السلام عليكم ورحمه الله وبركاته
هذي اول مشاركه لي بهالمنتدى الرائع واتمنى انكم تساعدوني بموضوع شاغل بالي من فتره ومحتار فيه
وقلت اكتب هالموضوع واستشيركم وان شاءالله انكم ما تقصرون معي نظرا لماشفته من تعاون من اعضاء هالمنتدى
الموضوع ومافيه الله يسلمكم انه قررت اني اشتري سياره جديده وطبعا الكل عارف وجع الراس والحيره لما تبغى تشتري سياره والتردد اللي يجيك ماوراك شغله الا الروحه والجيه لهالوكالات تشوف وش فيه ووش مافيه طبعا اولا واخيرا ترجع لذوق الشخص نفسه بس المصيبه اذا احترت وقعد خيارك بين سيارتين معجب فيهما حنا تجي الحيره ويجي الوقت اللي تبدء تقارن بينهم وقلت مالي الا اعضاء هالمنتدى بحكم خبرتهم وتجاربهم يقدرور يفيدوني
اولا كنت ناوي باخذ التيما 2008 ومقتنع فيها اقتناع كامل لما فيها من مواصفات وفخامه طبعا الصعوبات اللي واجهتني بأمتلاكي للسياره انه مالقيت احد يمدح نيسان يعني مابين قطع وصيانه ومشاكل مستقبيله وانه السياره تبدء تتهربد بعد استخدم ليس بالطويل طبعا رميت كل هالامور ورا ولا فكرت فيها وقلت باخذ السياره
وبالصدفه اكتشفت انه فيه شي اسمه اوريون(الاميره) بدخولي على احد الروابط وجابتني للمنتدى بس صدقوني ياجماعه الخير ما توقعت وجود سياره مثل الاوريون ولي فتره وانا اتصفح الموقع واقرء جميع مواضيع هالاميره
وزاد اعجابي فيها وفعلا سياره تستحق الاحترام لما فيها من مواصفات وقوه وبنظري تنافس الالتيما
طبعا هنا بديت اتذكر كلام الناس اللي نصحوني عن الاتيما وحسيت انه لقيت بديل تقريبا بنفص المواصفات ولا بعد(تويوتا)********مافيه احلى من هالشي وزياده الشاشه
وللاسف رحت للوكاله بشوف السياره عن قرب ولكن الموظف قال لي مافيه الا انه نجيبها لك طلبيه ماهي موجوده
رحت لجميع فروع الوكاله ولا لقيتها .
طبعا ابي مشورتكم ومقارنتكم مابين الالتيما والاوريون بحكم اني لا اعرف عن الاوريون اي شي بعكس الالتيما اللي كنت متابع لها لحظه بلحظه ومعرفه ما تتطور فيها من مواصفات ومميزات عن الموديلات اللي قبلها
وطبعا انا اتكلم عن الفل كامل للسيارتين
من ناحيه الكرف
والعزل
والرساوه
وكيف هي قطع غيار الاوريون؟
وهل فيها بلوتوث
وعيوب ومميزات السياره************بكل مصداقيه
وكل ما تقدرو تفيدوني فيه عن هالسياره
يقولو ماخاب من استشار
وارجو جعل الموضوع مقتصر بين هالسيارتين لايجي احد يقول كابريس ولا اكورد ومن هالكلام
وانا من عشاق الامريكي واملك حاليا ماركيز وقلت بجرب الياباني وافكر اني امتلك السيارتين من جرب الامريكي لا يستغني عنه وخصوصا معشوقتي الفورررد
ارجو عدم التعصب والرقي والتطور بهالامور واحترام كل شخص يبدي رائيه**** ليزيد رقي المنتدى والاعضاء ولتعم الفائده
صدقوني ياجماعه الخير انه الموضوع واقف على مشورتكم واراءكم وهو اللي بيحدد لي اي سياره اخذ هاليومين
واسف على الاطاله وشاكر لكم يا اعضاء هالمنتدى
المواضيع المتشابهه للموضوع: طالب مشورتكم .. ارجو الدخول للاهميه 
