الأســــــــــــــــــــــــــــهم

المسـافر · 04-21-2006, 10:56 PM

بصراحه ابي احد يرفع معنوياتي ويطمني على السوق .. هل فيه امل يرجع ؟؟؟ ...ههل راح يطول؟؟؟ هل بينتهي؟؟..هل وهل وهل...

عسكـــــريم · 04-22-2006, 03:27 PM

ترى السوق بيطيح طيحه كبيره اكثر من كذا لاتستعجل وانا اخوك
هههههههههههه

لاتصدق ديمون...انا مثلك متوهق عندي كم سهم وفيه أخبار ان السوق فيه خير وان ارباح الشركات قويه ومن المفروض ان السوق يوصل فوق الـــ25 الف نقطه لكن الواقع غير المفروض
ويقولون ان من أسباب الهبوط والمغص اللي جا سوق الأسهم بسبب الأوضاع السياسه بين امريكا وايران والله اعلم

المسـافر · 04-22-2006, 05:10 PM

مشكور اخوي محلل الاسهم عسكريم(تصلح تطلع لقناة العربيه)....الله يسمع منك لاني بصراحه حطيت مبالغ كبيره فيها...
إلا اخوي ماودكم تطرحون اكتتابات للآيسكريم

بو سعود · 04-23-2006, 12:33 AM

واله مدري ياخوي حتى انا ماكل هوا ههههههههه انشالله فيه امل هالايام يتعدل ويرجع يشين اكثر من اول قلق وش اللي قطنا فيه مدري يلا انشالله يتعدل

بو سعود · 04-23-2006, 12:37 AM

شباب سمعتو اغنية المصافي عن الاسهم كلها عن شركات الاسهم والطيحات وكذا على وزن الاماكن انشالله اجيبها لكم

المسـافر · 04-23-2006, 12:40 AM

اليوم ارتفع 400 نقطة وبعدين نزل 150عند الإغلاق...الناس اول ماتربح شوي تبيع على طوول ماتصبر وهذي المشكلة...

بو سعود · 04-23-2006, 01:10 AM

اي كل واحد يلحق نفسه

المسـافر · 04-23-2006, 01:16 AM

طبعا اذا زاد العرض على الطلب نزل المؤشر ,واذا زاد الطلب على العرض ارتفع المؤشر..الحين الناس اول ماتربح ريال ريالين تبيع وهذا يزيد العرض وينزل المؤشر..وخصوصا كبار المساهمين( الهوامير ) اللي يعرضون بكميات كبيره تنزل المؤشر بقووه

بو سعود · 04-23-2006, 01:21 AM

ويربحون من كل سهم ريالين ثلاث وشوف على عدد الاسهم اوه شي واحنا ماكلين هوا

عسكـــــريم · 04-23-2006, 03:27 PM

اقتباس:

المشاركة الأصلية كتبت بواسطة ديمون

مشكور اخوي محلل الاسهم عسكريم(تصلح تطلع لقناة العربيه)....الله يسمع منك لاني بصراحه حطيت مبالغ كبيره فيها...
إلا اخوي ماودكم تطرحون اكتتابات للآيسكريم

والله خوووش فكره.... تهقى ديمون بينعش السوق لو طرحت انا اكتتاب للعسكريم؟؟

على فكره آخر الأخبار تقول ان الهبوط والطيحه القشرا للسوق بسبب محافظ البنوك...
البنوك عندها اسهم في محافظها الخاصه من زمان وشاريتها على رخص والحين قاعده تبيع فيهم..
((هذا على حسب كلام مدير الاستشارات المالية -الضحيان-))

المسـافر · 04-23-2006, 03:36 PM

نعم كلامك صحيح ... واحب ازيد فيه ان بعض كبار المساهمين ( الهوامير ) اللي مابعد طلعوا من السوق.. بدو يطلعون الحين بخساره..

بو سعود · 04-24-2006, 01:10 AM

احسن يستاهلون مو بس احنا ناكل هوا

المسـافر · 04-26-2006, 07:02 PM

ابشررركم الـ 3 ايام هذي ارتفعت فيها الاسهم بعد قرارات التي اصدرها مجلس الوزراء السعودي..
انشاءالله يستمر الصعود هذا.

عسكـــــريم · 04-26-2006, 07:17 PM

ايه على طاري الاسهم....
يقولك لاتخاف اذا صار هبوط بعد هالارتفاع الحلو...لأنه لجني الارباح فقط وبعدين ان شاء الله بترجع الثقه للسوق من جديد

المسـافر · 04-26-2006, 07:25 PM

الله يسمع منك اخوي عسكريم

بو سعود · 04-27-2006, 05:46 AM

انشالله ترتفع ادعو

المسـافر · 04-27-2006, 11:08 PM

اليوم نزلت ....

" مشرف المنتدى العام "