[عاشق المازدا]

السلام عليكم


بصراحة ياشباب في فكرة تدور في راسي وماني عارف أسويها ولا لا

أنا كتبت الموضوع قبل كذا بس محد فهم علي

على العموم زي ما تعرفون إن شاشة مهام الجزيرة وغيرها شاشات صينية مجهولة المصدر (يعني مانعرف أي شركة صينية صنعتها)

وبصراحة المبلغ لا يستهان فيه 3500 ريال في شاشة صينية ممكن تخرب في اي وقت لا وتشيل سي دي واحد فقط

فأنا بصراحة خطرت في بالي فكرة

هو اننا نركب القطعة الموجودة في طبلون الكامري GL أقل نوع زي الموجودة في هالصورة مكان المسجل
(بعد إذنك أخوي عاشق اللاند)



بعدين نشتري شاشة من شركة معروفة بإيطار فضي مثل اللي في هالصورة


وبصراحة محتار جدا فيها خاصة إن المسجل اللي عندي 6 سيديهات

ياليت تعطونا رأيكم بالفكرة

بانتظار ردودكم

[السياغي]

بس وين نلقى قطعه الطبلون ؟؟؟؟؟

[السياغي]

ها نسيت فكرتك ناجحه بس اهم شيئ التوصيلات مافيها تقطيع وتلصيق

[ملك الأميرة]

والله فكرتك حلوه

خصوصا بعد ما شفتنا شاشة مهام الجزيرة ما اقتنعت فيها 100 في 100
ولون لمباتها اللي على الجنب مو نفس لون لمبات المكيف

احسها ماش

بس هي الافضل بالسوق

[العتيبي 511]

فكره حلوه
بس التركيب كيف اذا كان فيه تقطيع اسلاك بلاش الفكره

[دقات قلب]

السلام عليكم ورحمة الله وبركاته ..

الشاشة اللي ذكرها اخي عاشق المازدا موجودة بالسوق وكثيرة انواعها ..

اما عن التركيب فانا ودي افك ديكور لأي واحد من الشباب معاه تورينج اوجراندي بدون شاشة

عشان اشوف هل تركب مباشرة .. اي ان البلكات موجودة ولا لا <***** هذا بالنسبة لمهام الجزيرة

اما الشاشة المذكورة صورتها فوق .. فلابد من تقطيع للأسلاك وتركب عادي على اي سيارة والسوق مليان منها وسعرها بهالحدود

عندي لكم فكرة ..

وهي وجود شاشات جاهزة مجرد تشبكها في ولاعة السيارة وتشتغل معاك على طول ..

لها منافذ للـ USB و iPod وللبلاستيشن

طبعا زميل لي ويملك افالون قاعدين ندور له شاشة بدل الفك والتركيب والتقطيع

هذه صورتين لبعض الشاشات





أجمل تحية

[عاشـــق اللاند]

عاشق المازدا صراحه انصدمت لمن شفت صوره سيارتي ههههه تمون حبيبي بدون ماتخذ اذني انا موافق اخ عزيز وغالي وبالنسبه لفكرتك يالطيب انا رحت لمحلات كبيره عندنا بالكويت وسألتهم عن نفس فكرتك وصراحه سعر الشاشه خيالي ببلاش لا وبعد ماركه عالميه من منا لايعرف ماركه vjc مدري اذا كاتبها خطأ بس هالماركه يابانيه ومعروفه لقيت هالشاشه وتركب نفس فكرتك بملغ تااااافه جدا 80 دينار جديده يعني الف ريال نفس كلامك اليوم العصر لعيونك بروح اخذ لي جوله مع تصوير حصري لمنتدانا الغالي

[كنق الطايف]

هلا اخوي فكرتك والله حلووووووه

واخوي عاشق الاند اسمها jvc

واخر الختام السلام

:تحياتي لكم:

[عاشق المازدا]

السياغي مشكور على الرد
القطعة أكيد الوكيل يوفرها أو من التشليح
وأتوقع فيها قطع أسلاك
==============================
ملك الأميرة مشكور على الرد
بصراحة ماعمري شفتها شغالة
مشكلة إذا تختلف الألوان
=========================
العتيبي مشكور على الرد
أتوقع والله أعلم إنه فيها تقطيع أسلاك
==========================
دقات قلب مشكور على الرد
أحلى ميزة في الفكرة إنك تختار الشاشة اللي تعجبك لتعدد أشكالها
وبخصوص اللشاشات اللي انت حاطها
صراحة ينخاف عليها
عيال الحرام مايخلونها
أما خويك ممكن يساعده هالموضوع
افـالـون بـشـاشـة بـايـونـيـر

وألف مبروك على الاشراف تستاهل والله
==========================
عشاق اللاند
تسلم حبيبي على الرد وهذا يدل على طيب أصلك
وتراها jvc ا
وعلى طاري الأنواع ممكن تحصل شاشة بـ500 ريال يعني بـ 40 دينار
وفي انتظار الجولة

[دقات قلب]

المشاركة الأصلية كتبت بواسطة عاشق المازدا

دقات قلب مشكور على الرد
أحلى ميزة في الفكرة إنك تختار الشاشة اللي تعجبك لتعدد أشكالها
وبخصوص اللشاشات اللي انت حاطها
صراحة ينخاف عليها
عيال الحرام مايخلونها
أما خويك ممكن يساعده هالموضوع
افـالـون بـشـاشـة بـايـونـيـر

وألف مبروك على الاشراف تستاهل والله

العفو عزيزي ..

الشاشات اللي انا حاطها بسيطة جداً وسهلة التنقل لا فك ولا تركيب ولامسامير ولا شيء ..

يعني متى ماخلصت منها شيلها معاك البيت

انصحك فيها واحتمال بعد اشتريها واحطها بالخلف

صراحة اقتنعت انا وزميلي فيها وراح نركبها بالأفالون احتمال

بالنسبة لموضوع السهم الناري شايف هوا هالفكرة لكن ما عجبته

والله يبارك فيك ان شاء الله تسلم يالغالي ..

[احمد اورين]

كلام حلو والصراحه الشاشه هاذي كل شي فيه الكامره البلوتوث والدي في دي وشكله احله وماركه اصليه والسياره اتصير فل ابشن و السعر حلو احسن من الصيني على فكره تر الشاشه الاصليه السوده الديكور الي حوله نفس ديكور التورنج يعنب اتصير ميه ميه قطعة الطبلون تلقاه بالوكاله او السكراب نفس قطعة الكامري

[عاشـــق اللاند]

شكرا على التوضيح لاني انا قلت مو متأكد من الكتابه طبعا اخي الكريم انا وعد مني بكره بالليل او المغرب بنزل لكم تقرير شامل بالاسعار والصور والمواصفات اليوم والله مشغول

[عاشق المازدا]

المشاركة الأصلية كتبت بواسطة عاشـــق الاند

شكرا على التوضيح لاني انا قلت مو متأكد من الكتابه طبعا اخي الكريم انا وعد مني بكره بالليل او المغرب بنزل لكم تقرير شامل بالاسعار والصور والمواصفات اليوم والله مشغول

خذ وقتك

في الانتظار

[صاالح]

السلام عليكمـ
أخوي دقات قلب
مشكلة الشاشات اللي تركب بالولاعه انها راح تنسرق إذا مو اليوم بكرة
لأانها تفرق عن اللي تركب بالديكور = مايطمع فيها الحرامي
أما اللي بالولاعه حتى الظهر تنسرق
تقبل مروري،،،

[دقات قلب]

^

شيلها معاكـ بالبيتـ .. وشـ المشكلة ..