[عبودي مكه]

السلام عليكم

اخباركم يا جماعه ؟ ان شاء الله طيبين
والله انا ناوي على IS لكن خايف اتحسف
لانو كثير قالو لي صغير من ورا ... مع العلم اني كنت ابطلع سياره كوبيه
لكن شفت الـIS وعجبني مره ... ايش رايكم

وعندي شوية اسئله
بالنسبه للفل كامل هل يجي معاه جناح ولا من الاكسسوارات الاضافيه ؟
وهل فيه كاميرا خلفيه زي الـES ؟
وايش رايكم تنصحوني فيها ولا لا ؟

اسف لو طولت عليكم
واتمنى تساعدوني وتردون علي

وشكراً

[ليكزي]

عليكم السلام ..

مرحبا أخوي ..

والله انا ناوي على IS لكن خايف اتحسف
لانو كثير قالو لي صغير من ورا ... مع العلم اني كنت ابطلع سياره كوبيه

هاااا الحمد لله خلصنا من المشكلة ، بروحك قلتها ، تبيها مثل الكوبيه والـ IS تقريبا كذلك (ما عندك مشكلة ان شاء الله) .. تقريبا ما تهمك المقاعد الي وراء، عيل ليش تتحسف وتندم ؟!

وبخصوص المساحة الداخلية، هذه تعتمد عليك ,, اذا انت تشوف انك ما في مشكلة بالنسبة لك، توكل على الله ..
عن نفسي، انا ركبت السيارة عشرات المرات اثناء زيارتي للوكالة ..
لن اقول انها وسيعة او المساحة كبيرة بالعكس، (حط رجلك وبس مب شرط ترقد لي وتنسدح طبعا ماقصدك انت)، صحيح ما راح ترتاح كثير، لكن استطيع القول انه بالامكان التأقلم والتعود عليها بسهولة مع مرور الأيام .. وانا كنت ومازالت راضي عن مساحتها (لكن ما كانت متماشية كثيرا مع ضروفي) ، لكن نتمنى يزيدوها في المستقبل .. وانا لاحظت بان مقاعدها مريحة ومقوسة للداخل تستطيع الجلوس عليها براحة كبيرة ..
لكن هكذا (استايل) السيارة ، هكذا (طابع) السيارة ، هكذا هدف وغرض واساس فكرة صنع هذه السيارة (والسيارات في ايامنا هذه، أنواع وأشكل وفئات و مستويات مختلفة ومتعددة الإستخدامات ومخصصة لأشخاص وذوق وفئة معينة من الناس وللقيام بأدوار وأمور معينة) وهذه السيارة تصنف من مستوى فئة سيارات السيدان الرياضية الفخمة (صغيرة الحجم) مثل :-
كاديلاك CTS
إنفينيتي G سيدان
بي ام دبيليو - الفئة الثالثة
أودي A4
مرسيدس - الفئة

لكن شفت الـIS وعجبني مره ... ايش رايكم

اذا عجبتك ,, توكل على الله وما عليك من حد وانا خوك ..

بالنسبه للفل كامل هل يجي معاه جناح ولا من الاكسسوارات الاضافيه ؟

ما ادري عن مواصفات السعودية،
اما هنا عندنا في قطر لازم تطلبها وتزيد مبلغ على سعر السيارة ..

وهل فيه كاميرا خلفيه زي الـES

بالنسبة للفل أوبشن (كامل المواصفات)
نعم .. يوجد كاميرا خلفية 100%
مب بس كذا، وفيها كل مواصفات الـ ES (الا البانوراما) والـ GS .. وزيادة مثل:-
- مصابيح خلفية بنظام LED ..
- طريقة مميزة لتشغيل العدادت ..
- 3 ازرار ذاكرة حفظ لوضعية المقاعد ..
( نفس الـ GS كذلك ويعود السبب في ذلك مراعاة للمساحة
الداخلية اما الـ ES ذاكرتين فقط مش محتاجة زيادة صراحة )
- مقابض تبديل سرعات ناقل الحركة خلف المقود ..
- التحكم في كمية فتح فتحة السقف بواسطة ( فرارة) ..
- اضائة كلمة لكزس على العتبات عند فتح الباب ..
وغيرها .. وباقي المواصفات نفس ES و GS ما شاء الله ..

وايش رايكم تنصحوني فيها ولا لا ؟

انا ما انصح بشيء ، اهم شيء رضاك انت شخصيا عن السيارة ..
وعن نفسي ، ما اشوف شيء ينقصها او يعيبها (بمعنى عيب) ..
وانا كنت ناوي على السيارة وبقوة لكن حاجتي لمساحة أكبر قليلا لثلاث اشخاص بالغين في الخلف وللقيام بمشاوير وتوصيل الأهل (بعض الأحيان) ، حال دون شرائي تلك السيارة الرائعة لكن ما زلت من عشاقها وستبقى في قلبي .. وفي هذه الردود ستجد بعض اسباب شرائي GS430 :-
http://www.toyota4arab.com/forum/sho...2&postcount=18
http://www.toyota4arab.com/forum/sho...9&postcount=20

الـ IS ، تعجبني جدا كـ اسم + سعر + تصميم + جودة وفخامة داخلية + مميزات ولا أروع + محرك 6 سلندر اقتصادي (نوعا ما) وقوته جيدة + سعر بعد البيع + صيانة غير مكلفة كثيرا .. برايي السيارة تستاهل سعرها علاوة على ما ذكرته مجتمعة ..

تحياتي
ليكزي

[عبودي مكه]

مشكور اخوي ليكزي وما قصرت
وتعبتك معاي
والله ردك حمسني زياده ع السياره
ونفسي اطلعها اليوم قبل بكرا *_*
ادعي لي اطلع وحده خلال اليومين الجايه
وشكرا مره ثانيه على ردك الروعه

[درفت]

وعليكم السلام أخوي عندنا بالسعوديه الجناح يجي مع الفل ابشين والكميرا الخلفيه نفس الشي اما من ناحيت المساحه الخلفيه صح هي ضيقه بس عند الدخول والخروج اما وانت جالس تكون مرتاح على اخير انا راكبها كثير

[عبودي مكه]

هلا أخوي درفت
مشكور ع الرد الحلو
ردك يفرح , الله يفرحك ياشيخ ^_^