[بوبتول]

السلام عليكم ورحمه الله وبركاته

حقيقه سعدت جدا وقت مالقيت منتدى متخصص لجميع انواع سيارات لكزس

فكلي ثقه ماباخذ المعلومات الصحيحه الا من اهل الخبره


ياشباب ابي المشوره

محصل جيب لكزس 470 موديل 2005 الون لؤلؤي ولون الفرش الداخلي اسود

الصراحه ماشفته مباشره يعني مجرد صور له وصاحب السياره اجنبي ومن بعد مراسلتي له وارسال رقمه لي عرفت من الكود ان من رومانيا

شرايكم بالموتر من مواصفاته الي ذكرتها وكم يسوى واذا في حد يقدر يفيدني كيف ممكن اتفق معاه بالشراء مع ضمان حقي لاسمح الله من النصب او الاحتيال
بكون له من الشاكرين والداعين

وهذا رقم الشاصي للموتر JTJHT00W053555841

ياليت حد يقدر يفيدني من خلال رقم الشاصي اذا السياره جاتها صدمات او غرق او اي شي من الاشياء الي تعيبها
لاني تعبت وانا ابحث عن الخدمه هذي ووقت ما القى الموقع هذا ما استفيد منه الا من شي واحد
وهو ان مكان الصنع اليابان

يعني اضن انها وارد اليابان

اتمنى حد يفيدني علما ان سعرها بالنسبه لسوق الخليج يعتبر مناسب جدا

اتمنى التجواب ياشباب

[عبر سبيل]

السلام عليكم و رحمة الله و بركاته بوبتول و ش الله حادك تشتري Lx470 الشكل الجديد نزلLx570 و الناس راح ترغب الشكل الجديد أكثر من القديم و أنا أنصحك أن تكف نفسك من التعب و الشحن و تدفع القيمة في سيارة لاندكروزر 2008 بقيمة الكزس الي بتاخذه و أن كانك راغب ال Lx470 فالله يهنيك و بالنسبة للنقل لا أملك أي معلومة عن النقل من رومانيا و لا كن سمعنا عن السرقات الي تتم أثناء النقل الله يبارك بالسيارة المناسبة و في الأخير تقبل مروري

[راعي شاص]

Be careful Romanian mafia = (stolen C A R S) and send it to arab countries..!

[كوع نمله]

ابتعد عنه هذا نصاب وقد سمعت عنه كثيرا في منتديات السيارات

[كبير على مخك]

انزل معارض الرياض

او معارض الشرقيه ودور لك موتر على راحتك

وش حادك رومنايا مدري وشي اخاف فلوسك تروح ولا يجيك موتر

واذا تبي نصيحه / انا كان عندك فلوس تجيب لك2008 طلع

والله يكتب اللي فيه الخير ويوفقك

[بوبتول]

الله يعافيكم جميعا وماقصرتو

الصراحه السعر الي حاطه مغري وهذا الي مخوفني اكثر

ياترى مافي حد عنده خبره في استيراد السيارات من الخارج ممكن يفيدني بطريقه اضمن حقوقي فيها

ولا مثل ماقلتو بلاها شروه والمعارض مليانه وان كان في فيرق بالسعر وتضل فلوسي بجيبي

يعافيكم جميعا حبايبي

[طلال بو الوليد]

اخي العزيز انصحك بالابتعاد عن الشراء من دول اوروبا الشرقية... بس اذا نويت تتوكل فانصحك بالتالي:

1. اطلب رقم المحرك و طابق رقم الشاصي مع رقم المحرك (الوكيل راح يقدر يقوم بهالشي)

2. طريقة الدفع لازم تكون عن طريق الاعتماد البنكي (لا تقبل بحواله) و حط شرط استلامه للمبلغ مربوط بمعاينتك للسيارة لدى وصولها للميناء. باللغة الانجليزيه طريقة الدفع تسمى Letter of Credit و هي تحميك.

و تذكر اخي العزيز السعر المغري ما هو الا طعم عشان يشدك و يغريك. و انصحك مره ثانيه ابتعد عن هالدول و انا اعتقد انك من راح تقوله عن طريقة الدفع بيشرد و الله يوفقك وكل المسلمين. شكرا

[كامري الزياد]

كذا مره سمعت ان فيه نصابين يجيبون لك كل شي

ويقولون لك ادفع وانتضر ويسحبون

[ابو عامر الاول]

نصيحه سلم واستلم وغيره لا

[حد الحسام]

انزل المعارض هنا واشتري الموتر اللي يعجبك افضل من هذيلا النصابين وعملاء

المافيا .