[ارسنال غالب]

السلام عليكم

أنا ناوي باذن الله اشتري حي اس 430 2008 ولكن اللي محيرني اللون واللي زايد الطين بلة ان الفطيم ماعندهم حاليا غير اللون الابيض والاسود وانا خاطري بالفضي ولكنه بياخذ تقريبا من شهر الى شهرين فشو رايكم اشتري الابيض ولا انتظر شهرين..........................

[أبوحمزه]

السلام عليكم
والله أنصحك بالانتظار
لأنها سيارة العمر وما خاب من صبر ولاندم من من استشار

[ليكزي]

حيالله محبي وعشاق الآرسنال

شوف، اذا لون انت خاطرك فيه ، لا تتردد ولا تستشير أحد لانك بتندم بعدين وبتحتر اذا شفت نفس الموتر ونفس اللون مار حذاك .. فانا اقول انطر شوي وهانت ان شاء الله ..

بس تبي الصراحة ، عن نفسي ، انا أشوف الأبيض أروع الألوان ، وحتى اذا الموتر توصخ شوي ، تلاقيه يصفر شوي ويصير اروع حتى ..

مع اني اخترت اللون الجديد 1G5 (أكبر سبب ، علشان اكون جديد x جديد )، بس لو رجع فيني الزمان يمكن كنت برجع للحب القديم (اللون الأبيض 077) .. هذا مب معناته ان اللون اللي اخترته مب حلو، بالعكس، لكني احس الأبيض أحلى سواء في النهار او الليل ..

الفضي صراحة ماعجبني على الـ GS .. مادري يمكن لاني مليت من هاللون (الوالد طول عمره يشتري سيارات لونها فضي ) ..

وانت و ذوقك طبعا .. الله يوفقك ..

تحياتي
ليكزي

[مملوح الكون]

ياخوي فضي لون محترم وانتظر بصراحه ماعندك مشكله

[م ع ي جي إس]

السلام عليكم ورحمة الله وبركاته
هلا فيك أخوي ( عاشق أرسنال ) و مرحبا بك نورتنا في المنتدى .
إسمعني أنا مع أخوي ( أبو حمزه ) هاذي سيارة العمر إذا كان خاطرك في الفضي لا تشتري إلا هو لأن لو رح تشتري غيره و أنت ما تبيه ما رح تملى السياره عينك بعدين يعني ما رح تكون معزتها مثل معزتها إذا كانت على ما تبي . و بعدين شهرين يالغالي مو شي اللي صبرك كل ذا الوقت إصبر زياده شوي . و إذا كنت مستعجل تبيها روح دور في غير فرع الوكاله اللي رحت له المره الأولى روح إماره ثانيه و إسئل هناك يمكن تحصل . و الله يوفقك للي فيه الخير .

ليكزي إيش فيه الفضي ؟؟؟؟؟؟؟؟

تقبل مروري

[هاروك]

الله يباركلك يا أخوي

بس ويش رأيكم بالكحلي على الـgs