تجربة Lx570 في الفطيم

فيصل_دبي · 03-10-2008, 09:20 AM

السلام عليكم....

جربت أمس سواقة اللكزس Lx570 عند الفطيم لمدة 45 دقيقة....بصراحة السيارة روعه بكل معنى الكلمة....العزم...السواقة...الفخامة...في كل شي غير...أحسن انها بتمسح كل الفوروييل بلا منازع...فرق كبير بصراحة بينها و بين الكروزر...نقدر نقول فرق السما من الأرض....كنا من زمان نقول شو الفرق بين اللكزس و الكروزر خذ لك كروزر أحسن و أرخص...بس ألحين لأ لأ لأ....lx570 كلام ثاني الصراحة....بس في شي لفت انتباهي و انا رايح أجرب السيارة...الناس اللي كانو ما خذين السيارة قبلي يوم خلصو تجربة السيارة و نزلو سألو مندوب المبيعات عن السعر قالهم:325 ألف....قالو الصراحة ما تستاهل!!!!!!مع ان سيارتهم القديمة Lx470 ....أنا مستغرب كيف يقولون ها الشي مع أنه الفرق صار كبير جدا و للأحسن...و الغريبة انه نفس الجماعه اللي قالو انه سعرها كبير و مبالغ فيه...سألو عن حجز السيارة و كم مدة الإنتظار؟؟؟؟غريبة!!!!!!!

ولد المرر · 03-10-2008, 10:43 AM

فيصل ــ دبـــي

شكراً على المعلومات .... تسلم يمنآآآآآآك

وعقبال ما أنبارك لك بالسيارة الجديدة ...... إن شاء الله .......

تحياتي للجميع .......

أبوحمزه · 03-10-2008, 11:28 AM

شكرا عالخبرية والله يرزقك وتشتري واحد
وعلى فكرة سعره عنا بالشام مع رسوم التسجيل
740000 ريال سعودي

مدور الحب · 03-10-2008, 11:42 AM

ولدالدوحه · 03-10-2008, 01:15 PM

مشكور اخوي على الأخبار الطيبة ويعطيك العافية ، في الحقيقة لا يختلف اثنين على اللكزس 2008 واكيد السيارة رح يكون لها شأن اخر خلال الأيام القادمة بس المشكلة الحقيقية في السعر لدى البعض بس مادام السيارة بهذه الفخامة والمواصفات اكيد السعر راح يكون بقيمة الكماليات الموجوده بال Lx570 .

ملك الأميرة · 03-10-2008, 08:50 PM

مشكور على نقل تجربتك لنا

وبخصوص السعر بيرخص شوي بس هو غالي الحين علشانه توه نازل واللي يبي يكشخ به ويكون من اوائل من ملكوه الله يعينه بس شوي وبينزل يعني يمكن يكون الفل بــ300

فيصل_دبي · 03-10-2008, 10:55 PM

عندنا كل شي يزيد سعره ما ينقص

ولد المرر · 03-11-2008, 10:34 PM

هآآآآآآآآآآآآه .... فيصل ــ دبــــي

شوووو آخر الأخبار عندك ... دورك ... وين وصل في شراء اللكزس .... ومتى بتنزل الدفعة القادمة ... أكيد جميع السيارات تسلمت للـ vip لأنني شفت اليوم عدة سيارات لكزس على شوارع دبــي ...

ممكن أحصل عندك أو عند أحد الأخوة الكرام ... هواتف وكالة بهوان .... لأني صراحة فقدت الأمل وممكن المسألة تطووووول ... وبيدخل علينا الصيف ووقت السفر وإحنا ما أستلمنا السيارة ... ممكن إذا حجزت بالوقت الحالي عند بهوان أحصل عليها بعد شهر أو على الأقل شهرين ....

أحب أعرف رأيك أو رأي الأخوة الأعزاء عن الحجز بوكالة بهوان وعن مضمون أحقية وسلامة الحجز......

تحياتي وسلامي للجميع ........

فيصل_دبي · 03-11-2008, 10:44 PM

مر حبا أخويه........

أنا بستلم السيارة بإذن الله نهاية الشهر هذا.......يتريون المركب (على وصول) ....طبعا حجزت اللون الأبيض...

