[مستر بلاك]

السلام عليكم ورحمة الله وبركاته
كيف الحال يا أصحاب الأميرات وكيف أميراتكم

المهم نبدي بالموضوع
المشكله مو بس في اللون الأسود هي تصير في كل الألوان لكن تكون بارزه في اللون الأسود خصوصا

وتكون واضحه

المشكله هي الدوائر اللي تطع في البودي بعد كم غسلة تشوف مثل الدوائر في البوية وتكون واضحة وقت الظهرية إذا

جت اشعة الشمس عليها أو في الليل إذا انعكس عليها ضوء وهي كريه تخرب لون السيارة وتشوهه

وأنا في هالموضوع أبغي أعرف أسباب ظهورها وما هي طريقة التخلص منها

وأعتقد مو بس أنا أعاني معظم اللي ألوانهم غامقة يعانوا منها

وأتمنى الإفاده تعم للي مايعرف يتعامل مع هذا الشي

تحياتي يا أعضاء تويوتا العربية

[رااح الامل]

والله مادري صراحه

اصحاب اللون الاسود يفيدونك :d

السموحه

[مستر بلاك]

يعطيك العافية أخوي راح الأمل على ردك الصاروخ
وهذا الشي موجود بكل الألوان لكن في الألوان الفاتحة لازم تدقق وتوش كل شي
ننتظر الباقي

[شادي س س]

اخوي الدوائر هذي بسب غسيل السيارة لأن يوجد على البودي ذرات رمل او غبار مع حركة اليد اثناء

الغسيل تتجرح البوية و تظهر الخطوط .

لاكن نصيحتي لك في طبقة شمعية توضع البودي تجدها عند زيبارت او سولر قارد .

تحياتي

[ممنوع الدخول]

زي ما قال شادي س س في مادة شمعية تمنع

ونصيحة لك دور فوطة ناعمة عشان تمنع الدوائر

وكل 6 اشهر او سنه عطها بولش ناعم

[مستر بلاك]

مشكوورين أخواني على الإفادة
وبالنسبة للطبقة الشمعة اللي من زيبارت أتوقع أنهم يحطونها
فقط على الواجهية وأتوقع شويه من الكبوت
فهل أقدر أخليهم يحطونهه على السيارة كلها

[الــمــجــروووح]

ولا يهون اخوي شادي

طال عمرك الحل عندي بحكم اني نفس لونك

اتبع الخطوات الاتيه

1- روح لاي محل تلميع ومحل تعرفه وخليه يحطلك الماده الشمعيه (طبعا هيا ماده شفافه توضع على السياره ومتبان لها فوائد انها تزيد من قوة اللون وبذات الاسود وتزيد من اللمعه وتحمي لون السساره من انو يفصخ من الشمس
وسلبيتها انا تجمع الغبار على السياره بكثره
طبعا الماده لازم تسويها كل بعد ستة اشهر والاسعار من 200-500 حسب المحل وجودتو))


2- طريقة الغسيل اشتريلك شمبو جونسن لادموع بعد اليوم للطفال وخلي الغسال يغسل به بدل الفيري وذا لازم الامر خليه يحط شويا بس فيري اما الباقي بالشمبو


- اول شي يسوي هواء للسياره من الداخل والخارج بعدين يرش المويه ويغسللها تمام الين يخرج منها كل شي

وبعدها يبدا ينظف بالشمبو كامل السياره وبعد كدا يرش عليها مويه وخلي يرش تمام يشيل الصابون كلو الي على السياره وبذات الي تحت عند الكفرات ولابواب وبعدها يبدا ينشف بمنشفه نظيفه خليه يغسلها قبل لايمسح فيها



ملاحظة يوم يمسح بالشامبو يمسح بسفنجه نظيفه لاتكون فيها ذرات الغبار عشان لايخدش البودي


واي خدمه انا حاضر

[العتيبي عبووود]

كفا ووفا المجرووح


وانشالله بنجرب شامبو جونسون

[دقات قلب]

ما شاء الله تبارك الله

موضوع اثلج صدري ..

بسبب تكاتف الأعضاء

الله لا يغير علينا ,,

هذا ما احببت ان اشارك به

شكرا للجميع

[جاسم اوريون]

الله يساعدك ياللي عندك سياره لونها اسود

[العتيبي 511]

الله يعينك على اللون الاسود

[أوريون الطائف]

انشاءالله انهم افادوك الشباب

[الاخوه]

انا ماعندي لون اسود بس اخوي عنده وانا لاحضت بس التويوتا يكون جذي اللون الاسود عكس المرسيدس او اللكزس او الالتيما او اي سياره ثانيه؟؟

[احمد اورين]

اخوي عندي ملا حظه اشتر لك سفنجه خاصه لسياره ناعمه على البودي

[..:: ستيشن ::..]

الله يعينك ويعينني على اللون الأسود

[مستر بلاك]

الشكر جزيل الشكرلكل الإخوان اللي ردو على الموضوع وهاذا هو اللي كنت متوقعنه منكم حبايبي قلبي
وأنا قبل ما أشتري السيارة أدري الأسود بتعبني لكن الأوسود دخل بالي بالقوة وهو ملك الألوان

وشكر خاص لأخوي المجروووح وكنت أنتظر منك رد بصراحة بما أن أميرتك سوده الله يخليك ويحفظها انشالله
وحبيت أسألك عن هذي المادة هل ليهه مضار غير أنها تجمع غباريعني هل تأثر على الون بعد الإزاله وهل اتبين أنه في طبقة على البودي
وهل لين حطيتهه ماتشوف الدوائر ؟؟؟؟ وآسف على الأسئلة الكثيرة وكفيت ووفيت حبيبي
تحياتي