[س ل م ا ن]

السلام عليكم ورحمة الله وبركاته

كيف حالكم ؟

عندي كم سؤال أتمنى التفاعل منكم والإجابة عليها ..

1- متى بيتغير شكل الـ Is ؟ الشكل الحالي كم صار له ؟

2- وش التغييرات المتوقعة في موديل 2009 ؟

3- كم سعر Is300 في السعودية حاليا ؟ بنافيقيشن وبدون ؟ ووش الخيارات المتوفرة ؟ وبكم الكت الرياضي ؟

4- هل بيتغير المحرك في موديل 2009 ؟

5- هل المحرك 228 حصان ولا 238 حصان كما هو مكتوب في لوحة المواصفات في الوكالة ؟ (عبداللطيف جميل)

6- هل صحيح أن العزل الصوتي سيء ؟ أم أن المقصود هو صوت احتكاك الكفرات ؟

7- ما نوع الكفرات المناسب للسيارة (غير كفرات الوكالة الحالية .. بشرط أن يكون هادئ ومريح وثابت) ؟

8- ما هي أبرز عيوب ومشاكل السيارة ؟ (أدري أن المقاعد الخلفية ضيقة .. لكن الشي هذا ما يهمني )

9- هل السيارة قاسية ؟ (نظام التعليق) .. أيهما أكثر راحة في القيادة الـ IS أم انفينيتي G ؟

آسف على كثرة الأسئلة ولكن أريد معرفة كل ما يتعلق بالسيارة قبل الشراء .. وشكرا لكم

[ليكزي]

عليكم السلام ورحمة الله وبركاته

يا هلا ..

راح اجاوبك على اللي اعرفه ان شاء الله ..
و اترك باقي الأسئلة لملاك السيارة و لتجربتك (انت) الذاتية والشخصية لتكون (الحكم) ..

1- متى بيتغير شكل الـ Is ؟ الشكل الحالي كم صار له ؟

الله واعلم متى راح تتغير كليا، لكن لا تتوقع هذا (الشكل) يتغير قبل 4 سنوات من الآن وهذه عادة لكزس .. اما الشكل الحالي نزل في اسواق الخليج والشرق الأوسط تقريبا في شهر سبتمبـ 9 ــر من العام 2006 كـ موديل لعام 2007 (يعني الشكل مازال يتواصل للعام الثاني على التوالي) .. اما في أمريكا، السيارة بالشكل الحالي نزلت عندهم في 2005 كموديل لعام 2006 .. وقبل ذلك كان في شكل مغغاير تماما لها (الجيل الأول) عام 2001 في أمريكا .. وأول ظهور للجيل الأول كام عام 1998 في اليابان وكان اسمها آنذلك Altezza ..

2- وش التغييرات المتوقعة في موديل 2009 ؟

الله وأعلم، لكن اتوقع تكون اشياء بسيطة مادري مثل ايش (ما شاء الله مواصفاتنا كاملة زي الي في أمريكا) ، اللهم الفرق يتمثل في:-
- المحرك ونظام الحقن المباشر المتبع للوقود لديهم ..
- شكل الجنوط
- Dynamic Radar Cruise Control (نظام الرادار اللي في الـ LS الجديدة 2008) .. لكنها (أوبشن/اختياري) عندهم، يعني اذا طلبته راح تدفع مبلغ وقدره ... ... !!
- خدمة الراديو عبر الأقمار الصناعية (ستالايت)
- HomeLink® Remote Control .. ساعدك للتحكم بأجهزة مثل أبواب (الكراج) او بوابة دخول المنزل وذلك من ازرار داخل سيارتك (في موضوع بتلاقيه في منتدى الـ ES واحد طالبها وشاريها من النت لسيارته) ..

اما باقي المواصفات كلها موجودة في مواصفات الخليج والشرق الأوسط ولله الحمد ..

