[سوبربان]

السلام عليكم
ودي بستفسار الا وهو
لاندكروزر طراز G كم يجي سعره بالكويت عند الساير
وعند عبداللطيف جميل
بالتقسيط وبالكاش

استفسار هل لا ندكروزر G فيه كرسي ثالث وهل فيه مكيف خلفي

طبعن السؤال عن 2008

[ولد الاكرام ...]

المشاركة الأصلية كتبت بواسطة سوبربان

السلام عليكم
ودي بستفسار الا وهو
لاندكروزر طراز G كم يجي سعره بالكويت عند الساير
وعند عبداللطيف جميل
بالتقسيط وبالكاش

استفسار هل لا ندكروزر G فيه كرسي ثالث وهل فيه مكيف خلفي

طبعن السؤال عن 2008

عليك السلام اخوي سوبربان ..

يا مرحبا والله .. اخوي الغالي والله اسعارة بالكويت واسعارة بالسعودية .. بالضبط والله ما اعرفه لكن انا بعلمك عن الـ G وارد قطر عند عبدالغني .. وارد قطر يجي بدون مكيف خلفي وبدون ثلاجة اما عن الكراسي اذا تقصد الكراسي الاخيره الستاندر تجي كراسية متقابله على الاجناب في الخلف وهو الوحيد اللي فيه زر تفتح الباب الخلفي من الداخل ..

اما عن سعرة يجي عندنا بـ 127000 الف ريال قطري اللي يجي جير عادي والاوتوماتيك يفرق بـ 8000 الاف تقريباً والسبير العلاق يفرق 2000 ريال ..
هاذا اللي انا اعرفه والسموحة ياخوي ..
وان شاء الله الشباب اهل الكويت واهل السعودية يفيدونك ...

(( ت ح ي ا ت ي )) .. ولد الاكرام ..

[اسـتـرجـاعـهـا]

الى الأمام ياولدالأكرام==
ماشاءالله عليك صاير خبير هههههه امزح لاتزعل يالغالي!!
ماقصرت يالذيب==
x_تحياتي_x

[ولد الاكرام ...]

المشاركة الأصلية كتبت بواسطة اسـتـرجـاعـهـا

الى الأمام ياولدالأكرام==
ماشاءالله عليك صاير خبير هههههه امزح لاتزعل يالغالي!!
ماقصرت يالذيب==
x_تحياتي_x

.. هلا والله يا الغالي .. انت اللي والله بلشتني بالموضوع هاذا ..

هههههههههههههههه

.. امزح امزح معاك .. بالعكس والله مرتاح اني افيد الشباب باللي اعرفة والله ..

(( ت ح ي ا ت ي )) .. ولد الاكرام ..

[راعي الكاربيتر]

هل ال900 لهن تاثير علي الجير كما في الموديلات السابقه لهن تاثير علي الاتوماتيك ..

و شو سعر ال gx وشو موصفاته ؟

وشكرا علي هذا الموضوع الرائع

[سموك مان]

يامرحبا بأخي ولد الأكرام

وأشكرك على تكفلك بالرد على االاستفسارات

واتمنا من الأعضاء الباقين التفاعل معك في الردود

انا عندي سؤال .. بخصوص الجناح الخلفي لوارد عبد اللطيف جميل هل هو مثبت بواسطه المسامير ام هو لصق
..؟

يعني لما تتم ازالته هل تكون له اثار سلبيه على مظهر السياره والا لا..؟

وشكرااااااااااااااااااااااااا

تقبل تحيات ....سموك مان ,,,,,

[دمعة ألـــم]

يعطيك العافيه أخوي ولد الاكرام على الموضوع

وانا عندي سؤال وهو,, يقولون ان الكروزر الجديد يمكن تطلبه بيج من الداخل يعني الطبلون تقدر تطلبه بيج ؟

وفي كم من واحد في الوكاله قالي ان السيارات اللي نزلت بطبلون اسود هي المعتمده من الوكيل وما في تغيير عليها يعني الطلون أسود أسود اسود .....

بس انا حبيت اتاكد من المعلومه .

وسؤالي الثاني .. في طريقه لفصل المكيف عن الثلاجه ..

تحياتي

[ولد الاكرام ...]

المشاركة الأصلية كتبت بواسطة راعي الكاربيتر

هل ال900 لهن تاثير علي الجير كما في الموديلات السابقه لهن تاثير علي الاتوماتيك ..

و شو سعر ال gx وشو موصفاته ؟

وشكرا علي هذا الموضوع الرائع

مرحبا والله اخوي راعي الكربيتر ومرحبا بك ..

اخوي والحمد لله ما في اي مشاكل على الـ 900 لحد الان على الاند كروزر الـ 2008 بكل انواعة ..
مع انها 900 - 17 اكبر من البوالين اللي نركبها قبل .. (( لكن الحمد لله )) .. ما صادفتني مشاكل لا على الأوتوماتيك والا على العادي ..

