[لحظه وقف]

بارك الله في كل من رد وعتبي على الأخ بدر المانع

لأنه ما احترم ولا قدر صاحب الموضوع ويقول خلو عنكم الهرج الخ... واللي يبي نايت فيجن يرسلي خاص
طيب شدعوه انا فاتح الموضوع علشان تسوق لنفسك فيه ( عيب عليك والله ) واقسم بالله في البدايه كنت محترمك
وكنت مقدر وجهة نظرك رغم انك مادخلت صلب الموضوع على طول. لكن بعد مشاركتك الأخيره ( وضح مدى احترامك
لصاحب الموضوع). وشكرا على فكره ياجدي بدر المانع فتح المواضيع ببلاش من غير دفع قروش Fyi

وليد الخالدي

حياك الله يالغالي <*****<***** لاحظ بدى يطلق عليك قولة الغالي لأن المحترم وإن أساء وابدا احترامه مافيه مانع
من مبادلته الإحترام ذاته. وإن اختلفت معك في الأذواق لكن مايعني العداوه. واتجاوز عن بعض الردود منك وارد على
الشلليه بأني اقولك أكيد أيد الشخص اللذي يحمل نفس افكاري او توجهي لكن لااعتبرها شلليه.أما بالنسبه للأخ الغالي
طرمان..... انا اقلت له كفو وهو فعلا كفو الكفو بسبب أن له صولات وجولات وردود وإبداء أراء في مواضيع سابقه
فأكيد مروره في موضوعي شرف لي. لكن تعليق بعض الأخوان وخاصه الأخ اللي كان مؤيد لك (اتعب في هواك )
مع احترامي الشديد له ( ينبأ عن عقلية في الحضيض لشخص استغفر الله ماودنا نغلط فيه ) لكن اللي يبي يدور عن
مشاركاته وبيعرف الشخص هذا زين مثل ماقالوا الكتاب من عنوانه. عموما أنت مية مرحبا فيك في كل موضوع
وكل مشاركه لي لكن أتمنى انك تتحفنا بالمفيد وليس الهرج اللي مأخوذن خيره ونا علي تقبل الجميع بصدر رحب.

لكزس ألترا

بارك الله فيك وشاكر لك مرورك ورأيك مهما اختلف معي يبقى رأي خاص فيك وليس لي الحق ان لا اعتبره رأي ابدا.

تحياتي لكم وللأسف الموضوع طلع برى واخذ منحى ( دردش وسولف وهايط وسوي مشاكل عسى يقفلون الموضوع)

والله يسامح كل من كانت نيته غير سلميه ودخل وشارك بقصد الإستهزاء والشماته في العضو كاتب الموضوع او بنية
اقفال الموضوع وشكرا

[وليد الخالدي]

حياك اخوي لحظة وقف

وش خص اتعب في هواك بالسالفة

اتعب في هواك ماله اي رد على موضوعك هذا

انا استغربت انك زعلت على ناس وقلت لهم هاتوا المفيد وشفت ناس يبجلون ولاشفتهم جابو مفيد

وبالنسبة لكلامك عن ان ردودي ماخوذ خيرها ابادلك نفس الشعور في مواضيعك

هذي وجهة نظري يجب ان تحترمها مثل ماانا احترم وجهة نظرك

بعدين عن موضوع الاساءة والاحترام فالانسان اذا اساء يجب ان يؤدب واذا احترم نفسه يجبر الاخرين على احترامه

مااذكر بصراحة اني سبق اني اساءت لشخص وان بدر مني ذلك فيجب ان تعلم انه سبقني بالاساءة

الردود موجودة وارقامها موجودة ولن تجدني قد تجنيت على احد بالعكس حتى اني احترم نفسي بالرد عليه ولاانزل منزاله ؟؟؟؟؟؟ ليس لعدم المقدرة على الرد بالمثل لكن تربينا قبل نشارك والفاظ كل انسان دليل على تربيته والبيئة الي تربى فيها , دائما عندما ارد ردا اشترط على نفسي ان يكون ردي محترما بحيث يكون منه التأديب للشخص الذي يسيء ادبه مع الاخرين وبنفس الوقت أكسب احترام الاخرين من خلال ذلك الرد ,ولاانزل منزاله الذي يرديني ان انزل اليه لان هذا هو الفرق بيني وبينه


وبالنسبة للردود التي تتحدث عنها وعن مشاركات اخوك المذكور فانا سبق وشاهدت ردود عديده له ومنها مايتصف بما ذكرت بالحضيض وينطبق عليها ماينطبق على مااطلقته على الاخرين وشاهدت مواضيع سبق وان تم اقفالها في هذا القسم بسبب ردوده

في الختام

اتمنى لك التوفيق ولموضوعك التوفيق ,,,, دمت بود اخوي لحظة وقف,,, واعيد واكرر بأن المحترم يفرض احترامه