3- كم سعر Is300 في السعودية حاليا ؟ بنافيقيشن وبدون ؟ ووش الخيارات المتوفرة ؟ وبكم الكت الرياضي ؟

اترك الرد للأخوان في السعودية .. اما في قطر حاليا سعر الـ IS300 (وكالة) جديدة (فل أوبشن بشاشة وبداخلية مخشبة) = 158 الف ر.ق (السعر الأصلي المذكور في اللوحة) ، اذا كنت تود بـ الكت الرياضي (تزود 5000 ر.ق) .. السعر الحالي مرتفع ابتداء من الأول من فبرايـ 2 ــر الماضي ، وقبل ذلك كان بـ 153 الف ر.ق (السعر الأصلي) .. بعد الخصم، السعر الحالي ينخفض الى 150 الف ر.ق (خصم مسؤول المبيعات + خصم الإدارة) ، واذا قدرت تأخذها بأقل من ذلك فـ انت تحتاج (واسطة) او انك (محظوظ جدا) ..

4- هل بيتغير المحرك في موديل 2009 ؟

واذا بيتغير شيء عام 2009 فـ إن شاء الله يغيروا المحرك الى محرك سعة 3.5 ليتر ، علشان (ينبسطوا) باقي الشباب (اللي اذونا وسندرونا) عشاق ومحبي السرعة والسباقات/المطارحات ..

5- هل المحرك 228 حصان ولا 238 حصان كما هو مكتوب في لوحة المواصفات في الوكالة ؟ (عبداللطيف جميل)

238 حصان = غلطة مطبعية 100%

الخرج الأقصى : 228حصان/6200د.د ( صافي بالمقاييس ECE )

على ذمة:-
موقع لكزس - الشرق الأوسط
كتالوج/كتيب السيارة
موقع ويكيبيديا

6- هل صحيح أن العزل الصوتي سيء ؟ أم أن المقصود هو صوت احتكاك الكفرات ؟

أعتقد بان المقصود هو صوت احتكاك (الكفرات) ، وذلك من خلال قيادة سيارتي الـ GS .. ويرجع السبب في ذلك لنوعية الإطارات الرياضية المستخدمة للسيارة ..
او صوت (احتكاك الهواء بجدار وزجاج السيارة من الخارج) على السرعات العالية 120 كلم/ساعة وما فوق ..

7- ما نوع الكفرات المناسب للسيارة (غير كفرات الوكالة الحالية .. بشرط أن يكون هادئ ومريح وثابت) ؟

ما اعرف عن (دنلوب) لاني
ما جربت الا (يوكوهاما) .. الإطارات الأصلية لسيارتي من الوكالة ..
رائع و شهادتي مجروحة فيه وراضي عنها كل الرضى ولله الحمد سواء على مستوى الهدوء او الراحة او الثبات ..
مفاجأة .. العجلات الأصلية لـ Gs430 موديل 2008 في قطر من شركة ........ ؟!

8- ما هي أبرز عيوب ومشاكل السيارة ؟ (أدري أن المقاعد الخلفية ضيقة .. لكن الشي هذا ما يهمني )

أكبر و أكثر الشكاوى تنحصر في حدود المساحة الداخلية للسيارة و اداء المحرك ..
اذا انت راضي عن هالأمرين و ماعندك مشكلة او ما يضايقونك ، ياخوي توكل على الله .. السيارة كاملة والكامل لله .. اتمنى ملاك السيارة يفيدونك أكثر ..

9- هل السيارة قاسية ؟ (نظام التعليق) .. أيهما أكثر راحة في القيادة الـ IS أم انفينيتي G ؟

نعم ، يجب ان تكون السيارة قاسية (بعض الشي) لان نظام التعليق فيها رياضي، وهذا ليس بعيب بل بالعكس ميزة تمنحك الثبات والرساوة والقيادة الآمنة و الممتعة عند السرعات العالية (قلت عالية مب جنونية ) على الطرقات (الطويلة) والمنعطفات (الغير آمنة) باذنه تعالى !!
اما آيهما أكثر راحة IS او G أترك لك تجربة السيارتين (تست درايف) لكي تحكم وتقييم بنفسك واثناء قيادتك (انت) !

