[بيتروف]

السلام عليكم ورحمة الله وبركاته


شباب انا عندي مشكلة في موتري الاوريون موديل 2007
امس الفليل بغيت اشغل الموتر بس ماشتغل وطلعتلي على الشاشة الصغيرة جملة VSC system

واضاءة العداد كانت ضعيفة وايد ويوم كنت ادق عالزر يدق سلف خفيف بس مايشتغل
ويوم كنت اشتغل الليت الاصفر مب الزينون كانت الاضاءة تطفي كلها

طبعا يوم كنت ادق عالزر في البداية عشان تشتغل انوار العدادات في الطبلون كنت ضعيفة

قلت يمكن من البطارية

وصلت بطارية من موارتنا في البيت بس ماشتغلت
واخر شي وصلت من بطارية افالون 2008 وبعدة محاولات دامت 10 دقايق اشتغل الموتر والحمدالله
خليت الموتر شغال 5 دقايق
وطفيته مرة ثانية ورديت اشغله بس ماشتغل
يعني لازم اوصله على بطارية الافالون

طبعا يوم كنت اوصله في بطارية المواتر الثانية كانت تشتغل الليتات بشكل سليم والعدادات اضائتها قوية لكن يوم افصل البطارية تخفت الاضاءة

طبعا شباب موتري ماكمل سنة وباقي شهر عشان يكمل سنة فهل العيب في البطارية
انزين لو في البطارية كيف فضت بهالسرعة لاني قبل لا اشغلها كنت طالع فيها مشوار الساعة 9 وبندتها 9 ونص والساعة 11 شغلتها وماشتغلت
طبعا انا مانسيت شي شغال وكل الليتات مبندة
ولو كانت البطارية مفضية في البداية ليش ماشتغلت المرة الثانية عقب ماشتغلت المرة الاولى بعد توصيلها بالافالون

ولو فيها عيب ثاني هل يشملها الضمان لاني كنت اغير الايل في محطات البترول بس صيانة 1000 وال20000 في الوكالة
وطبعا الموتر الحين كمل 37000

افيدوني جزاكم الله خير

[بوهاجــوس]

انشاءالله تلقة الحل

[بلحروووز]

والله ما اقدر افيدك كثير بالشغلة هذه و احتمال تكون البطارية ضعفت

واللي اعرفه انو البطارية باول سنة تشمل الضمان يعني

قبل ما تكمل سنة و البطارية خربت يبدلوها لك مجانا او انك تدفع نص القيمة ..

عالعموم الاخوان راح يفيدونك اكثر

تحياتي

[الــمــجــروووح]

مالك الا الوكاله توديها لهم لسى السياره على الضمان فوديها اظمن لك

شغلها ببطارية حقت الافلون ولاتوقف الا بالوكاله

وان شاء الله بسيطه

[بيتروف]

مشكورين عالردود وانتظر باقي الاعضاء

[العتيبي عبووود]

رح للوكاله وهم يتصرفون معاااك ويشوفون شنو المشكله

[دقات قلب]

سلامات اخوي ..

رأي توديها على الوكالة ..

وان شاء الله تتغيير على الضمان

وانت على مشارف صيانة 40 الف انصحك بالصيانة بالوكالة لأنها مهمة جداً

بإنتظار ردك

[رااح الامل]

روح الوكاله افضل لك

++

خارج الموضوع

دقات القلب صيانه 40 شنو تشمل

لاني باقي حوالي 1000 كيلو وتدخل ال 40

ويعطيكم العافيه

[><><]

الشغله بسيط جدا هذي من البطاريه
انا صار معي نفس الحركه في اول يوم استلمها من الوكاله
حتى او هي في المستودع ما رضت تشتغل الا بشتراك

وديتها الوكاله او غيرو البطاريه على الضمان بس حطولي بطريه حي الله من ذوالتعبيه


بس 8 شهور او رجعت فضة مره ثاني او نفس الشي وديته لهم او غير وه على الضمان

[دقات قلب]

المشاركة الأصلية كتبت بواسطة رااح الامل

روح الوكاله افضل لك

++

خارج الموضوع

دقات القلب صيانه 40 شنو تشمل

لاني باقي حوالي 1000 كيلو وتدخل ال 40

ويعطيكم العافيه

هذه الصيانة مهمة للجميع ..

راح يتم تغيير القطع الاستهلاكية مثل الفحمات وغيرها

بالإضافة إلى عمل تربيط كامل للسيارة من اسفل ..

تغيير فلاتر واشياء اخرى

وتغيير لزيوت الجير ان احتاجت تغيير والكثير .. لا تحضرني الآن

تقدر تمر على الوكالة وتسألهم .. تكلفتها الاجمالية كحد أعلى 1400 ريال

[بلو جراندي]

أنا اعتقد أنك يحتاج تبدل البطارية بس... لا تخاف... هذا شي عادي يصير في كل السيارات...

[أوريون الطائف]

مشكور اخوي وتقبل مروري

تحيـــــــــــــــــــــــاتي

[رااح الامل]

المشاركة الأصلية كتبت بواسطة دقات قلب

هذه الصيانة مهمة للجميع ..

راح يتم تغيير القطع الاستهلاكية مثل الفحمات وغيرها

بالإضافة إلى عمل تربيط كامل للسيارة من اسفل ..

تغيير فلاتر واشياء اخرى

وتغيير لزيوت الجير ان احتاجت تغيير والكثير .. لا تحضرني الآن

تقدر تمر على الوكالة وتسألهم .. تكلفتها الاجمالية كحد أعلى 1400 ريال

يعطيك العافيه

وباجر بروح اسألهم

مااقصرت

[عاشـــق اللاند]

اخوي الحل الوحيد انك توديها للشركه والله يكون في عونك

[جاسم اوريون]

الوكال افضل مكان لحل الشاكل

[بيتروف]

مشكورين اخواني عالردود

اليوم وديت الموتر وقالولي يمكن من البطارية وبيغيرونها عالضمان
وقلتلهم عن مشكلة ثانية وهي يوم اغسل الموتر يدخل ماي داخل الليت بيستوي عليه مثل البخار وقال بيعدلونه عالضمان وقالو بيسوون من الحين صيانة ال40 الف وتكلفني 1000 درهم

ومشكورين مرة ثانية