[رعودي]

عندما ذهبت الى المعارض والصالات وجدت عدد كبير من السيارات اللكزس الامريكية( الالترا )
وعندما قارنت مواصفاتها بالخليجي وجدت انها افضل ومع ذلك فان اصحاب المعارض لا يرغبونها وكذلك اغلب الزبائن
وعندما سالتهم لماذا ؟؟؟؟؟
قالوا بان قطعها غير متوفرة وصعب تحصلها !!!!!
طيب .... ماهي القطع الغير متوفرة بالسعودية او اي دولة خليجية
والتي تجعل الناس وبأ غلبية ( وانا اقول هنا بأ غلبية ولم اقل الكل )
يكرهون الامريكي بالرغم ان مواصفات الا لترا فخمة وحلوة مرررررة مقارنة بالخليجي
والمثال مقارنة الترا 2001 امريكي مع 2001 خليجي

اسمحوا لي على الاطالة ولكن وجدت سيارات كثيرة وباسعار ارخص من الخليجي وحبيت ان اشتري ولكن ما خاب من استشار فمن لديه الفائدة فاليدلو بدلوة ولكم جزيل الشكر

انا محتار اشتري الالترا ( الامريكي) والا اشتري الخليجي وما هي سلبيات الامريكي تكفوووووون الحقوني فانا .......... بدون تعليق صرت ما افهم خخخخخخ

[لكزس ألترا]

أخوي رعودي ..

أنا عندي لكزس 430 موديل 2002 ألترا تقريبا من 8 شهوووور ...

والله مواصفات أحسن وأروووع من الخليجي ولا بيوم شكيت منه ...

وقبل شهرين دخلته كراج متخصص عدنا بالإمارات وحطيت له 5000 ريال ...

سيرفر كاااامل منها تبديل التايمر والسفايف والجامبينات وغيرها ..... وكلها قطع غيار للخليجي ...

فـ نصيحة من اخوك (( لكزس ألترا )) ^_^ .. عليك بالألترا تراه الأفضل ..

والسموووووحة ...

[هويشان]

اذا ما بيفرق معك المبلغ، إتكل على الله وخذ ألترا.

[رعودي]

مشكووووور لكزس الترا والله حمستني اشتري الالترا بس وش رايك في قطع الغيار الميكانيكية والكهربائية هل القطع الخليجية تركب والا لا

مشكوووووووور هويشان

[لكزس ألترا]

المشاركة الأصلية كتبت بواسطة رعودي

مشكووووور لكزس الترا والله حمستني اشتري الالترا بس وش رايك في قطع الغيار الميكانيكية والكهربائية هل القطع الخليجية تركب والا لا

مشكوووووووور هويشان

هييه نعم يا خوي تركيب عليه ..

وهذا موتري ^_^

[بوندقا]

الله يوفقك اخوي والشباب يفيدووك ومبروك مقدماا

[رعودي]

اذا احد ممكن يفيدنا اكثر اتمنى المشاركة لا هنتم

[حبوب ابوظبي]

تبا نصيحيتي خذ خليجي حتي لو اغلي لا يغرك الوارد و السعر

[عبدالله بن شامر]

ياجماعة الخير القطع نفسها
وانا عندي لكزس استخدام امريكي 2003 نفس قطع السعوووودي

[عاشق البي إم]

نصيحتي لك خذلك خليجي ترى الامريكي اعطالة كثيرة لاتغرك مواصفاتها

[حبوب ابوظبي]

ما تركب قطع الغيار الخليجي علي الوارد
صدقني اخوي رعودي خذ نصيحيتي

خذ خليحي وريح راسك من عوار الراس انته ناقص مشاكل في الحياة كفاية الغلاء في الطحين والارز

[مرتاح البال]

تبا نصيحتي خذلك خليجي افضلك
انا كانت عندي لكزي موديل 2004
بعته خذتلي خليجي موديل 2005 والحمدلله مرتاح نفسيا
المكيف كل ما اعدل فيه يرجع يحر مره ثانيه ماعرفت شو السالفه
الخريطه مابتشتغل عندك لانها امريكي الى بسيدي اتبرمجه
وعندك الهيروليك الله بعبنك عليه لانه ماشي منه بالخليجي
والوكاله ما تستقبل الوارد وعند البيع رغبته ليست نفس الخليجي
واعتقد بعض القطع الميكانيكيه تفرق والله اعلم

وانت عقلك في راسك تعرف خلاصك

والله يوفقك بالشي الطيب

[حبوب ابوظبي]

خذ خليجي وانته مغمض وما عليك من المرجفين الي يطبلون و يزمرون للوراد