اتمنى باني جاوبت على تساؤلاتك بالشكل المطلوب .. و طبعا انت من حقك تستفسر وتسأل (آمر وتدلل ياخوي ) و خذ راحتك واحنا حاضرين وتحت أمرك و مستعدين لخدمتك و ما يصير خاطرك الا طيب وبنجاوبك على اللي نعرفه ونقدر عليه ان شاء الله وهذا الهدف من هكذا منتديات ..

بالتوفيق .. الله يكتب لك اللي فيه الخير ..

تحياتي
ليكزي

[س ل م ا ن]

مشكور يا ليكزي

بارك الله فيك

طيب الحين لو فرضنا أنها نزلت عام 2009 بمحرك 3.5 لتر

هل السعر بيطير فوق !؟

لأني أشوف السعر الحالي غالي أصلاً

حقين الوكالة ينفون نفي قاطع أنها بتنزل بمحرك 3.5 !

لكن أخاف اشتري الحين وتنزل 2009 بنفس المحرك الحالي لكن بقوة حصانية أعلى !


وشكرا

[ليكزي]

العفو .. الله يسلمك

طيب الحين لو فرضنا أنها نزلت عام 2009 بمحرك 3.5 لتر

هل السعر بيطير فوق !؟
وهذا التحليل النطقي
لأني أشوف السعر الحالي غالي أصلاً

والله الحقيقة، اتمنى يسوو فينا خير (ولو مرة وحدة في حياتهم ) ومايرفعوا السعر كثير ..
على فكرة
هل تعلم بان في أمريكا ، سعر IS350 (محرك 3.5 دفع خلفي) أغلى من سعر ES350 بأكثر من 2000 دولار

التحليل المنطقي يقول، يعني اذا كان الـ ES سعره عندنا حوالي 165 الف ، فـ الـ IS350 سعره لن يقل عن 170 الف .. والله المستعان

على كل حال، اليك هذه المعلومات القيمة :-

السعر (الأساسي) Base MSRP بدون (الأوبشن) لـ ES350 موديل 2008 = 33.720 دولار أمريكي (لا تشمل أجرة التسليم والتوصيل = 765 دولار أمريكي)

قائمة المواصفات الأساسية والإختيارية وبيانات السيارة:-
http://www.lexus.com/models/ES/detai...fications.html

قائمة (الأوبشنز) واسعارها:-
http://www.lexus.com/models/ES/features/pricing.html

اما السعر (الأساسي) Base MSRP بدون (الأوبشن) لـ IS350 دفع خلفي) = 35.905 دولار أمريكي (لا تشمل أجرة التسليم والتوصيل = 765 دولار أمريكي)

قائمة المواصفات الأساسية والإختيارية وبيانات السيارة:-
http://www.lexus.com/models/IS/detai...fications.html

قائمة (الأوبشنز واسعارها):-
http://www.lexus.com/models/IS/features/pricing.html

حقين الوكالة ينفون نفي قاطع أنها بتنزل بمحرك 3.5 !

لكن أخاف اشتري الحين وتنزل 2009 بنفس المحرك الحالي لكن بقوة حصانية أعلى !

الوكالة هذه (عوايدها) وهذه شغلهم وحركاتهم وابد لا تعتمد على كلامهم (واسأل مجرب) مهما نفوا.. هم شغلتهم بيعونك السيارة اليوم وبس ولو على حساب ضميرهم (بعض الأحيان) مع الأسف

اذا قدرت تصبر وتتحمل حوالي 7 شهور تقريبا او (يمكن أكثر) وتنتظر الموديل الجديد كان بها واذا لا، مظطر او متشوق انك تشتري الحين ، فلا حول ولا قوة ..

وما اعتقد (يألفون) محرك بنفس سعة المحرك الحالي وبقوة حصانية أعلى ..!! اذا ما كان هناك محرك جديد بسعة 3.5 لتر، فهو لاشك سيكون محرك الأوريون والأفالون (ولا تنسى خفة وزن IS ) .. لان محرك IS في أمريكا يعمل بتنقية الحقن المباشر وهي لاتتوافق مع انواع البنزين المستخدمة في المنطقة بسبب تلوثها وكثرة نسبة الكبريت فيها !!

هذا الموضوع ممكن يفيدك .. تفضل :-
http://toyota4arab.com/forum/showthread.php?t=22883

اتمنى اني وضعتك في الصورة

الله يكتب لك اللي فيه الخير ..

