[خالي الوفاض]

السلام عليكم

كيفكم يا شباب





حبيت استفسر منكم وخصوصا (( شباب الرياض )) عن بعض الأسئلة ؟؟

1 - هل الصيانة يحتاج قبلها حجز والا اذهب مباشرة إلى الصيانة ؟

2 - كم تكلف الصيانة 1000 كم الحد الأدنى والحد الأعلى ؟؟ لأني مزنوق حبيتين هذا الشهر ... !!!!! ( مين سأل )

3 - وكم تأخذ وقت في الصيانة ؟؟ يعني تتأخر عندهم ؟؟

4 - هل يغيرون الزيت أو أي شيء آخر ؟؟ وش حصل معكم ؟

[أوريوون]

1 - هل الصيانة يحتاج قبلها حجز والا اذهب مباشرة إلى الصيانة ؟

صيانة الألف ما تحتاج حجر على ما أعتقد

2 - كم تكلف الصيانة 1000 كم الحد الأدنى والحد الأعلى ؟؟ لأني مزنوق حبيتين هذا الشهر ... !!!!! ( مين سأل )

مجاناً

3 - وكم تأخذ وقت في الصيانة ؟؟ يعني تتأخر عندهم ؟؟

ساعه تقريباً
(( على حسب الزحمه ))

4 - هل يغيرون الزيت أو أي شيء آخر ؟؟ وش حصل معكم ؟

ما غيرون شي
بس كشف

ـــــــــــــــــــــ

إن شاء الله أفدتك

والشباب ما يقصرون إن شاء الله

[خالي الوفاض]

ما قصرت يا خوي

وننتظر باقي الشباب

[بلحروووز]

انا صار لي بالضبط مثل ما قال اخوي اوريوون

تحياتي

[ملك الأميرة]

1- انت وحظك ممكن تروح وما تحصل زحمه وتدخلها عندهم

2-مجاناً

3-على حسب الزحمة

4- ما يغيرون الزيت
بس يشيكون على السياره


يعني نفس رد اوريوون :d

[ابــو عبداللـه]

ماقصرو الشباب حتى 5 الاف مجانا بس يأخذون حق الزيت والعشره اخذو علي 290 مع الزيت

[دقات قلب]

الشباب ما قصروا ..

يعطيكم العافية ..
اضافتي كالتالي /

1- لا يحتاج حجز ولكن اذهب لمراكز الصيانة السريعة

2- التكلفة ... مجانية ولازم توديها عشان تفتح الملف عندهم .. (تسجيل السيارة بالنظام عندهم أول مرة)

3- على حسب الزحمة وعادة ساعة زمان اليوم مودين كامري صيانة 1000 مجانية وتمت خلال ساعة (خارج الرياض)

4- عندي انا غيروا لي الزيت (طبعا اعرف واحد في الصيانة )

[بلحروووز]

المشاركة الأصلية كتبت بواسطة ابــو عبداللـه

ماقصرو الشباب حتى 5 الاف مجانا بس يأخذون حق الزيت والعشره اخذو علي 290 مع الزيت

باي فرع وديتها في صيانة العشر الاف .... لاني وديتها بالفرع اللي بطريق المدينة بعد توكيلات الجزيرة

واخذوا مني 373 ريال

[كــحــيــلان]

هلا والله شباب ارسو على بر المكافاه اتاخرت
والسياره ماشيه 9500
يعني اعطونا جواب


فينك يا دقات قلب < < < الانسان هذا اثق فيه

ومبروووك القسم اخوي دقات قلب

[ملك الأميرة]

كحيلان انا مدخل سيارتي قبل حوالي اسبوعين صيانه 10 الاف

و اخذوا علي بالضبط 133 ريال تشييك مع تغير الزيت والسيفون
ولو تبي صوره الفاتوره من عيوني انا مستعد

[خالي الوفاض]

الله يعطيكم العافية شباب على التفاعل الممتاز

اليوم رحت الصيانة العصر وتمت الصيانة وفيه زحمة بس لكن

ماقصروا خلصوها لي في أقل من ساعة واحدة ومجانا زي ما تفضلتوا

والف شكر على المعلومات