دايم اسمع قطع غيار تويوتا رخيصة وبتراب الفلوس والظاهر انها اغلى من قطع الالماني

[مشاري الـحـربـي]

السلام عليكم ورحمة الله وبركاته

كيفكم ياشيوخ الربع

ابقولكم سالفة جميلة جدااااا حصلت لي


انا اخوي يالربع عسكري وحصلت عنده دوره عسكرية فطبعا عطاني مفتاح سيارته نوعها كامري موديل رقما 2010 كتابتا الفين ودسعه

المهم قالي انا بخلي الموتر عندك وحركه ورح عليه وانتبه له ترى والله ان صار له شي لاامغطك الين ماتعض الارض طبعا اخوي جاه خويه وروحو صوب الشرقية من شان الدورة العسكرية الجميلة



المهم قلت من قدددددي كامري 2010 وسوناتا 2009 بهايط عند الشعب المهم


انا فيني طبع من يوم ماتعلمت السواقة اللفة والتقاطعات ماخذها الا بجلنط عشان ماتخرب الدوده حقت الدرسكون من كثر اللفات ههه عذر جميل جدا


المهم انا الكامري الشكل الجديد اركبها بس ماعمري سقتها ياحياة الشقا المهم سويت فيها الحركه ذي اخوي



كان عنده رمان الكفر مدري الفلنجه يعورها راسها المهم واروح لحي الجزيرة في السلي يالربع واسوي الحركات هاذي وانواع الجلنطات ههههههههه


المهم لحقني واحد معه ددسن قلت الزبنه ياشيخ لا والله بنمغط مغطا جميل الا حدني ووقفني قال يابو الكفر الخلفي يهززز انتبه لاينكسر فيك المهم


واروح لاااقرب بنشر بحي السعاده بالرياض تابع للسلي قالي الرمان حق الفلنقه خربان باللهجه اليمينة قلت ياحياة الشقا ياشيخ


واورح لصناعيه النسيم قطع تويوتا قلت بس الحمدلله ان قطع تويوتا رخيصة



قلت ابي فلنجه كاملة كامري قال 630 قلت هااااه قال الفلبيني ستوميه تلاتين انتا مافي اسمع المهم ورحت للصرافة وسحبتها من مكافئتي وركبتها ب 30 ريال عند اخواننا السودانين اللي في دخله الصناعيه




ياعيال يشهد الله علي اني ماكذبت عليكم اني مغيرها للسوناتا حقتي ب 250 من محل المنصوري قبل 3 شهور والسبب الحركه ذي حقت الجلنطات


هي وحده من الثنتين

1 يااا ان الفلبيني يضحك علي يوم شافني مرتبك وبغيت ابتسي عنده





2- يااا ان قطع تويوتا مهي رخيصة




620 ريال ااااااااه يكد فيها الرجال ليله ونهاره ونهايتها تروح على شوية جلنطات صغيرة جدا ههههههه ************ هذا العضو ذبحه البخل

[عاشق سيارته]

اول شي ان شاء الله يكون درس عشان ماعاد تسحب جلنطات

ثاني شي قطع تويوتا من زمان رخيصة لكن هالاسبوعين نقزت نقزة هائلة في دول اسيا ولانعلم ماهو السبب

عالعموم ان شاء الله انها تنخفض

تحياتي

[كمووووره]

ماشاءالله عليك جلنطات والموتر جديد
عطني رقم أخوك خلني أعلمه ههههههههه

[فيصل السعدون]

أسعار القطع زادت أكثر من مرة خلال السنة والنصف الماضية


أول كانت رخيصة الآن بعض القطع مثل أسعار المنافسين ويمكن أغلى

[الميت...]