[ولهان_جده]

إختلاف الرأي لا يفسد للود قضيه

[راعي شاص]

والله انا اشوف أن الصراخ على قدر الألم .. اللكزس Ls 460L بدأت تنهش وبقوة في عرش البي أم وخصوصاً الاتجاه للكزس Ls460L بين الشخصيات المهمة ورجال الأعمال والشيوخ .. الخ

لماذا ..؟

طبعاً لا أحد يقول إن الرد عاطفي .. اسال وكيل بي أم كيف السوق بعد نزول ال 460 لارج .. بيقولك كانت مشكلة لكزس Ls القديمة هو ضيق المساحة في المقاعد الخلفية والآن حلت المشكلة مع الطراز الجديد واصبحت الآن مناسبة أكثر للشخصيات الـ VIP تحديداً .. يعني اللكزس صار تهدد الألمان بجدية في تخصصهم القديم وهو الشاسية الطويل ..!

أما موضوع الإيقاف الآلي صدقني اقلق الألمان قبل وكلائهم وقبل محبي الألماني وهذا هو السوق والشاطر اللي يرضي رغبات الناس ويحافظ على مكانتة وسمعتة وجودتة ..


وأرى أن موضوعك أخي الكريم يكاد يكون تسلية ليس أكثر .. وقاعد تلعب بأعصاب عشاق اللكزس فقط ..!

انت وصاحبك طرمان على نهج واحد وكأنكم نفس الشخص والأسلوب الملتوي .. اثارة مجرده من الحقائق .. !!!

بمجرد أنك تجد فيديو يسيء لـ Ls في اليوتوب تجي هنا وتحطه في موضوع وأنت تعلم بأنه ليس دقيق واسمح لي اقول لك بأن الأوروبيون عنصريون في آرائهم ,مهما ادعوا الحيادية والمصداقية ..!!

سوق السيارات عبارة عن لعبة .. يدخل فيها فن التسويق .. قوة المنافسة .. جودة المنتج .. سهولة الصيانة .. توفر التقنيات الحديثة ومدى فعاليتها .. الخ

وفي النهاية الناس أذواق ومحد يفرض ذوقة على الآخرين .. وأنا معجبتني البي ام كشكل ولكن لن أثق في سيارة قد تتعطل عند الاشارة ..

[بدر المانع]

السلام على الجميع اعضاء ومشرفين وزوار..
اخوي لحظه وقف طمنا عليك طال عمرك..
الحين تركت الرد في كلامي كله عقب ما اني متاكد انه سكر عليك كل شي تتنفس منه وجيت على كلمة خلوا عنكم الهرج والمرج واستعراضي لشي فيه فايده غير هالموضوع اللي ما اشوف منه فايده .. مجرد واحد يبي يتسلى ويستعرض البي ام على حساب السيارات الباقيه..
يقولون عندنا في مثل (كلن شبعان في بيته)
ياخي اذا عندك سياره ومعجب فيها عليك بالعافيه واذا لكزس مب عاجبتك او اي سياره ياخي راح تفاهم مع المصنع احنا وش دخلنا يعني تظن انه احنا صانعين هالسياره يبا نمدحها فقط لانها خدمتنا وما وقفت بيوم من الايام ولو غيرها مثل البي ام حقتك اخدمتنا وماتعطلت وفشلتنا بجسر البحرين كان مدحناها وش خاسرين احنا حنا صانعينها والا صانعين لكزس يبا احنا ندفع دراهمنا للي ينشد فيه الظهر واذا بعد بيكشخونا بسياره توقف وتبركن لحالها بعد جزاهم الله خير وعن الجوده ماظن فيه شركه بالعالم مثل تويوتا بالجوده وهي حاصله لمده 7 سنوات على التوالي الى سنة 2007 الاولى في الجوده عالميا .. وعلى قولتك ياهي قاهرتكم وش تقهر فينا الحمد لله على العقل والثقل..مليون مره قلنا لكم لا احنا متعصبين لا لكزس ولا لحب الهريس..واشكر كلام اخوي راعي شاص بصراحه رده لانسان يوزن الامور ويعطيك فن في الرد والكلام.. وخليتنا نتفلسف ونرد ونعيد الكلام على شي ماله معنى

اما عرضي لتركيب الرؤويه الليليه في السيارات فهذا ياطويل العمر لو تطوف الشرق الاوسط كله مابتلقاه غير عندي وافتخر بهالشي وهذا منه فايده عشان اخوك وابوك وعشانك وعشان ربعنا وكل واحد يسوق سياره في الليل مايجيه حادث من ابل او غيره وياكثر ربعنا اللي راحوا بسبة حوادث الليل ..الحين قارن بين موضوعي وبين موضوعك وبحكم الاعضاء وين اللي فيه فايده ..
عموما هذي كاميرا صغيره تركب بشبك السياره من الداخل وتوصل بشاشه داخل السياره صغيره وتبين لك كل شي في الظلام ولمسافة 600 متر وعليها ضمان وضد الماي والحراره وكل شي اذامب عاجبك الموضوع..
تحياتي

