120 صورة لـ شعيب محرقة الاثنين 24/5 وسيول الدلم والحوطة والحريق الثلاثاء 25/5/1433

[سال السيل]

بسم الله الرحمن الرحيم
السلام عليكم جميعا وأسعد الله أوقاتكم بالخيرات..
مبارك لجميع الديار الممطورة..

هذي تقرير عن سيل شعيب محرقة قرب مفرق دقلة على طريق الثمامة..
قبل أمس الاثنين 24/5/1433 وآثار السيول والخير أمس الثلاثاء 25/5/1433 على جنوب الرياض في الدلم والحوطة والحلوة والحريق..
رافقني يوم أمس ابن العم وعضو المنتدى خلاوي3..
أترككم مع الصور..
وفقني الله يوم الاثنين بإدارك لسان شعيب محرقة وأول جريانه كما في الصور..

سبحان الله هب هواء قوي ومعه موجه غبار وأصبحت الصورة الأخيرة بهذا الشكل..
يا رب رحمتك..

بعدها سلكت طريق الرياض القصيم مع مفرق دقلة ومن مسكته إلى وصلت أطراف الرياض وهي تمطر بين متوسط وخفيف ما شاء الله تبارك الله..

[سال السيل]

جولة الدلم والحريق والحوطة أمس الثلاثاء..
بداية دخلنا الخرج وفي أحد الشعبان كان هناك سيارة تعطلت داخل الماء..
ويظهر في الصور أحد المارة يعبر الماء بطريقة سريعة لا حاجة لها!!

وهذا معبر آخر جازف فيه راعي الباترول والشاص والحمدلله اللي طاعنا راعي الهايلكس ورجع..

شعيب الرغيب داخل الدلم ثم بين المزارع ثم على طريق الحوطة..

بين المزارع

هنا على طريق الحوطة

منقع ماء ضخم قريب من المنسف على طريق الحوطة..

في طرف الحوطة قبل دوار الحريق والحلوة..

الشعيب عند مزرعة ابن محمود قرب الحلوة

[سال السيل]

سد جميل في طريق الحريق..
في أطرافه منظر خضار الخبيز كما أظن في منتهى الروعة والمياه تتخلله..
ولا حظوا آخر ثلاث صور جيداً..
ههههههههه

صور من وادي الحريق وهناك كانت الجلسة والقهوة..

بعدها سلكنا طريق العودة..
ولما دخلنا الدلم لاحظنا كثرة الناس مع أحد الطرق التي تمر بين مزارع..
فلما ذهبنا معه وجدناه مليئ بالعبارات التي تهدر بالماء..
والمزارع تغمرها المياه ما شاء الله تبارك الله..

محاولة عزل..
رفيقكم عليمي مشوها..
ههههههه

جمال الانعكاسات..

قوة شفط العبارة..

المياه تغمر الاراضي..
وأحد السيارات داخل الماء مع كنب..
وعبارات أخرى..

[سال السيل]

ومن الدلم أيضاً..

جمال زهر البرسيم ختام التقرير..

أسأل الله عزوجل أن أكون وفقت في عرض ما يليق بمقامك ويرقى لإعجابكم ..
وتقبوا تحيات أخوكم المحب سال السيل..

[iFord]

ماشالله تبارك الله امطار خير وبركه

ومناظر اكثر من روعه والقهر اني مارجع والا واحصلها نااشفه ومتقبل الامر الواقع

ولا هنت ع التقرير والصور ومجهوود يستحق الشكر

يعطيك العافيه

[Aa1]

يامال العافيه يابو عبدالله على هالصور اللي تشرح الصدر

وتسلم يمينك ويمين خوييك وماقصرتو علي هالبداع


وتقبل تحياتي

[Black Prado]

ما شاء الله الديار جنوب الرياض جاها رش مهب بسيط الايام الماضيه.... اللهم اجعلها امطر خيير .......... وتغطيه حلوه ........... وفكك من حركات العزل .... الصور زي ما هي حلوه......ولاعدمناك .... لاتحرمنا من جديدك

[محقان]

مشاء الله تبارك الله ياللهم من فضلك
الله يجعله امطار خير وبركه
ويعطيك العافيه على التقرير الاكثر من رائع

[الإمـــبراطور]

وعليكم السلام ورحمة الله وبركاته

ماشاء الله تبارك الرحمن تقرير متميز وصور اروع امطار خير وبركه على المسلمين
اكثر شي يمدحونه العالم الحوطه والدلم والصراحة تستاهل المدح

لاهنت يابو عبالله على التقرير ورفع الصور

تستاهل الخلطه

[iMohd]

ما شاء الله تبارك الله

تقرير لذيذ جداً

و كل صورة تحكي شئ من الخيال وخاصه صوره الانعكاس

الله يبيض وجهك ع التقرير الذي اثلج صدري

[& بدر المحمد &]

مشاء الله امطار وخير
وتقرير يفتح النفس
بيض الله وجهك وماقصرت
بس ليش مامريت علي علشان اخاويك

[ابراهيم.1]

ما شاء الله تبارك الله

الله يعطيك العافيه يالغالي ..