فلتر هواء المكينه بمية ريال
قطعة قماش

[كورولا البلوي]

لعلمك اقمشة الكامري الاماميه وصلت تقريبا 500 الان , واقمشة البي ام دبليو الفئه السابعه الاماميه 2008 بـ 390
شي طبيعي ومن زمان اقولها قطع غيار تويوتا ماهي رخيصه , وان كان احد يقول رخيصه فااكيد احنا نضحك علي بعض

علي العموم حاول تحافض علي السياره والجلنطات مامنها فايده
وعسي الله يعين جميع ملاك تويوتا
تحياتي

[$$البرنس$$]

ابي رقم اخوك ابكمه يتوسط لي دوره ههههههههههههههههه

المهم تويوتا الاونه الاخيره ارتفعت بسعر اكثر من السوق

ولكن لايوجد مراقب

[لحظه بس]

غيرت مساعد واحد بس من الاربعه ب460
بينما بنصف السعر موجود للسوناتا !!
والله الصراحه ان التويوتا تغيرت

[شرقـاوي]

يا رجال الاول عندي مرسدس والحين اوريون

ما احس فيه فرق بالاسعار والله

[الحربي ننننن]

القطع والله تويوتا نار الحين انا قبل كم يوم طار علي الصدام الخلفي مع الفيبر والحسسات طبعا هو من اول مهو مثبت مزبوط ومكسر
رحت اشتريت القطع والله 2100 ريال

[كامري وردي]

أجل يازين الاماني

[صـدى الآهـات]

كل شي غلي مو بس القطع الله يعين بس

[محمد العبدلي]

يا ليت يرجع زمان اول
تويوتا للزمن والباقي رقود
ربع تسعة شكل اول
لك وللزمن على راس النفود

احم احم صح لسانك ^^^^ اخص يا ابن فطيس ههههههه

[كامري أبيض]

والله الاسعار صراحه ارتفعت وخصوصا اسعار الوكاله

لكن فيه قطع متوفره بالسوق حلوه ورخيصه مثل المساعدات سعرها بالوكاله 460 وموجوده بالسوق على 150

[ABO REEM]

يعني ما نشتري من تويوتا خلاص ؟

ما بقى من تويوتا إلا الجيوب ما زالت في القمة

[اختلاف العقول]

وانا اقول الوضع متدهور

[كموررررررتي]

ايه فايدة الناس اللي هنا الي يقولوا اسعارها رخيصة

اسعار قطع تويوتا نفس قطع السيارات التانية هذا اذا ما كانت أغلى

المشاركة الأصلية كتبت بواسطة كامري أبيض

والله الاسعار صراحه ارتفعت وخصوصا اسعار الوكاله

لكن فيه قطع متوفره بالسوق حلوه ورخيصه مثل المساعدات سعرها بالوكاله 460 وموجوده بالسوق على 150

مين قالك سعرو كدا ؟

أخويا عندو كامري 2004 تخيلوا يا جماعة شاري مساعدات من الوكالة سعرها 1800 ريال وعليها كم ريالات هدا بعد الخصم

والي حابب يتاكد يروح اليوم ويسأل


احسن من الهرج الي ما يفيد

[ABO REEM]

المشاركة الأصلية كتبت بواسطة كامري أبيض

والله الاسعار صراحه ارتفعت وخصوصا اسعار الوكاله

لكن فيه قطع متوفره بالسوق حلوه ورخيصه مثل المساعدات سعرها بالوكاله 460 وموجوده بالسوق على 150

هذا سعر الأصلي ؟

[sloomee]

^^


هذا سعر الماليزي ..



عاد تصدق يوم رحت اسال عن صدام الايكو , قالي الامامي و الخلفي بي 2000 و شوي .. 0_0


و صادق و الله الاسعار صارت نار ...

[ABO REEM]

المشاركة الأصلية كتبت بواسطة sloomee

^^


هذا سعر الماليزي ..



عاد تصدق يوم رحت اسال عن صدام الايكو , قالي الامامي و الخلفي بي 2000 و شوي .. 0_0


و صادق و الله الاسعار صارت نار ...

طيب الماليزي هذا أصلي ؟