[طرمان]

اخوي بدر المانع ،، هدئ من روعك ياهذا وكأنك بردك تناقض كلامك

وكأنك فعلا تمتلك شركة لكزس او لك فيها نصيب الأسد ،، او بالاحرى كأن بينك وبين الألماني عداوه ،،

وشطحتو بالرجال ودخلتو فيه عرض ،، وكانت المسأله بسيطه جده والفكره مايبيلها معادله وحل ؟؟

كنت اقول للشباب لاتنظرون للدعايه اللتي تطرحها لكزس فالدعايه شي والحقيقه شي أخر

هذا مقطع فيديو من برنامج Top Gear والكل يعرف البرنامج الناجح هذا.
هنا يطرحون هذا النظام ويبيون عيوبه بطريقه جميله جدا واتمنى الكل يفهم
مغزى مقدم البرنامج (جيرمي ) في عيوب النظام.

توضيح للسؤال حسب فهمي المتوااضع !!

وكان المؤلف هنا يستفسر عن النظام وعن عملانيته وعن جودته وهل سيقى بنفس الجوده ،،

أم كانت معزى الشركه من هذا النظام هو للدعايه فقط ؟


شفت كيف السؤال سهل !!


ولكن للاسف كانت الردود من الاعضاء سطحيه جدا جدا جدا وبكل ماتحمله الكلمه من معنى ،،

دخلو اللكزس بالبي ام ،، واللي يقول المعلم والطالب نظريه جديده ولكنها للاسف افقتدت الشرح والاسباب

مجهوله الى الان ... واللي يقول انت جربت الاكورد هههههههههههههههههههههههههههههههههههههههههه

طبعا اللي يقول انه جرب الاكورد والخ طبعا هذا ماقدر يرد ،، لذلك اظطر كغيره من الاعضاء

اتخاذ الاساليب الملتويه والمواجهه بغير وجه حق يعني (( مع الخيل ياشقرا ))


وانت جيت وكملت الناقص ودخلت الشطيان حقك مدري وش يقاالوو ودخلت المازدا

وحتى القراندي ماسلمت منك وكتبت لي انظمه مدري وش تبي !!

اي ماي على الزجاج الامامي المسحات تشتغل بنفسها

بعد فيها انه لما احد يولع العالي عليك ترد له العالي بنفسها اتوماتيك

فيه شغله جديده بلكزس 600 وهي انها تمش على البنزين وبعد تمشي على الكهرباء ومايحتاج شحن تشحن نفسها بنفسها

شدخل هالكلام اللي ذكرته بالموضوع الاساسي ،، يعني الرجال يسال عن نظام البارك وانت حذفت يمين ويسار


ياعزيزي كل شي في هالدنيا يحتاج على تفسير وشرح ،،

يعني انت تجي وتقولي جوده ومدري وشو ،،، طيب اشرح ع السوال فقط

يعني اشرح نقطه واحده بحيث لاتشتت القارئ كما فعلت في ردودك السابقه

ماظن فيه شركه بالعالم مثل تويوتا بالجوده

تويوتا !!

طيب تويوتا سياره وحده ؟؟ وفيه فرق بين شركة تويوتا ولكزس رغم ان الاخيره تنظم للاولى

ولكن تويوتا اتمنى عندما تقرأ مثل هذه المعلومات التدقيق فيها ؟؟

مالذي يقصد من تويوتا ؟؟


وبالرغم من ردودك اللي بصراحه مدري وش تبي <==< ع بلاطه

الا ان ردود الاخ لحظه وقف كانت جميله جدا وكانت مقنعه للقارئ ولمن اراد معرفة الحقيقه ،،


وماشفت لك أي رد مقنع لآي رد من ردود الاخ لحظه




للمعلوميه لاتعقتد ان صاحب الموضوع مارد عليك يعني انه ماقدر يرد وان حجتك قويه

لكن حبيت ابلغك انه يالله يقدر يدخل النت هالفتره ،، وادعيله ياخوك بالتوفيق




واتمنى وانصح نفسي اولا وانصحك اخوي بدر ولاهانوا الاخوان ترى مالنا اسهم لا في شركة لكزس ولا بي ام


وازيدك من الشعر صندقه على قول الراوي عندنا لكزس بدل الوحده ثنتين


ولاحد يجيني ويقول تبي تعلمنا ان عندكم لكزس .. درينا ،،

لانه يبي يلقى رد لايليق بالكره السعوديه


لكن ذلك توضيح لك مدى اعجابي بلكزس ومدى تعلقي في بي ام ؟؟


يعني تبي تقول انك ركبت لكزس وبي ام ؟؟

حنا بعد ركبنا وعرفنا وعشقنا ،،، لكن لاحد يرد ويقول البي ام خرب بابه وفشلني وكرهته

وياخذ هالنقطه ويذكرها في كل حوار للبي ام ،،


ولكن ناقشو بغرض الفائده لابغرض الفلسفه العمياء

تشكراتي ، ، ،

[لكزس ألترا]

والله يا طرمان تصلح دكتور بالفلسفة ^_^

ردك عجبني وانت والله على حق ...