اما الجي اكس .. (( انا بتكلم عن مواصفات عبدالله عبد الغني قطر )) يجي لون الشبك فضي ومقابض الابواب والمرايات تجي نفس لون السياره .. قفل الابواب وفتحها من الخارج بالمس .. ريموت .. خشب تيك من الداخل .. حسب الطلب يجي سبير علاق وسبير تحت .. وحسب الطلب يجي ونش ودفلوك .. والألوان كامله تجي علية .. اما الاسعار ارتفعت شوي .. الجي اكس سبير علاق جير عادي .. بـ 156 الف ريال .. واللي سبيره تحت اقل بـ 2000 ريال والاوتوماتيك بـ 163 الف تقريباً ..

(( ت ح ي ا ت ي )) .. ولد الاكرام ..

[ولد الاكرام ...]

المشاركة الأصلية كتبت بواسطة سموك مان

يامرحبا بأخي ولد الأكرام

وأشكرك على تكفلك بالرد على االاستفسارات

واتمنا من الأعضاء الباقين التفاعل معك في الردود

انا عندي سؤال .. بخصوص الجناح الخلفي لوارد عبد اللطيف جميل هل هو مثبت بواسطه المسامير ام هو لصق
..؟

يعني لما تتم ازالته هل تكون له اثار سلبيه على مظهر السياره والا لا..؟

وشكرااااااااااااااااااااااااا

تقبل تحيات ....سموك مان ,,,,,

الله يعطيك الف عافيه اخوي سموك مان ..
وجزاك الله الف خير يا الذيب ..

والله يا الغالي انا ما عندي فكره عن وارد عبد اللطيف جميل .. لكن الجناح عامة يكون تركيبة ببراغي واذا شليته تكون هناك فتجات لكن اعرف ناس واجد شايلين الجناح ومسكرين الفتحات وما يبين مكان الفتحات نهائيا ولا يشوه منظر السياره بس اذا بتشيله شيله عند كراج محترم والا في الوكالة يكون شغله 100% .. اضمن لك واحسن لك ..

(( ت ح ي ا ت ي )) .. ولد الاكرام ..

[ولد الاكرام ...]

المشاركة الأصلية كتبت بواسطة دمعة ألـــم

يعطيك العافيه أخوي ولد الاكرام على الموضوع

وانا عندي سؤال وهو,, يقولون ان الكروزر الجديد يمكن تطلبه بيج من الداخل يعني الطبلون تقدر تطلبه بيج ؟

وفي كم من واحد في الوكاله قالي ان السيارات اللي نزلت بطبلون اسود هي المعتمده من الوكيل وما في تغيير عليها يعني الطلون أسود أسود اسود .....

بس انا حبيت اتاكد من المعلومه .

وسؤالي الثاني .. في طريقه لفصل المكيف عن الثلاجه ..

تحياتي

اخوي الغالي دمعة ألـــم ..
تبي الزبده .. الطبلون مش متغير في اقل من 4 سنوات قدام خذها مني يا الذيب ..
لان وكاله عبدالله عبد الغني ما يغيرون في المواصفات اليابانيه نهائياً ومن اليابان هم ينزلونه ها اللون وهو ترى لو تلاحض مش اسود الطبلون بني غااااااااااامق .. في الليل تشوفه اسود ..

اما والله يا الغالي عن موضوع فصل المكيف عن الثلاجه .. والله ما عندي اي فكره عن ها الموضوع يا الغالي .. واصلا انا اشوفه عادي يعني في حد فينا بيطفي مكيف السياره في الصيف .. ما اعتقد .. لان حرررررررررررر .. ..

(( ت ح ي ا ت ي )) .. ولد الاكرام ..

[راعي الكاربيتر]

اخويه ولد الاكرام بغيت gx بفتحه و سبير علاق لؤلؤي سبير علاق او فوق ما تفرق ... الجتر تيب ترونك بكم بيكون لو ما عليك اماره بس


و السموحه طوللت عليكم

[ولد الاكرام ...]

اخوي راعي الكربيتر ..
السبير العلاق واللي تحت يفرق 2000 ريال زيادة على العلاق ..

احتمال المواصفات اللي تبغيها تحصله بـ 168 الف تـــــــــــقريباً ..

(( ت ح ي ا ت ي )) .. ولد الاكرام ..

[راعي الكاربيتر]

تــــــسلم اللغالي و ماقصرت

[مهندس الحياة]

الله يعطييك العافية ,,

شنو افضل لون على اللاند ؟؟

انا محتار بين الاسود و اللؤلؤي ,, بس الاسود ما يتحمل الجو عندنا


انت شرايك شنو احسن لون !!