[بو^^جاسم]

السلام عليكم و رحمة الله و بركاته ..

أكيد راح تستغربون شوي من الصورة إلي بحطها لـــــكم ،، لأنها خطيرة و مميتة بنفس الوقت ..

لكن مع الجي أس تحس إنك دايم بتطير و تسرع و بتشوف ليه وين راح يوصل العداد ..

تسارع + أمان + توازن + ثبات

نشوف الصورة ، و كانت تقريبا من بعد السيرفس الأول ..

شباب تــكفون لحد يسوي هالحركة ..

[ليكزي]

يـــــا ســــــــا تـــــــــــــــــر ..
عاد هذه شكلها فوتوشوب خخخخ (اتغشمر) ..
شكلك فصلت القفل الي على 250 كلم/ساعة صح ؟!
انا ياخوك مرة وحدة (واعتقد بانها الأخيرة) اللي اوصل فيها لسرعة 250 كلم/ساعة وكان هالكلام بعد السيرفس الأول مثلك ايضا.. بس مب انا اللي كان يسوق بل رفيجي/صديقي لما خليته يجرب الموتر (لاني انا ماقدر استحمل صراحة وتصيديني رهبة وخوف واحس انه قلبي بيطير حقيقة غير اني مب راعي دعس وخطوط اصلا وفي حياتي ما عديت سرعة 160) ..

لكن ما شاء الله .. لا الاه الا الله .. عيني عليها باردة .. صادق والله ..
السيارة كانت ثابتة وراسية ومتماسكة واعتقدت ان صديقي يمشي 160 بالكثير وليس 250 ..
و مثل ما قلت، فعلا الـ GS بدعستها الخفيفة وقومتها القوية دايما تشجعك وتحمسك على السرعة والدعس و (التهور) .. لكن الله ستر علي من حوادث كثيرة (الحمد لله) .. لكن ما انصح بالسرعة ابدا .. و (مفاجأت الطريق والسرعة والسيارة ) ما ترحم ولا تعرفك ..

والله يسلم ويحفظ ويعيين الجميع .. ارواكم وحياتكم وسلامتكم غالية يا شباب وهم فوق كل اعتبار فلا تهدروهم وتفرطوا بهم في طيشة سرعة (ما تسوى ابد) .. كفى يا شباب ، يكفينا اللي مضى واللي فينا .. والله يكافينا شر الحوادث ..

يلا بنمشيه لك هالمرة أخوي (راعي الموضوع)، لكن لا تعيدها المرة الجاية - الله يخليك و يرضى عليك -

تحياتي
ليكزي

[بو^^جاسم]

ألف شكر أخوي ليكزي على المشاركة الجميلة ، و أشكرك على النصيحة ..

و بالنسبة للسرعة ،، هههههههه كانت فوق ال 260 ،، العداد مفتوح و ما في أي قفل ..

شباب بالفعل ، السرعة كانت جنونية ، مع وجود شعور بسيط بالإثارة ..

و طبعا هذي أول و آخر مرة ، السرعة القصوى فقط 160 كلم فقط !!

[ل ك س]

ماانصحك بالسرعة ابداً خاصة داخل المدينة المفأجات كثير ممكن الشارع يكون حفر ، ممكن مطب ممكن ، تحويلات غير مضاءة ، ممكن واحد من الخدمة يجيب العيد معاك .

افضل شيء خارج المدينة وعلى خط متسواي بزفلته ممتازة بس بدون ماتستمر على نفس السرعة 260 بصراحة جنونية .

انا بغيت اجيب العيد بسيارتي وانا ماشيء 180كم/ساعة وكنت مولع السكن بدون الكشفات ورميت السيارة على 180 شطفت الرصيف وقلت لاإله إلا الله خلاص انتهينا لكن بفضل الله ثم نظام Vsa انقذني الله من موت محقق 100% .

فنرجوا الإنتباه إذا كنت ماتغلي نفسك فأكيد هناك من يعزك ويغليك .

