اذا اراد الله باشتريها , بس كنت ابغي اسألكم
كيف مستوى الراف في الشوارع و المدن؟؟؟؟ لاني انا مب من النوع الي يروح البر , و ابغي الراف حق المدينة فقط .
هذا السؤال مهم جدا لي لان سأدفع مبلغ طائل على سيارة ستدوم معاي فترة طويلة جدا بإذن الله , فأرجو للذين عندهم علم انهم يجاوبوني .

في امان الله

[الحجيلان]

تأكد أنها ممتازة جدا وستدوم طويلا ...... لكن سعرها مرتفع جدا جدا يعني 100.000 ريال وأشف إنه مبالغ فيه .

[راعي شاص]

للمعلومية قطع غيارها لاتجدها إلا في الوكالة فقط لقلة انتشارها ..

[بنت الخران]

وعليكم السلام ورحمه الله وبركاته

الله يعطيك العافيه على السؤال

والله يسلمك بخصوص الراف فوور

الحمد لله سياره ممتازه جدا جدا وتكد وقطع الغيار متوفر جدا جدا جدا فى الامارات العربيه المتحده لكثرتها فى المدن


مثلا تقدر ترووح الشوارع القديمه بدوون اي مشاكل فى الحفر

لانها سياره متعدده الاستعمالات

تقدر ترووح البر اشوي على شارع الامارات وياك الاهل مثلا

السياره ما عليها اي غبار

توكل على الله واستخير ربك


والشي الاخير سعرها فيها

من قبل شهرين عمي باع الراف موديل 2004 بــ45 الف درهم والسياره فقط فل تماتيك

وانت ما شاء الله عليك من ام القوين وكلها شوارع والحمد لله ولا تنسى البر الحلو الى فيها

الراف فوور واللون الابيض الثلجي روووعه

شو راياكم

[أدولف هتلر]

انا من و جهة نظر سعر 100000 مناسب جدا في هذا الوقت و لا تنسى تراه جيب
و سم بالله و اتكل على الله