في الحقيقة اللكزس افضل من حيث المساحة والخدمات بعد البيع وتماسك سعره عند البيع والقوه في الجبال والرمال,,,
الx5 اكثر قوه ع الخط واكثر رساوه وتماسك وتقنياته اكثر ونوعية الخامات افخم ( الجلد والحديد وستاير جانبية وجنوطاكبر واضاءات زينون )
أنا أضم صوتي مع صوت اخوي رائد بن زومه لأن الحقيقه مافي وجه مقارنه. كل من السيارتين لها طابع خاص فيها وزبائن خاصين ايضا ولا أعتقد فيه شي مشترك بين السيارتين الا حاجتين1- الدفع الرباعي هذا ممكن تفتح فيه موضوع منافسه بين السيارتين كأداء فقط.2-الفخامه وراحه مع تفوق البي ام اكس 5 بعض الشئ.هذا من وجهة نظري تقبل مروري.......
موصفات اللكزس
1. المكينة 5.7 ، 362 حصان ، العزم 54.1 كجم .
2. كراسي كهرباء ورا .
3. 3 كيميرات، ورا و جدام والجنب .
4. مثبت سرعة مع رادار، يثبت المسافة بينك وبين اللي جدامك .
5. الرنجات 18 انش .
6.طي الكتروني لكراسي الصف الثالث، وتحريك الصف الثاني الكتروني علشان تدخل للصف الثاني .
7. السيارة تنزل تلقائيا "هايدروليك" وقت ما تفتح الباب عشان اتسهل الدخول والخروج .
8. اللايتات تلف يمين وشمال على حسب المقود وعلى حسب مستوى السيارة والسرعة
9. نظام الامان "ما قبل التصادم"، يجهز السيارة اذا السيارة توقعت حدوث حادث بانه يصدر اصوات تحذيرية و يجهز المقود باكثر حساسية و يجهز المكابح علشان يكون اشد واسرع، و يجهز الجامبينات علشان اتكون اثبت، ويثبت حزام الامان، و يثبت مساند الراس، ويحقق أفضل قوة تخميد لممتصات الصدمات أثناء الفرملة للمساعدة على الحد من ميل مقدمة السيارة للاندفاع نحو الأسفل، يعمل نظام المراقبة بالرادار اللي ورا واللي جدام.
10. اكياس هوائية في كل الصفوف، امامي وجانبي وللرأس وللركبة .
11. الجامبينات تتغير على حسب السواقة، وعلى حسب الاختيار، مريح، عادي، رياضي
12. دي في دي جدام وورا، نظام تسلية خلفي (مثل الطائرة) و تخزين 8 جيجابايت حق الصوتيات والمسيقى، سماعات لاسلكية ونظام تحكم عن بعد .
13. نظام صوتي 19 سماعة MarkLivenson ثلاثي الابعاد .
14. الباب الخلفي (الشنطه)، اوتوماتيكي، مع شفط .
15.توجيه المقود الكتروني، "نظام التوجيه ذي نسب التروس المتغيرة"، يعني اذا تمشي بسرعة بطيئة، يلف المقود بسرعة (كسرة قصيرة) واذا تمشي بسرعة عالية، المقود اثقل وحساسية اقل عشان تسيطر بشكل اكثر .
16.نظام التعرف على المطر - المساحات الزجاجية الاوتوماتيكية .
17.المرايا الجانبية تطوى اوتوماتيكيا، المقود يتحرك ويضبط الكترونيا مع التخزين .
18.نظام تبريد وتسخين المقاعد - الامام والخلف .
19. منظم المساعدة على بدء الحركة على التلال .
20.نظام مؤازر الفرامل.
21 مقدمة السيارة مصصمة لتقليل تأثير حوادث الدهس بحيث انه لا تاثر على جسم صغير الحجم مثل الاطفال .
22.منظم مساعدة الانطلاق على التلال: يخليك تصعد وانت مرتاح بدون ما تشغل بالك بالبريك، ما بترجع السيارة: إذا بدأت السيارة بالانزلاق نحو الخلف عندما يحوّل السائق قدمه من دواسة الفرامل إلى دواسة السرعة أثناء بدء الحركة على منحدر حاد أو تلة منزلقة، فإن منظم مساعدة الانطلاق على التلال يقوم بتشغيل الفرامل تلقائيًا برفق لتقليل حركة السيارة نحو الخلف.
23. الجير 6 غيارات مع نظام سبورت و ذكاء اصطناعي يحدد نمط الجير والتروس على حسب نمط السياقة
اسم النظام هذا "AI-SHIFT" ، بالإضافه الى التب ترونك .
واخيراً محرك اللكزس عند الحادث القوي من الامام ينزل تحت ولا يدخل على السائق .
اتوقع ان كل هذا يستاهل 325 الف ريال مع احترامي لل بي ام X5 فما اعتقد فيها كل هذه المواصفات !!!
لكزس وخل عنك البي ام هذي السياره اللي نافعنها اسمها وبس ولكن لا جوده ولا خربطان وبعدين خذ لكزس وغير رنقاته بس وبتكده كد لين تذله لانه اللكزس تستعمله شارع وبر اما الاكس 5 شارع والفورويل مالها اسم وسلامتك
أنا صراحة أشوف أن المقارنة بين هذي السيارتين مقارنة خاطئة... السيارتين ما من نفس الفئة فكيف نقارن بينهم ... الاختيار يعتمد على ذوق و حاجات الشخص... اللي يريد سيارة واسعة و يريد يوديها في الرمال ياخذ لكزس و اللي يريد سيارة متوسطة الحجم لها شكل سيارات الدفع الرباعي ياخذ X5...
... الاختيار يعتمد على ذوق و حاجات الشخص... اللي يريد سيارة واسعة و يريد يوديها في الرمال ياخذ لكزس و اللي يريد سيارة متوسطة الحجم لها شكل سيارات الدفع الرباعي ياخذ X5...