[الحــل الصعب]

السلام عليكم ورحمة الله وبركاته

في البدايه اهنيكم على هالاميره الاوريون وصدق من سماها اميره

يا شباب ابي رايكم وابي ادردش معكم بالموضوع هذا وتساعدوني بحيرتي

انا عندي هيونداي ازيرا 2007 طبعاً فل اوبشن ( جلد . فتحه . 6 سيديات Mp3 . مكيف الكتروني منفصل التحكم بخاصيه تنقية الهواء الداخلي . ستاره خلفيه . 12 ايرباق . زينون Hid بتشغيل اوتو . مكيف خلفي . جنوط 17 وكفرات 235 . انظمة سلامه Ba, Abs, Esp, Edp, Tcs, Cvvt . عدادات اوبتترون مع شاشة معلومات . ذاكرة مقاعد . مقاعد كهربائيه . دركسون بتعديل كهربائي . زجاج عازل من المصنع . مرايات صفط . مثبت سرعه . تحكم من الدركسون . وغيره بس مابي اطول عليكم )


بس طفشاااااان منها الحين وودي ابيعها وابدلها بالاكورد والسبب الناس طفشوني وربي قرفت من السياره بسببهم ( كوري وكوري وكاشخ بكوري ) والله مع اني ما امدحها او افاخر فيها عندهم بس من جد حطموووني وماتسوى على اقساط واخرتها شماته في شماته والشي الثاني اصوات الديكور اللي فيها

المميزات اللي عاجبتني فيها الرساوه العاليه هاديه مره وناعمه في السواقه والثقل اللي فيها وماشيه معي تمام الى الآن 20 الف

ودي اخذ اوريون قراندي بدون شاشه

وش رايكم ؟؟

يقولون الاوريون قويه هل هي اقوى من الازيرا ؟؟ وكيف صرفية البنزين ؟؟؟

للي عنده خبره بنظام التأجير انا سيارتي انسامت على الطاير بـ 63 الف وناس يقولو تجيب اكثر لو افترضنا بعتها بـ 65 الف وحطيتها مقدم للاوريون كم بيصير القسط علي شهرياً لأن عندي قسط حالياً 1700 ريال ؟؟

في ناس يقولو الاوريون مو هاديه على الخط وفيها تنسيم واصوات بالديكور كأنهم نصبو علي بس ايش رايكم ؟؟

انتظركم

[العتيبي عبووود]

مرحبا فيك اخوي

بالنسبه للأوريون فهي سياره ما عليها بس لك عليها بصوت الديكورات اما صرفيه البانزين فهي حسب استعمالك ولكن بالنسبه للرساوه فهي راسيه جدا وممتازه عند المنعطفات وكل شي

اما بالنسبه للأقصاد ومادري شنو ما اقدر افيدك فيها

تقبل مروري

[امير الاوريون]

اصراحع اخوي الاوريون حلوااا فضيعه

انا عندي اوريون راسيه وحلوه اما الازيرا ماجربتها

وماتصرف بنزين

سيووووو

[بلحروووز]

والله الاوريون انا ماخذها عن قناعة تاااااامة .. و ماشاء الله راااااااسية بالخطوط

و سيارة عملية و حقت كرف و التويوتا معروفة بالشئ هذا

و ماشاء الله الازيرا فيها مواصفت خيالية و رائع بس القهر انها كوري

و بالنسبة للاقساط انا ما عندي خبره ابدا

تحياتي

[جاسم اوريون]

الاوريون وبسسسسسسسس

[اوريون الشرقية]

عزيزي انا مجرب الازيرا وماتقارن ابدا بالاوريون الي يميز الازيرا العزل الصوتي والراحة افضل من الاوريون ,,,,

المميزات اللي عاجبتني فيها الرساوه العاليه هاديه مره وناعمه في السواقه والثقل اللي فيها وماشيه معي تمام الى الآن 20 الف

ابشرك الاوريون اقوى وارسى الف مرة من الازيرا وبريكاتها اقوى,,,,,

واي مقارنة بين السيارتين انا حاضر لاني سايقهم جدد,,,,,

[ملك الأميرة]

الموضوع يرجع لقناعتك الشخصيه بالاول

اما القوة الاوريون اقووى والصرفيه حسب رجلك

اما نظام التأجير ما عندي علم عنه


اما الهدوء فمالها صوت بالنسبه للمكينه
اما صوت الهوا فأتوقع إنه عادي وأكثر السيارات اللي في فئتها مثلها
ومن ناحية صوت الديكور فهو موجود صوت في ديكور القير وفيه وهذا وجد له حل ويررروح


ونصيحه حاول تشوف احد تعرفه معاه اوريون وجربها اول ولا انت خسران شي

[عاشـــق اللاند]

