[الخ ـمعلي]

السلام عليكم

صباح الخير

انا عندي لكزس موديل 98 ال اس 400

قبل ثلاث اشهور غيرت البواجي

وبعدها صارت السياره فيها تفتفه اذا وقفت

واذا مشيت مع الخط عادي حتى اني امشي 260 عادي

لكن اول مااوقف تتفتف

حتى اني غيرت البواجي للمره الثالثه

وكلها من الوكاله اغيرها

نفس المشكله

وشيكت على حساسات السياره كامل مافيها اي مشكله

وشيكت على الكويلات قالوا مافيها شي

وسويت فحص كمبيوتر قالوا الكويلات تاكد منها

وواحد شيكها يديوي قال والله مافيه شي ضرب كهرب تعطي مافيها اشكال

لكن اتمنى من اهل الخبره افادتي

وبعد ابي شمعات السياره الاماميه مسمتعل بس تكون بظيفه لان اللى عندي رايحه من الخطوط

وسلامتكم

[نديم الطيف]

شمعات رح للتشليح وبتحصل ان شاء الله


والتفتفة بدل اماكن الكويلات...حط 7 بدل 3 و 4 بدل 8 وهكذا وشف السيارة تتغير عليك او لا


وممكن تكون التفتفة من منظم الهواء يبيله فك وتركيب من جديد (ماهو راكب صح) او يكون فلتر الهوا قديم ومغبر ومتسدد



المهم لاتوسوس واذا التفتفة ماتطفي السيارة طنشها وخل فلوسك بمخباك ياخي واكرف السيارة وحلل قيمتها...شفك الحين خسرت قيمة بواجي جديدة على الفاضي واذا بتجلس تسوي تجارب الين تروح التفتفة تراك بتتعب وتخسر فلوس ويمكن ماتضبط بعد



على فكرة ترا فيه حركة بايخة تصير لبعض الناس....يركبون لك بواجي ماهي نفس الي كانت بسيارتك...يعني مثلاً يركبون لك بواجي حقت مكينة كلبليتر وانت سيارتك بخاخات او العكس...او يركبون لك بواجي بخاخات نفس الي بسيارتك بس رقمها يختلف تراك تبلش ... لازم يكون رقم البوجي مطابق لحق السيارة الاصلي وترا الوكالة بشر ماهم معصومين عن الخطأ والنصب


بالتوفيق...

[الخ ـمعلي]

يعطيك العافيه

ومن ناحيه رقم البواجي نفس البواجي الاولى

انا مستعد اسوي اي شي بس سيارتي مايكون فيها اي عيب

وبالنسبه للشمعات رحت للتشليح بس سعرها ناااااااار

يقول لي الشمعه بألف ريال وين عايش

ازود عليها قيمه بسيطه واشتري الوكاله

لكن اذا فيه محل بالدمام عنده بقيمه معقوله

مستعد اشتريها

والتبديل الكويلات بدلت

حسيت فيه شي بسيط تغير رفعت وزن الدعسه

وعلى فكره انا خرب عندي راس الاديتر

الى هو البلاستيك

ودورت بالوكاله قالوا طلبيه

وانا وقتها مسافر واظطريت اركب تجاري

ماادري يضر فيها التجاري

او الحراره يرفعها علي

لاني حسيت الحراره ارتفعت شي بسيط

[نديم الطيف]

طيب شمعتين كاملات بـ 2000 ريال...سعر معقول وش فيك متضايق؟؟؟ كذا اسعار اللكزس ((الله يعز البي ام))


والاديتر اذا كنت مركب تجاري ترا راسه يجي نحاس من فوق وهذا يرفع حرارة السيارة..اذا كان راسه نحاس انصحك تشتري اصلي وتركبه اذا قادر على قيمته



وعلى فكرة اذا مستعد تدفع اي مبلغ عشان سيارتك مايصير فيها ولاخراب رح اشتر سيارة من الوكالة...واترك عنك الكلام الفاضي مافيه سيارة مستعملة مافيها خرابات

[الغامدي بوغلا]

من المفروض عند تغيير البواجي
1-تنظيف البخاخ
2-تغيير صفايت البنزين
3-تغيير فلتر الهوى
جرب ماراح تندم انشاءالله