...نصيحة مني لا تشتري من بهوان...لأن سعر الفل أبشن عنده 335 ألف درهم و نحنا 325 ألف...و الاستاندرد (عند بهوان) اللي ما فيها مواصفات ب 300 ألف...يعني ما تسوى...الواحد ياخذ شي زين مره وحده...هذا رقم بهوان اذا تبى : 0504821591....

اذا تبى تستلم اللكزس عند الفطيم طرشلي رساله برقمك و أنا بسويلك ترتيب.......انشا الله بتستلم قريب

ولد المرر · 03-11-2008, 10:52 PM

مشكور أخوي فيصل ....

هذا كرم منك .... وكثر الله من أمثالك .... أنا ما يهمني الله يسلمك المبلغ ... بأي سعر بشتريه ... لكن مب بعد شهر أو شهرين ....

وسلامي لشخصك الكريم .....

فهاد · 03-11-2008, 10:53 PM

مشكور ياخوي فيصل

ولكن هل في فرق بين وارد الفطيم ووارد بهوان؟

فيصل_دبي · 03-11-2008, 10:58 PM

الفل ابشن من البريمي نفسه اللي عندنا بالضبط ما شي فرق...بس أغلى عنا ب 10 الاف درهم...و فوق هذا كله مب موجود اذا بتحجز الحينه..يمكن تستلمه في شهر 6 أو 7....فوق هذا كله لازم تتدفع عربون 20 ألف درهم

تركي الكردي · 03-12-2008, 04:10 AM

السلام عليكم جميعا

الصراحه اخوي فيصل-دبي اشكرك على هذا الموضوع وانا حبيت ارد على انك مستغرب ليش الناس تقول هذي السياره ما تستاهل هالسعر ....
جوابي هوه
1-السيارات الحين كلها ارتفع سعرها بدون اي استثناءات
2-العقليه القديمه واللي ذابحتني انه لين الحين عند بعض الناس اللي مركبه كتمه على عقولها وتقول انه الفخامه بس للسيارات الالمانيه مع انه اللكزس بالتحديد من الياباني اللي يتحداهم في عقر دارهم
3- النايس ما تنظر للتقنيات اللي فالسياره نظرها بس المسجر العدادات السكان الخشب الى اخره مع انه في اشياء وايد مخفيه مش موجوده في سيارات ثانيه
وسلامتك يا خوي وسمحولي على الاطاله

حسونه · 03-12-2008, 09:12 PM

اقتباس:

المشاركة الأصلية كتبت بواسطة أبوحمزه

شكرا عالخبرية والله يرزقك وتشتري واحد
وعلى فكرة سعره عنا بالشام مع رسوم التسجيل
740000 ريال سعودي

تقصد 470,000

الغريب11 · 03-14-2008, 01:00 PM

اقتباس:

المشاركة الأصلية كتبت بواسطة حسونه

تقصد 470,000

اعتقد لان هناك جمارك 200 %

الكميم · 03-14-2008, 10:12 PM

اقتباس:

المشاركة الأصلية كتبت بواسطة فيصل_دبي

الفل ابشن من البريمي نفسه اللي عندنا بالضبط ما شي فرق...بس أغلى عنا ب 10 الاف درهم...و فوق هذا كله مب موجود اذا بتحجز الحينه..يمكن تستلمه في شهر 6 أو 7....فوق هذا كله لازم تتدفع عربون 20 ألف درهم

==

السعر المعقول 73000$ طبعا لرقم واااااااحد

اللكزز في الغالب مواصفات واحده ولكن ؟؟؟؟

==
تحياتي

ولد المرر · 03-23-2008, 12:50 PM

من تاريخ 10/3/2008 وحتى اليوم بتاريخ 23/3/2008 يعني 13 يوم وأرتفعت قيمة اللكزس (5000 ) درهم ... طبعاً حسب خبر الأخ فيصل ـ دبي ...

..الله يكون في عوووونا نحن الفقراء حتى إستلام هذه السيارة ... ألــ vip أستلموا السيارات بدون زيادة وخلوا الزيادة على الفقراء المساكين من أمثال ( ولد المرر ) ..... .....

سلامي للجميع ..........