اخي الكريم الاوريون مكينته قويه واقتصاديه ووثابته على السرعات العاليه وبالمنعطفات راسيه

[ابــو عبداللـه]

حياك الله اخوي بالنسبه للمواصفات انشاءالله فادوك الشباب اما الاقساط فا طريقتها كالاتي
الاوريون القراند بدون شاشه بمية الف الان اذا دفعت 65 الف يبقى 35 الف كل بنك له نسبة فايده ياخذها على كل سنه نضرب مثال الراجحي اعتقد ياخذ نسبة سبعه بالميه على كل سنه السبعه بالميه تضرب في 35 الف يطلع عندك الفين واربع ميه وخمسين ها المبلغ هذا يضاف على كل سنه من التقصيد يعني مثلا اربع سنوات اربع سنوات في 2450 يطلع 9800 ها المبلغ يضاف الى 35 الف ويصير 44800 ها المبلغ يقسم على الاربع سنوات ويطلع عندك القصد 933 شهريا وكذا العمليه اذا زادت السنين زادت الفايده واذا نقصت السنين قلت الفايده
اتمنى اني اكون افتدك ويكون الشرح واضح وهذي المعلومات الي عندي اتمنى ماتكون خطاء انشاءالله

[احلى امير]

بصراحه اخوي


مشكلة الاوريون في الاصوات الداخليه من الديكور


الله يعينك



تبغى نصيحتي


الي يقولك كوري وجاعص فيها ترا هذا حاقد وما يبيلك الخير


نصيحه مني لا تصاحب الاشكال ذي


لانه يبي يحطمك حتى لو عندك بي ام

استخير وادعي الله


لانه الفلوس مو لعبه ارضى بالي عندك ولا يهمك كلام الناس

اذا انت عاجبتك السياره مالك بالناس

اسف لو طولت والله يعينك

[><><]

مرحبا عزيزي انا مجرب الازيرا او عندي اوريون
في اشيا حلو في الازيرا مثل صرفية البنزين قلل جدا
او النعوم في الممشى

اما عن الاوريون فهي راسى من الازير في الخط او اقوة بكثير في الممشى


انا مطلع اوريون او عمي مطلع ازيرا في نفس الوقت من الوكاله
انا لحد الان لم اشتكي من شي في السياره
اما عن عمي فا من اول يوم من طلعها من الوكاله فيها رجه ما جي تفلاقه
مع العلم انهم قيرو له التوير او سوو له ترصيص كفرات اكثر من 5 مرات ولا في فايد

او طلع عنده صوة في البيرنقات او قير فحمات مرتين خلال سنه واحد بس

او يعلم الله اني صدق في كل كلما قلتها

[احمد اورين]

الاصوات الداخليه من الديكور لاكن حله بصيط

[عاشق المازدا]

الأوريون أفضل من الأزيرا

بس ماتستاهل والله تخسر في حدود 40 ألف عشان كلام الناس

مادام السيارة عاجبتك وتدفع أقساطها من جيبك مافيه أي داعي تغيرها

بتقعد تدفع قسطين عشان ترضي الناس

أنا أشوف إنك تحاول تتأقلم مع الوضع أحسن

[الزمن غدار]

انت شاري السياره لك ماعليك من الناس
واللي قالك انه كوري لا تعطيه وجه
وبعدين الكوري تطورت سياراتها ماعاد مثل اول
صح ان الاوريون ماعليها كلام بس موشرط ان تبيع سيارتك وتشتري الاوريون عشان كلام الناس
وسيارتك لساتها جديده واذا فيها مشاكل روح للوكيل حقها

[أوريوون]

المشاركة الأصلية كتبت بواسطة الزمن غدار

انت شاري السياره لك ماعليك من الناس
واللي قالك انه كوري لا تعطيه وجه
وبعدين الكوري تطورت سياراتها ماعاد مثل اول
صح ان الاوريون ماعليها كلام بس موشرط ان تبيع سيارتك وتشتري الاوريون عشان كلام الناس
وسيارتك لساتها جديده واذا فيها مشاكل روح للوكيل حقها

كلام أخوي صحيح

وبالنسبه للاوريون

هي حلوه

وما فيها أي مشاكل

بس أنا عندي فيها مشكلتين

صوت الهواء على السرعات العاليه مدري وش الحل فيه

وصرفيتها أحياناً أقول تصرف وأحياناً أقول ما تصرف

وبالنسبه للرساوه القراندي راسيه

بس أنا عندي أن التورينج مو راسيه مره

والله يوفقك

وأخر شي

إذا الأزيرا عاجبتك لا يهمونك الناس والله الناس ما يعطونك خير حتى لو معك سيكل