[تكفون]

السلام عليكم ورحمة الله وبركاتة
الصراحة المنتدى هذا متميز
ولذالك حبيت أشارك فية وأخذ رايكم شباب

أنا محتار من شهر بين سيارتين ...
لكزس ls430 موديل 2004
نظيف ماشاء الله واللون على ذوقي (ابيض لؤلؤي)
وبسعر 105 الف ريال سعودي

وبين فورد كراون فيكتوريا 2008 وكالة
سبورت فل كامل
بسعر 103 الف ريال سعودي

أنا عارف انكم راح تمدحون الكزس بس ياليت توضحولي أهم المميزات والعيوب فيها
وشاكر لكم ..

[وليد الخالدي]

حياك اخوي استخر ربك قبل كل شي

الناس اذواق وانا اخوك عن نفسي بشتري موتر كرت جديد او اخو الجديد يعني فرق موديل لكن سيارة مطوفه اربع موديلات ماافكر اشتريها

بعدين ولايزعلون اصحاب ال 430 بعد ال 460 صارت كيف الحال

لكن اذكر واحد من اخوياي على كلامه حفت رجوله ماحصل 430 موديل 2004 باقل من 130 الف ريال

لكن عندي سؤال

ممكن تذكر لي مكان تواجد السيارة عشان اذكرها لخويي لو ماحبيت تشتريها مع اني ناصحه بأفالون جديد احسن له مليون مرة من الي في راسه, يكفي ان الافالون 2008 جديد بقراطيس الوكاله


وبالنسبة للمواصفات فقلب الصفحات فذا القسم بتحصل الي تبيه

تحياتي لك

[فهد اليوسف]

تحياتي لك
عزيزي
اولا : وقبل كل شي استخر ربك كما قال
اخونا وليد الخالدي
ثانيا : من ناحيتي مستحيل ادفع اكثر من 70 الف في امريكي لو مهما كان
لانه مافيه مميزات
الفورد له من سنت جدي وهو نفس الشكل يا ما رفعو الاسطبات الي قدام يا ما نزلوها
والشكل الداخلي مع احترامي كنك راكب دينا الشكل هوا هوا يعني حطني تلقاني
لا جديد والسعر كل ماله يرقى واحنا مصدقين حط جنوط سبور وزاد عشر الاف
وقال سبور
وبعدين من الظلم مقارنة لكزس بفورد
الفورد تقارنه بالكامري او بلاصح مع (( الهايلوكس ))
اعذرني بس المقارنه ترفع الضغط

واخير الكزس شيك رزة ودزة على قولتهم
بس حط في بالك ان الفورد تتفوق على الكزس
بشي واحد في قطع الغيار
الكزس قطع الغيار يبيلها ظهر والفورد اسعارها مناسبه
ولو مخيرني بالسيارة الي ابي انا
قلت لكزس وانت مستريح

دمت بـ خ ـــــير

[أبـوفـهـد]

لو انا في مكانك باخذ اللكزس لان ماشاء الله سعرها كويس بس تأكد انه مافيها اي مشاكل او حصل لها صدمات وبالتوفيق لك اخوي

[تكفون]

شاكر لك مرورك وليد الخالدي
الصراحة كلامك منطقي وهذا الي محيرني
فورد وكالة == لكزس 2004
الفورد وكالة
واللكزس مكروف من 4 سنين بس في الأخير تراه لكزس
أنا باستخير والله يكتب الي فيه الخير
وبالنسبة للكزس تراها في البيان الجديد بسعر 120 الف ريال ولاكن لي بـ 105 الف ريال (بيننا قرابة)وعرضها علي بسعر التكلفة

لاكن انصح خويك إذا يبيها يتوكل على الله لأنها زي ماقلت نظيفة ماشاء الله


وشاكر لك أخوي...

[تكفون]

شاكر لك مرورك فهد اليوسف
تبي الصراحة أنا في خاطري فورد لأنه وكالة
ولاكن ودي بالكزس لأنه رزة
لاحظت من كلامك أن الفورد سيارة بسيطة لاكن حاول تتعرف على الفورد أكثر لأنها سيارة دخلة العالم بقوه
ولذالك لم يغيروا شكلها (من الأرباح الخيالية لها الشكل)
لاكن زي ماقلت بالستخير والله يعين

[وليد الخالدي]

حياك اخوي تكفون

انا من اول ماشفت السعر وانا مستغرب والحين راح استغرابي يوم عرفت انها امريكية

تصدق لو انت قايل لي محصلها ب80 الف ماراح اذكرها لأحد لأن كل السيارات الاميريكية تجي مرشوشة فورود ولا غيرها

خلك بالجديد وعليك بالعافية موتر تطلعه بيدك وتعرف وش فيه احسن من موتر تبتلش فيه ماتدري عن استخدام الي قبلك له

تحياتي لك

[محب ام عيون ببب]

لكزس ls430

الفورد مثل شكل99 يعني شكل قدددددددديم حرام عليك
وولله الكزس فرق فخامه اجل تاذ فورد حقت شيبان مع احترامي
دلع نفسك وخذ لكزس فرق
سلام

[الغامدي بوغلا]

تحياتي لمن سبقوني في الاراى .صحيح الجديد يفرض نفسه دائمآ لكن.....
هل راح يخدمك اكثرمن لكزس ؟ مااتوقع
اللكزس غنيه عن التعريف أذاهي نضيفه مثل ما تقول لا تتردد
وتقبل المرور

[إحساس خالد]

مميزات اللكزس افضل ... والسياره مرغوبه بالسوق


---

الجديد حلو يا اخوي .. بس احسب حسابك الشكل بيتغير لأنه من 98 ماتعيرت فقط تعديلات لا اكثر


الشكل بيصير قديم (مثل اللكزس)

انصحك لكزس

[بـ عدوان ـن]

لكزس ls430
2004 بـ 105 !!!!! وينها انا شراي ان شاء الله

اخي الكريم اسال مجرب لكزس 8 سنوات معي 99 ls ومن جرب الكزس ماراح يجرب غيرها ابدا

لا مجال للمقارنه واستغرب حتى من حيرتك فالمقارنه غير عادله
فلا مجال للتردد توكل على الله