[منبع الأحساس]

السلام عليكم ورحمة الله وبركاته

كيفكم ياحلوين إن شاء الله بخير

يا أخوان أنا رحت للشركة تويوتا علشان باخذ كورولا 2008 أكس إي المطور سعره بـ 61900 ألف ريال
وسألت عن التقسيط قلي الشروط تقريباً الكل يعرفها وأهمها أن لايقل الراتب عن 7000 ألآلف ريال وإلى آخره ..

وطلعت بالتقسيط بـ 81900 الآلف ريال وبدون دفعة أولى وقسطها الشهري بـ 1950 ريال لمدة 42 شهر يعني زيادة 20000 الآلف ريال

والحين قررت بأخذ السيارة لكن بنظام التأجير مع الوعد بالتملك وأبغى أسألكم الله يوفقك

الحين نظام التأجير هل راح يكون لمدة 6 شهور أولا
وهل يكون هناك دفعة أولى ولا لا

يعني مثلاً أنا حسبتها لو دفعت لهم 6000 الف ريال وقسط شهري بـ 1250 ألف راح يطلع 81000 ألف ريال هل راح يوافقون على هذا ولا لا

أتمنى الرد ولكم جزيل الشكر

[منبع الأحساس]

يأخوان ردوا علي

[راكان بن محمد]

هلآ أخوي منبع الأحساس

أعطيك اللي صار معي بالنسبه للـتأجير المنتهي بالتمليك وعلى نفس الفئه اللي بغيت كورلا 2008 1.6 مطور

بالنسبه للشروط ما أعتقد لازم يكون راتبك لايقل عن 7000 ريال

انا دفعة دفعه أولى 11000 ريال
قسط 1300 ريال
دفعه أخيره 20.000 ريال

على 40 شهر

ان شاء الله قدرت افيدك

أخوك

[منبع الأحساس]

بيض الله وجهك يالغالي ومشكور على التوضيح

[راعـي الكورولا]

ان شاء الله

الاخوان يفيدونك

[خفايا انسان]

اسمح لي اخوي لئني ماافهم في هالشغلات

بس بحول موضوعك الى المنتدى العام وان شاء الله يساعدونك

[كول مان]

اخي الكريم مسيك بالخير
بصراحة ما فهمة قصدك...
اذا كنت تبي قسط يناسبك يوجد شركات تأجير كثيره وتناسبك شروطهم
وللعلم توجد شركات الان تقسط الكامري والكورلا واليارس من دون
دفعة اولى وطالما عندك الدفعة الحلوه هذي ومتوفره دفها على كامري
ازين لك...يعني
بالتقريبي وليس الالزام كامري الاستاندر القيمة كاش 69500 دفعه اولى 6000 ريال
الاخيرة13430 القسط 1619.25 لمدة 47شهر يطلع عليك الموتر بعد 4 سنوات
بـ95532.40
وكل ما زادت الدفعة قل القسط المهم مايزيد نسبة القسط عن 30% من اجمالي راتبك.
يعني ان جيت تقلل عدد السنوات عشان ما تزيد ارباحهم السنوية يعيون عليك اذا صار
القسط اعلى من 30% من راتبك ...
اتمنى ان اكون قد وفقة بالشرح واي سؤال انا حاضر.

[كول مان]

نسيت اقولك ترى الدفعة الاخيره حرااااااااااااااااااااااااااااااااااااام
ولا ادري هذا ما سمعت وما احط بذمتي اسئل وتوكل ومبروك مقدم....

[ولهان_جده]

الله ييسر أمرك ويقضي حاجتك