كل واحد يرد برد تقول يملك شركة لكزس او بي ام ..

او له عداوم بالشركة الثانية .. وبالآخر هو مستهلك ..

والصراااحة توقيعك (( مخووووووووف )) ...

^__*

والسموحة ..

[وليد الخالدي]

اخوي راعي الشاص سجل اعجابي بما سطرت انا اتفق معك بكل ماذكرت

وذكرتني بعض الرديدات بغسان حق شاعر المليون الي يكره المباشره ويحب الترميز عشان يتفلسف براحته

لكن في مثل هذه المواضيع لاينفع فيها الترميز وليس هناك احلى من المباشره

لكزس مازالت توجه الصفعات الواحدة تلو الاخرى

يقولون بان الالمان كانو سباقين في ذلك اقصد نظام الايقاف الالي ,,, سؤالي اين هذا النظام ؟؟,,,,لماذا لم نسمع به من قبل؟؟؟؟,,,,, ولماذا لم يطبق عمليا على سياراتهم!!!!!

عجبا هل هذا النظام اشبه بالولادة المتعسرة للألمان ,,,, كان الله في عونهم

الرجل عندما يصفع آخرا يجب ان تكون الصفعة مدوية ,,,, بحيث تجعل الرجل لايبرح محله

لكزس وجهت الصفعه الاولى وسيتلوها صفعات اخرى فهذه ليست بالصفعة الاخيرة

هذا النظام يجير لسيارة لكزس السباقة في طرح هذا النظام على سيارتها ال 460

فلكزس اختارت المكان (اليابان )
واختارت الزمان (2008)
واختارت المناسبة ( وهي المنافسة على نطاق واسع في استحداث ميزة اغضبت من لايملكها ليهذري بها البعض ويقول انها عيب)

وسالفة الطالب والمعلم لها عدة أجزاء تبدأ طيبة ومحترمة وتنتهي عنيفة ومؤلمة!!!

تحياتي للجميع

[أبوحمزه]

السلام عليكم ورحمة الله
بعد التحية لكل أهل المنتدى وكاتب المقال والقراء الكرام
المشكلة ياخواني ليست بطراز معين أو نوع من أنواع السيارات ولكن انصاف وتقييم لمعشوقتنا الغالية تويوتا أخوكم (وهو أنا) يعمل مشرف مبيعات لدى شركة أحمد صالح وهي الموزع الرئيسي لتويوتا في سورية
وانني معجب بالبي أم منذ الصغر ولكن الحق يقال بأن التويوتا (واللكزس تحديدا) استتطاعت قطع أشواط مضاعفة في ال 5 سنوات الأخيرة ونافست البي ام على عرش الأنظمة وليس المحركات ولكن أشعر أحيانا بأن هناك أيدي خفية في المواصفات التي تأتي الى الشرق الأوسط عموما وهي بثلث مايفترض في غير بلدان وبضعف الأسعار ومن هنا تأتي المقارنة وتحسم الأمور في التقييم وذلك ما يضعف تويوتا عند منازلة غيرها من الفئات وأخيرا جاءت ال 460 وغيرت المفاهيم ولاننكر بأنها بداية اسطورة ولكن لايحق انكار العماقة وآسف على الاطالة وهذا هو سعر ال 460 في سوريا مع قيمة التجيل وأتمنى رؤية ردة فعلكم بعد قراءة السعر ولكم الشكر
719250 ريال سعودي

[أبوحمزه]

سعرها بدون رسوم التسجيل 581000 ريال وأما الرسم المستحق هو 138500

[م ع ي جي إس]

السلام عليكم ورحمة الله و ربركاته
يا شباب ترى الدعوى كلها حديد في حديد و الناس أذواق و على قولة المثل ( لو لم تختلف الآراء لما تبارت السلع ) يعني معليش لكن كل واحد وذوقه لكن الله يهدي البعض قام يتكلم كلام ما له داعي لكن في الأول و الأخير أنت رح تشتري اللي ترتاح معه و يعجبك مواصفاته . يعني كل و نفسه ليه التعصب هذا . في الأخير كل إخوان .
تقبلو مروري