[{راعي الشاص}]

مشكور يا ولد الاكاارم على الرد بس الجي اكس ار فل كاامل 8 سرندل قلتلي ب180000 طيب وين احصله وكم رقم المعرض او الوكااله الي عنده الي الجي اكس ار وشكرا ومعليش على الايطاااله

[ولد الاكرام ...]

اخوي راعي الشاص ..
الله يعطيك الف عافيه ..

الجي اكس ار الـ 8 سلندر مش متوفر عندنا في الوكيل الطلب زايد علية واجد ...
واذا بغيت من عند الوكيل يقول لك بعد 4 او 5 شهور ومتوفر بكثره عند المعارض ومغلينها زيادة عن المعقول يبيعون الفل اوبشن 8 سلندر بـ 205 الاف واللي يجي سبيرين وونش ودف لوك بـ 215 الف ..
لكن اذا ودك تاخذ انا انصحك تاخذ وارد البريمي .. هو مواصفاتة احلى من الحلوة ومتوفر على ما اضن المواصفات اللي ودك بها ..

(( ت ح ي ا ت ي )) .. ولد الاكرام ..

[يعقوب الرياض]

أبسائلك أخوي ولد الاكارم
بالنسبة لمقاعد الجلد لل Vx هل يوجد بها نظام تدفئة

[الشعاع الأزرق]

انا طالب vxr بريمي فل كامل ب 240000

استغربت من اشياء ما هي موجودة في السيارة

1-ما فيه دفلوك مع ان صورة الدفلوك موجودة في الكاتالوج
2- ما فيه زر الـDAC (زر التحكم في المنحدرات) مع انه موجود في الكاتالوج
3- مافيه زر تسفيط المرايات
4- ما فيه اي زر للتحكم بالهيروليك!!!؟؟

مع العلم اني قد راجعت جميع الصور التي حملتها من النترنت على جهازي عن الاند vx-r ولم اجد فيه لا ديفلوك ولا DAC ابدا

تكفون يل جماعة افيدوني بالعلم

ويا ليت من عنده VXR فل يجاوبني بعد

[بو نهيان]

السلام عليكم ورحمة الله وبركاته
يعطيك العافيه اخوي ولد الاكرام عالموضوع الاكثر من رائع وهالشي مب غريب عليك دومك مبدع


بتخبركم عن الجي اكس ار 8 سلندر... هل في امل انه يجي قير عادي ...سمعتوا شي خبر من حد او من الوكاله انه بعد فتره بيجيبون القير العادي
يليت تفيدونا

وشكرا

[ولد الاكرام ...]

المشاركة الأصلية كتبت بواسطة يعقوب الرياض

أبسائلك أخوي ولد الاكارم
بالنسبة لمقاعد الجلد لل Vx هل يوجد بها نظام تدفئة

يا مرحبا اخوي يعقوب ...

اخوي ما شاء الله عليك .. احنا لو يحطون نظام تبريد في الكراسي ما يلحق من الجو الحار عندنا في الصيف ..
الله يعطيك العافيه الكروزر الخليجي اللي اعرفه ما ينزل فيه نظام تدفئة ..
.. ويا مرحبا بك والله في اي وقت ..
(( ت ح ي ا ت ي )) .. ولد الاكرام ..

[ولد الاكرام ...]

المشاركة الأصلية كتبت بواسطة الشعاع الأزرق

انا طالب vxr بريمي فل كامل ب 240000

استغربت من اشياء ما هي موجودة في السيارة

1-ما فيه دفلوك مع ان صورة الدفلوك موجودة في الكاتالوج
2- ما فيه زر الـDAC (زر التحكم في المنحدرات) مع انه موجود في الكاتالوج
3- مافيه زر تسفيط المرايات
4- ما فيه اي زر للتحكم بالهيروليك!!!؟؟

مع العلم اني قد راجعت جميع الصور التي حملتها من النترنت على جهازي عن الاند vx-r ولم اجد فيه لا ديفلوك ولا DAC ابدا

تكفون يل جماعة افيدوني بالعلم

ويا ليت من عنده VXR فل يجاوبني بعد

الله يعطيك العافيه اخوي الشعاع الأزرق ...
اخوي الفي اكس ار الجديد ما يجي فيه نظام الدفرشن لوك لانهم منزلين نظام بديل له في السياره يكون شغال اوتوماتيكي في السياره وبصراحه ما اعرف اسمة ..
و زر تسفيط المرايات مش موجود عندي ما ينزل على الفي اكس ار ينزل الزر هاذا على اللكزس
واللي اعرفه ان الهايدوليك في الاند كروزر الخليجي ما ينزل اعتقد لاسباب خاصه في انظمة جديده منزلينها فية .. هاذا يا الذيب اللي انا اعرفه وان شاء الله اذا في معلومة عند اي عضو من الاعضاء ان شاء الله انهم مش مقصرين ...

