[..:: ستيشن ::..]

السلام عليكم ورحمة الله وبركاته

لدي سيارة إنقطع سير التيمن والسيارة تمشي بسرعة فذهبت عند مكانيكي قريب وقال بدل التالي :-

1/ ميزانية التيمن .
2/ بلووف كامل
3/ علب البلوف
4/باكن كور
5/ سير التيمن

والميكانيكي قال كل شي تمام وجيت أجرب السيارة لما تحطها رقم 1 تقعد تنطنط و أديها 2 وهااااا وهاااا
الحاصل السيارة تقفز والمكينة تقطع وتقول ... تف تف تف تف تف !!
والدخان أبيض ويقطع

الحاصل مشرووووووووووووووووووووووووووووع

الحلول :-
الميكانيكيين والناس :-
1/ روووح أفحص الريارة عند كهربائي .
2/ أفحص السيارة بالكمبيوتر .
3/ أرميها .
4/ البخاخات .
5/ الكلبليتر .
.........
.......
.......
........
........



والحل .. بيجن جنوني ياناس

[أبوسعــد]

للرفع

الله يعينك ويساعدك اخوي ستيشن...

[م: أحمد]

سوي وزن للبلوف ......

[تـو كورولا يوتا]

يياخوي روح وديها عند ميكانيكي ثاني لانه الميكانيكي هذا ماف راسه ميكانيكا روح عند ميكانيكي ممتاز عندكم وروح سوي نص توضيب او خليه يفك الميكنه يشوف البساتم سليمه ولا لا والله يعينك يااخوي
وان شاء الله يكون افدتك ..وتقبل مروري

[عاشـــق اللاند]

ريح بالك من المكيانيكه والخرابيط ودها للوكاله وسو لها فحص شامل اخذ التقرير وروح صلحه برا وريح بالك وانا خوك

[خالدالذهبى]

عزيزى الحل ان الميكانيكى ركب سير التيمن مقدم سنة او ماخر سنة.... هذا واللة اعلم

[الـــديـــم]

وعليكم السلام ورحمة الله وبركاته


الفكسار المفروض يتغير فيه سير التايمن كل 150 الف
واذا انقطع سير التايمن مثل ما صار معك
معناته البلوف راحت تحتاج تغيير وتوضيب للمكينة
والميكانيكي صادق
والله يعينك ويوفق الجميع

[غامد العز]

زي ماقال لك اخوي المطيري عاشق الاند,
مر الوكاله وشوف وش فيها.

تنبــــــــــــــــــــــــيه لكل الأخوان: سير التيمن (Timing Belt ) يتغير كل 80 الف كم.

[الـــديـــم]

اخي الكريم غامد العز
سير التايمن اذا كان حديد مايتغير الا في حالة توضيب الماكينة كنوع من التجديد فقط
مثل الكروزر 6 سلندر 4500 حديد وما يتغير ابدا
اللي يتغير النوع المطاطي مثل اللي على الكامري والكروزر 8 سلندر
تقديري.,

[عنـــ المجازف ـــوان]

ودها الوكاله هم اللي بعينونك بعد الله عز وجل وسويلهافحص كمبيوتر

[كامري مجنونة]

الوكالة يا أبو الشباب

مالك ومال شغل الميكانيكين

كلهم مابراسهم يسويلك فتوى من راسه

[الهدجان]

اذا كانت السيارة اتف تف وضغطها غير متوازن واطلع دخان وتطفي, قد يكون عندك سببين

الاول : يمكن يبغالك تغيير خانق الهواء او حساساته

الثاني : قد تحتاج الى تغيير كمبيوتر السيارة

[غامد والقلب جام]

ريح بالك ودة الوكالة وبس

[عاشق المطر]

وش نوع السياره ياخى العزيز

[كـامري و بــــس]

هلا اخوي سارت معي المشكله بسياره كيا اوبتما لاخوي وبعلمك الطريقه يمكن تفيدك حيرتني نفس الشي زي ماقالولك الاخوان شيك على البلوف والبساتم لان لما ينقطع سير التايمن يتحرك البلف بسرعه ويطعج البساتم الي تحت البلوف وشيك البلوف لما تفك الراس بالمخرطه المكنيكي مايعرف100% المخرطه تحدد البلوف راكبه صح ولا بس اهم شي البساتم احتمال مطعوجه هي السبب بالدخنه ورجه المكينه والله يعينك