حياك الله ..

تحياتي
ليكزي

[س ل م ا ن]

شكرا يا كابتن

أمس سألت عبداللطيف جميل (العليا) عن الأسعار

قالي بدون شاشة 130 ألف

ومع شاشة 143 ألف

لكن يوم سألته عن الزوائد .. قال هي تجي بشكل واحد ؟؟

طيب انا اشوفكم هنا دايم تقولون بدون زوائد بالسعر الفلاني وبزوائد بالسعر الفلاني ؟

وش السالفة ؟

ووش الزوائد بالضبط ؟ هل هي جناح فقط ؟ لأن ممثل المبيعات قالي ان فيها جناح

والشغلة الثانية

الحين لو اخذتها بدون شاشة .. وش بيكون محل الشاشة !!!

هل بيكون فيه شاشة لكن وظائفها محصورة على المسجل ونظام التكييف مثلا ؟ لكن ما تشغل نافيقيشن و Dvd

ولا ما فيه شاشة خير شر ؟

وشكرا

[ليكزي]

العفو أخي ..
حاضرين ..

لكن يوم سألته عن الزوائد .. قال هي تجي بشكل واحد ؟؟


طيب انا اشوفكم هنا دايم تقولون بدون زوائد بالسعر الفلاني وبزوائد بالسعر الفلاني ؟


وش السالفة ؟


ووش الزوائد بالضبط ؟ هل هي جناح فقط ؟ لأن ممثل المبيعات قالي ان فيها جناح

نعم .. (بودي) السيارة يأتي بشكل واحد ، لكن (الزوايد) التي يتم تركيبها على (جسم) السيارة تعمل الفارق قليلا ..

الزوايد - الله يسلمك - هي حاجة (اختيارية) .. يعني اذا تحب تضيفها تدفع مبلغ وقدره (عندنا في قطر 5000 ر.ق) .. والا ما تبيها ما تدفع شيء..

الزوائد او (لحية السيارة) بالعامية حسب مسمى بعض اهل الخليج او (الاسبويلر) بالإنجليزية .. هي عبارة عن قطع (شكلية/ديكورية) تزين بها مقدمة و مؤخرة السيارة و على الاجانب (بعض الأحيان) .. وعادة توضع هذه القطع مكان الصدام الأمامي و (البنفر) الخلفي وفوق شنطة الأمتعة الخلفية او ما يدعى (جناح) بعضها مدمج وبعضها منفصل ..

و هذه صور لـ IS بالزوايد . لاحظ مقدمة وخلفية السيارة كيف صاير شكلها (من تحت خالص) ..




.
.


لاحظ القطعة الأمامية (أسفل صدام السيارة تماما)


هذه الصورة بدون زوايد ..


هل مؤخرة السيارة (مع الزوايد) .. شوف اسفل الصدام تماما .. والجناح طبعا



هذه مؤخرة السيارة (بدون زوايد)

هل لاحظت الفرق ؟!

وهذا موضوع في الكثير من الصور لها بالزوايد .. تفضل:-
زوايد آي أس

اذا اردت توضيح أكثر ، خبرني وراح اساعدك ان شاء الله ..

الحين لو اخذتها بدون شاشة .. وش بيكون محل الشاشة !!!

هل بيكون فيه شاشة لكن وظائفها محصورة على المسجل ونظام التكييف مثلا ؟ لكن ما تشغل نافيقيشن و Dvd

ولا ما فيه شاشة خير شر ؟

مع الأسف مافي شاشة LCD ملونة خير شر (بايخة) ..
وطبعا ، لا نافي والا بلوتوث ولا كاميرا خلفية ..
وشكل السيارة راح يكون كذا:-





صدقني، يومين وبتعوف السيارة خخخخ والا شرايك ؟!

ان شاء الله جاوبتك على الاسئلة .. وانت خذ راحتك .. واحنا واجبنا مساعدتك - طال عمرك ..

تحياتي
ليكزي

[سابق]

الشباب كفوا ووفوا ما عندي شيء اضيفه

برب