(( ت ح ي ا ت ي )) .. ولد الاكرام ..

[ولد الاكرام ...]

المشاركة الأصلية كتبت بواسطة بو نهيان

السلام عليكم ورحمة الله وبركاته
يعطيك العافيه اخوي ولد الاكرام عالموضوع الاكثر من رائع وهالشي مب غريب عليك دومك مبدع


بتخبركم عن الجي اكس ار 8 سلندر... هل في امل انه يجي قير عادي ...سمعتوا شي خبر من حد او من الوكاله انه بعد فتره بيجيبون القير العادي
يليت تفيدونا

وشكرا

بو نهياااااان ..

مرحبا بك والله ومسهلا والله يا الذيب ..
اخوي والله بصراحه مافي اي اخبار عن ها الموضوع وبصراحة انا مثلك ارغب الـ 8 سلندر يكون جير عادي وانا من عشاق عاذا النوع من الكروزرات وسألت عنه وقالوا ما في اي اخبار لحد الآن عن ها النوع من الكروزرات ...

(( ت ح ي ا ت ي )) .. ولد الاكرام ..

[الشعاع الأزرق]

الله يعطيك الف عافية يا ولد الاكرام

بس عندي سؤال اخير عن الهيدروليك

الموتر نازل شوي يعني لازم يرتفع عشان يدخل البر
وعندي صورة تبين ان الموتر يرتفع اذا دخلت البر وينزل اذا مسكت الخط

هل هذا معناه ان السيارة فيها هيدروليك تماتك ولا لا

ومشكور مره اخرى

[عاشـــق اللاند]

انا حجزت الgx سته سلندر فل اوبشن لون لؤلؤي بس سؤالي هل مكينته جيده بالسفر والخطوط الطويله يعني الضغط مايرتفع واجد يعني يكون طبيعي ولا يحن؟

[ولد الاكرام ...]

المشاركة الأصلية كتبت بواسطة الشعاع الأزرق

الله يعطيك الف عافية يا ولد الاكرام

بس عندي سؤال اخير عن الهيدروليك

الموتر نازل شوي يعني لازم يرتفع عشان يدخل البر
وعندي صورة تبين ان الموتر يرتفع اذا دخلت البر وينزل اذا مسكت الخط

هل هذا معناه ان السيارة فيها هيدروليك تماتك ولا لا

ومشكور مره اخرى

اخوي الشعاع الازرق ..
الله يعطيك العافيه .. اخوي والله العالم ان الصور او الفيديو اللي انت شايفه للاند كروزر مش وارد الخليج لان لاند كروزر الخليج بكل فئاته ما عدا اللكزس بدون هايدروليك هاذا اللي انا اعرفه والله اعلم ..

(( ت ح ي ا ت ي )) .. ولد الاكرام ..

[ولد الاكرام ...]

المشاركة الأصلية كتبت بواسطة عاشـــق الاند

انا حجزت الgx سته سلندر فل اوبشن لون لؤلؤي بس سؤالي هل مكينته جيده بالسفر والخطوط الطويله يعني الضغط مايرتفع واجد يعني يكون طبيعي ولا يحن؟

اخوي عاشق الاند ..
.. الله يعطيك خيرة ويكفيك شره مقدماً .. وتوكل على الله .. السياره (( في منتهى الروعة )) ..
.. السيارة اذا كانت قير عادي بيكون فيها حنه خفيفه بس ما منها مشكله لان الجير حار شفرات الجير نشطة شوي .. اما اذا كان اتوماتيك ماعليك لا حنه والا حاجه توكل على الله ...

(( ت ح ي ا ت ي )) .. ولد الاكرام ..

[شاب خلوق]

يعطيك العافيه ولد الاكارم على الجهد الرائع

وابيك تتحملني بسؤالي وش الفئه من فئات (الاند) اللي يجي فيها شاشه DVD

وكم سعره لوتكرمت ؟

[ولد الاكرام ...]

اخوي شاب خلوق الله يعطيك العافية ..

الفئة هاذي هي vxr وهاذي الفول اوبشن سعرها الجلد بـ 230 والمخمل بـ 219 تقريبا عندنا في قطر ..

ويا مرحبا بك في اي وقت ..

(( ت ح ي ا ت ي )) .. ولد الاكرام ..