[ولدالدوحه]

عندي بعض الملاحظات على اللكزس ( lx570 ) موديل 2008 وارد قطر بحكم اني شفت السيارة اليوم على الطبيعة وطبعاًً هذه الملاحظات بسيطه والسيارة تحتاج لوقت ومدة استعمال حتى تظهر العيوب والمشاكل ان وجدت ، بشكل عام السيارة رهيييبه بعنى الكلمة والصراحة الفرق كبييير بين اللكزس والكروزر من الداخل والخارج .
اول شي سنة الأنتاج في البليته 2008 وبالنسبة للشي المهم الملاحظ ان المشكلة التي كانت في الكروزر موجود في اللكزس وهي الثلاجة متصلة بالمكيف يعني اذا شغلت الثلاجة اشتغل المكيف وإذا حالوت تطفى الثلاجة ماتقدر الا اذا طفيت المكيف يعني لم يتم اي تعديل من قبل المصنع . وبالنسبة للمواصفات لاحظت الأتي :
1- رنقات 18 .
2-جناح خلفي .
3- ثلاثة كيمرات ( امامية ، خلفية ، جانبية يمين فقط )
4-دي في دي في السقف .
5- مقاعد امامية فيها تدفئه وتبريد .
6- جميع المقاعد بما فيها الخلفية كهربائية .
6- مقود بتخشيبة .
والصراحة اشياء اخرى كثيرة تحتاج لوقت اكبر وانشالله اوافيكم بها في وقت لاحق ،،،

وهذه صورة الجناح على اللكزس وارد عبدالغني

[الكااااس]

والله ماعرف شو اقولك فسالفة المكيف والثلاجة ,,,

بس لوحد يكلم اللي في الوكالة يمكن الها حل ,,,

وتسلم ,,,

[ويسكر]

اول شي الطيب ( إن شاء الله تكتب هكذا )


ومشكوووور على تقريرك ... والصراحة غريبة العيب المصنعي الي بالكروزر موجود باللكزس !

والله ماندري الحين هذا عيب ولا ميزة جديدة .

بس ما قلت كيف لسواقة والعزل الصوتي .. انا دايما يهمني العزل الصوووتي

[ملك الأميرة]

اهنيك انك شفته

وبخصوص مشكلة المكيف مع الثلاجة ياليت يكون لها حل قريب

[عبدالعزيز السيد]

الشيخ هل عرفت اسعاره؟

[ولدالدوحه]

تحياتي للجميع وشكراً لمروركم الكريم .

[ولدالدوحه]

المشاركة الأصلية كتبت بواسطة عبدالعزيز السيد

الشيخ هل عرفت اسعاره؟

سعر الموتر 325 الف والتأمين 11 الف اجمالي 336 الف ريال .

[ولدالدوحه]

[بنت الخران]

اشكرك على ملاحظاتك الممتازه

تقبل مروري

[مزاجي الاصلي]

مشكور ياولد الدوحه

بس الجناح على الكزس مشكله كبيره مفروض خلوه اختياري