[أبو وعد]

السلام عليكم

اخبار الشباب

بمناسبة اني عضو جديد اكيد بتعطوني وجه <*****<*****< متأمل خير

الصراحه بكرا راح ان شاء الله الوكاله علشان اقدم على افالون 2008 ليميتد

بس بغيت اسأل كم سؤال كان ما عليكم امر ..

1/ هل تستاهل 119.000 ريال!! ؟؟
2/ وش قصة الريحه كلن يقول عنها ولا ادري هل لها حل ؟؟
3/ متى بيتغر شكلها ؟؟
4/ كيفها بالخط ؟؟ راسيه ولا خفيفه ولا بطله ؟؟
5/ يقولي واحد ان فيها مشكال بالقير هل هذا صحيح ؟؟
6/ كيف صرفيتها ؟؟
7/ وش اهم مواصفاتها ؟؟


ادري ادري لجيتكم بس تحملوني هاليومين بس


والسلام مسك الختام ..

[أدري اني قمر]

السياره جربتها سنتين بصراحه ازعجتني سالفة الرائحه للأمانه وماصادفني الا هالمشكله اللي خلتني ابيعها
من ناحية قويه قويه ونص وواسعه وماسكه روحها بالخط ثقيله يعني سيارة دعس الله يكفينا شر السرعه
القير اشتكى منه الكثير بس يقولون في 2008 غيرو القير من 5 سرعات الى 6سرعات

غيرت عموذ القير مره على الضمان كان فيه طقه والحساسات غالبا ماتعلق او تخرب لأنها تايون يركبها ابو جميل

السياره تسوى 100 او 95 للامانه والاكس ال تسوى 85 الى 90 العشرين ذي زياده بصراحه من وجهة نظري

[مازن محمد]

انا الاسبوع الماضي طلعت سيارتي 2008
والحقيقة ... مااقدر اقول سوى ....
..
..
..
...
...
مشاء الله تبارك الله
روعة

[أبو وعد]

المشاركة الأصلية كتبت بواسطة أدري اني قمر

السياره جربتها سنتين بصراحه ازعجتني سالفة الرائحه للأمانه وماصادفني الا هالمشكله اللي خلتني ابيعها
من ناحية قويه قويه ونص وواسعه وماسكه روحها بالخط ثقيله يعني سيارة دعس الله يكفينا شر السرعه
القير اشتكى منه الكثير بس يقولون في 2008 غيرو القير من 5 سرعات الى 6سرعات

غيرت عموذ القير مره على الضمان كان فيه طقه والحساسات غالبا ماتعلق او تخرب لأنها تايون يركبها ابو جميل

السياره تسوى 100 او 95 للامانه والاكس ال تسوى 85 الى 90 العشرين ذي زياده بصراحه من وجهة نظري

مشكور على صراحتك يا قلبي

[افالون روحي]

مرحبا الساع


اخوي بالنسبه للرائحه احيانا تجيني واحيانا ماتجي



اما بالخط صراحه تعطيك وراسيه تقول بي ام (( ماشاء الله عليها ))


وبالنسبه لصرفيتها انا اشوفها انها معقوله


اهم مواصفاتها




هئ هئ تتعب معاها




كل يوم اكتشف شي فيها


وبالنسبه لسعرها انا اشوفها انها مناسبه


اتمنى اني افدتك

[أدري اني قمر]

عفوا غيرت عمود الديركسون مش القيــر عفون

النصيحه لك يابو وعد خذ es مثل اخوك صدقني ماتندم والفرق بينهم 18 الف تقريبا اقصد النوع رقم 3 من es لكزس

[أبو وعد]

مشكووووورين يا اخوان على الردود


ادري اني قمر : انا الله يهديك بطلعة الروح تدبرت 119 ألف تبين ادبر فوقها 18 !!


انا الحمد لله اشتريت وحده من الموزع حسن جميل اللي بالدمام فل ليميتد 2008 اسود والحمدلله

وبعد بكرا الاستلام

[متعب الليل]

1/ هل تستاهل 119.000 ريال!! ؟؟

كنت أقولها قبل لا اشتريها وأول ماشريتها تغيرت نظرتي بصراحه تستاهل


2/ وش قصة الريحه :d كلن يقول عنها ولا ادري هل لها حل ؟؟

ما اشوفها مشكله بس كبروا السالفة وهي ما تستاهل اول ماتشغل المكيف تطلع وبعد دقيقتين تختفي
.
3/ متى بيتغر شكلها ؟؟.

يقولون 2010 والله أعلم

4/ كيفها بالخط ؟؟ راسيه ولا خفيفه ولا بطله ؟؟

أسبوعيا انا بين الشرقية والرياض والى الان الحمد لله ممتاااازة جدا


5/ يقولي واحد ان فيها مشكال بالقير هل هذا صحيح ؟؟

سيارتي 2007 والى الان الحمد لله لم أجد مشاكل بس نصيحتي واظب على الصيانة الدورية


6/ كيف صرفيتها ؟؟

معقولة جدا جدا جدا (مثل الكامري تقريبا )


7/ وش اهم مواصفاتها ؟؟

عندك المنتدى ملياااااااااان بس طب وتخير

[أبو وعد]

سلمت يا متعب الليل

وبما انك بالجبيل
اجل يوم يومين بتشوف موتري بالفناتير يدووور خخخخ