[عطارد]

الاخ العزيز ومشرف القسم / لكزس

ودي اسألك عن لكزس GS300 موديل 2006 ماشي 15 ألف فل ابشن اللون الابيض اللؤلؤي سماوي كم يسوا اذا ما عليك امر ولا يهون باقي الاخوان في المنتدى .

[عطارد]

وينك يا لكزس ؟ أخاف رحت فيه بعد انهيار الاسهم اليوم ...

[لكزس]

هلا اخووووي

واسفين على التاخير

بالنسبة لسعر الجي اس 300 فل اوبشن جديد في حدود 195الف ريال

اما المستعمل وخاصة اللون المرغوب فهو مطلوب وفي حدود 180 الف

لقيت جي اس 430 موديل 2005 بي 180 الف لون اسود

[عطارد]

لكزس GS300 مستعمل بـ 180 ألف حرام عليك أنا معروضة علي بـ 160 ألف نفس المواصفات المذكورة اعلاه

[كودو]

اخوي عطارد انا شاري جي اس بس وكاله 300 فل اوبشن
وقبل فتره رحت المعارض واسعار الجي اس 300 تتراوح ما بين 165 الى 175

[كودو]

طبعآ هذي اسعار المستعمله

[المسـافر]

غاليه اسعارها شوي...

[لكزس]

اخ عطارد معروضة عليك اللكزس بي 160 الف ريال سعر ممتاز بالمرة

بس اهم شيء مواصفات سعودية والا امريكية

[المسـافر]

مواصفات امريكيه ..؟؟؟؟؟
انا اعرف المتوفر من اللكزس بالسوق مواصفات المانيه...

[عطارد]

الكزس المعروضه علي يا طويل العمر وكاله ... يعني سعودية

[لكزس]

اخ ديمون
اللكزس الالماني او الاوروبي قليل جدا في السوق
المتوفر بكثرة هو الامريكي

اخ عطارد
نصيحتي لك قبل الشراء ان تدخلها الوكالة وتكشف عليها عندهم
وتطلب منهم تسعير للسيارة كم تسوى
اتمنى لك التوفيق

[بو سعود]

والله مدري انشالله الاخوان يفيدونك

[عطارد]

قررت بأذن الله اشتري جديدة من الوكالة واشتري دماغي ... بس وش تنصحوني بلون يكون مسكت

[المسـافر]

عندك السماوي فخم ومريح بالنسبه للحرارة والتنظيف .. وبعده الاسود مميز وقوي

[كودو]

بالنسبه لي لون اللؤلؤي ابيض مميز وحلو ويطلع شكل السياره صح
انا ماخذ لون لؤلؤي والحمدلله ماشي وكشخه

[عطارد]

كلام حلو طيب وش رائكم باللون الاخضر الزيتي والداخل بيج ... ؟

[المسـافر]

والله اخوي عطارد ماحب اللون الاخضر ابدا واحس انه لون عادي .....
الاسود مو كثير على الجي اس... والسماوي جديد على الجي اس ... والابيض حلو بس منتشر على الجي اس

[عطارد]

أخوي ديمون والله السماوي حلو بس في النهار مال امه داعي منتشر بكثرة والا وش رأئك ترا يهمني أحسن انك ذويق الوان ...