[كااااامري اس اي]

ماشاء الله تبارك الله

بهذي السرعة وتقول ثابتة أنا بالكامري بعد ال 180 أحس السيارة كأنها ورقة

تحياتي...

[ملك الأميرة]

ما شاء الله تبارك الله


توها ماشيه 2477 كيلو وهذا ممشاها

والثبات فأكيد اسمها بس راح يشفع لها من هالناحية

الله يعطيك خيرها ويكفيك شرها

[عاشـــق اللاند]

صراحه موتر قوي بس الصوره مو طالعه عندي بالنسبه للاخ كامري se انا بالكامري اللي عندي انزل فوق ال180 واهد السكان اقسم بالله ثبااااات

[مخـ الليل ـاوي]

وش فيكم اللي يقول جربتها مره وحده واللي 160 فقط !!!!!!!
اللي مغليها مكينتها
واذا جيت تسرع رح لشارع سفر مثل الملك خالد ولا القصيم بس القصي انواع الرادارات
ودويس
انا خلوني اشتري وحده ان شاء الله
اللي يخبر وحده للبيع يخبيروني لاهنتو

[م ع ي جي إس]

بو^^جاســـــــــــم , إرحم نفسك يا إخوي ترى والله السيارات ما ترحم لو لا قدر الله يضرب عليك كفر و أنت ماشي كذا وربي ما يوقفك شي (الله يستر عليك دنيا و آخره ) .
يا شبـــــــــــاب لا تسوون مثل ذا الحركات اللي أحس إنها مالها داعي سرعه وتهور , أنا إذا أسرعت بقووه 140 150 بالكثير لا و قلبي بين رجولي . بعدين ويش الفايده أقلها تحصل مخالفه ولا مخالفه و حجز . إنتبهوا من السرعه .
أخ مخــ الليل ـــــاوي روح للوكاله قسم السيارات المستعمله يمكن تحصل لك حاجه حلووه أو معارض النسيم .
تقبلوا مروري

[أدولف هتلر]

انا انصح بعدم السرعه و الله موراهم الا الحوادث و الاعاقات
ولكم تحياتي

[سابق]

لو راكب رولس رويس

السرعة مو زينة واقل موقف ممكن تروح في خبر كان


تقبل مروري

برب

[كااااامري اس اي]

المشاركة الأصلية كتبت بواسطة عاشـــق الاند

صراحه موتر قوي بس الصوره مو طالعه عندي بالنسبه للاخ كامري se انا بالكامري اللي عندي انزل فوق ال180 واهد السكان اقسم بالله ثبااااات

كلامك صحيح أخوي عاشق الاند بن أنا قصدي

أنه تحس اذا جاتك علبة بيبسي راح تقلبها من

خفة وزن السيارة

[عاشق لكزس..]

انا بصراحه ماعديت 200 ********بس احس بثباات ماشاء الله


ولا أنصح احد يسرع ,,,

[كلتش ريس]

السرعه جميله لكنها قاتله

لان جسم الانسان طري جدا وعظمه هش يتكسر بسرعه حتى لو كان اقوى رجل في العالم بيموت من السرعه في اقل من ثانيه لو اصطدم مع شي وتكسر راسه وطلع مخه الي كانه محلبيه

[كامري مجنونة]

خسارة لو إنك في المدينة كان أو جدة كان نفسي أطارحك

المهم

السرعة مالها داعي <***** مسوي نصايح هو ووجهه هع هع

يسلمووو

والله يعطيك خيرها ويكفيك شرها

[حــــمــــوودي]

خيووو فيه شي غريب .. عند اخوي يوم وصل 260 وتقريبا 265 اشوف امبير الظغط بعيد شوي عن الأحمر

لكن اللي عندك قريب ؟؟؟؟ ومو تفهم غلط اني اكذبك هاااه بس شي استغربته ؟؟ على العموم تحياتي لك

وربي يعطيك خيرها ويكفيك شرها وصدقني بجد هالسياره رووعه في رساوتها وفيه سرعتها وفي كل شي

تحيااتي لك