وتستاهل خلطة التقييمات

[عبدالله الزهرن]

مشكور على الطرح

[سال السيل]

المشاركة الأصلية كتبت بواسطة فكتوري صميم

ماشالله تبارك الله امطار خير وبركه

ومناظر اكثر من روعه والقهر اني مارجع والا واحصلها نااشفه ومتقبل الامر الواقع

ولا هنت ع التقرير والصور ومجهوود يستحق الشكر

يعطيك العافيه

حياك الله..
الأرض لما تكون عطشانة تشرب المويه بشكل سريع..
لكن إذا كان الشعيب له شعبان ثانية تصب فيه فإنه بإذن الله تطول..
إن شاء الله تكون لحقت على أثر الخير..
شاكر تشريفك ومروك..

[سال السيل]

ما شاء هجوم كاسح كلكم ورى بعض هذي يبي لها تفسير كموم..
ههههه

المشاركة الأصلية كتبت بواسطة aa1

يامال العافيه يابو عبدالله على هالصور اللي تشرح الصدر

وتسلم يمينك ويمين خوييك وماقصرتو علي هالبداع


وتقبل تحياتي

هلا وسهلا براعي الساير..
الله يسلمك ويحييك..
شرفت ونورت يالغالي..

المشاركة الأصلية كتبت بواسطة black prado

ما شاء الله الديار جنوب الرياض جاها رش مهب بسيط الايام الماضيه.... اللهم اجعلها امطر خيير .......... وتغطيه حلوه ........... وفكك من حركات العزل .... الصور زي ما هي حلوه......ولاعدمناك .... لاتحرمنا من جديدك

هلا بالغالي ومرحبا..
الحمدلله أبريل السنة ذي كثير من المناطق جتها سيول طيبة..
عسى الله يطرح فيها البركة..
أجل ما جازت لك حركة العزل ههههههه.
نشوف راي المصور والمخرج فيها هههههه..
شرفتني يالغالي..

المشاركة الأصلية كتبت بواسطة الإمـــبراطور

وعليكم السلام ورحمة الله وبركاته

ماشاء الله تبارك الرحمن تقرير متميز وصور اروع امطار خير وبركه على المسلمين
اكثر شي يمدحونه العالم الحوطه والدلم والصراحة تستاهل المدح

لاهنت يابو عبالله على التقرير ورفع الصور :sniper (9):
تستاهل الخلطه

هلا بالعمدة ومرحبا..
المميز تشريفك يا بعدي..
فعلا الايام اللي طلعت فيها كانت هي الأفضل على المنطقة اللهم لك الحمد..
وشاكر لك على تشريفك والخلطة ما قصرت..

المشاركة الأصلية كتبت بواسطة imohd

ما شاء الله تبارك الله

تقرير لذيذ جداً

و كل صورة تحكي شئ من الخيال وخاصه صوره الانعكاس

الله يبيض وجهك ع التقرير الذي اثلج صدري

هلا هلا بأوفهد هلا وغلا..
الله يسلم يالغالي حسيته كبسة ههههه من ذوقك..
أعجبتك الانعكاسات تراي عاد أصدق هههه
شاكر تشريفك وحضورك..

المشاركة الأصلية كتبت بواسطة & بدر المحمد &

مشاء الله امطار وخير
وتقرير يفتح النفس
بيض الله وجهك وماقصرت
بس ليش مامريت علي علشان اخاويك

حياك الله بدر هلا ومرحبا..
الله يسلمك يا بعدي..
أفااا وأنت ودك تخاوين أثرك طيب وراك ما طلعت لي يوم أطنب بوري:d:d
لي الشرف والله ويا ليت نشوفك قريب إن شاء الله..

[سال السيل]

المشاركة الأصلية كتبت بواسطة محقان

مشاء الله تبارك الله ياللهم من فضلك
الله يجعله امطار خير وبركه
ويعطيك العافيه على التقرير الاكثر من رائع

الله يعافيك ويسلمك..
شاكر تشريفك..

المشاركة الأصلية كتبت بواسطة ابراهيم.1

ما شاء الله تبارك الله

الله يعطيك العافيه يالغالي ..

وتستاهل خلطة التقييمات

أهلا وسهلا فيك والله يعافيك ويسلمك.. شاكر الخلطة والتشريف..

المشاركة الأصلية كتبت بواسطة عبدالله الزهرن

مشكور على الطرح

العفو يالغالي شاكر تشريفك..

[يزوووودي]

ماشاء الله عليك يبو عبدالله
تغطيه أكثر من الرائع
وعجبتني جمال الانعكاس يامحترف انت
تقبل مروري ,, وتستاهل التقييم

[العضيبي]

طلعة وناسة وتقرير مشوق

[لاند ماكس]

مشكور ما قصرت

تقبل مرووووري

[KisH MaliK]

الله يعطيك العافيه